اغلبية النساء الي قابلتهم كذا هل انتي منهم؟؟؟

[Tota 85]

انا مثلج اختي وكانك قاعده في بالي ابي اكتب موضوع بهالخصوص انقهر واحتر وازعل لما اشوف بنات بهالعقلية انتي بنت هل يرضيج لو قلتلج امك وابوك زعلوا لما انولدتي طبعا لا اذا شلون انتي تزعلين من عطية ربج
انا الحين حالمل قبل يومين رحت للدكتورة وقالتلي بنت والله اني فرحت من كل قلبي والله انها خير علي وعلى ابوها انا عرفت اني حامل مع اول راتب نزل لي البنات خير اذا مب الحين في الصغر لما يكبرون

يارب باركلي في بنتي واستر عليها وفرحني فيها وهي كاملة الخلقة وصاحية

أم هبة حبيبتي قولي حق زوجك انا مثل الارض وانت المزارع عمره المزارع ما حط بذرة تفاح واطلعت بطيخ اذا في عيب فهو منك مب مني والبنات خير اللي عنده 3 بنات ويحسن تربيتهم يدخل الجنة

[حيفا]

تفكيييير الناااااااس جاهلي يا خيتوووو
الاخت اللي كاتبه الموضوع اللي تقولي عنه اكيد تحب بنااتها بس المشكله في الناس اللي حواليها وممكن زوجها كمان
الله يعينها وصدقيني هي رح تحب بنتها وتهتم فيها لكن خلاص وما تنسي هذا شي مذكور بالقرآن انه الناس تزعل من ولاده البنت

انا عن نفسي انا وزوجي نفسنا ببنووووته تكون بأول حمل ، حتى انه نفكر باسم بنوته قبل ما احمل هههههههههه
ربي يرزقنا الحمل السليم المعافاة يارب سواء بنت او ولد

[شوق وحنين]

عمري البنااااااات أحبهم ..
أكون سعيدة وااايد لما أشوف بنت اختي وبنت اخوي والاعبهم..
أنا حامل بولد والحمد لله.. وان شا الله الله يعطيني من عقبه بنوتة..

[سيلين 10]

انا كمان انزعج من هذه المواضيع كتير سبحان الله يتطور الزمن ونتقدم بكل شيء الا بهذا الموضوع العقليه متل ما هي الي تجيها بنت الناس تسمعها كلام كانه البنت من عندها سبحان الله مع انه كلام الله واضح يهب لمن يشاء اناثا ويهب لمن يشاء الذكور
والبنات نعمه من الله كتيـــــــــــــــــــــــــــــــــــــــــــــر محرومين منها ويتمنوها
لازم دايما الواحد يتوكل على الله ويعرف انه الي من الله هو الخير واهم شي تمام الخلقه
انا هاد حملي الاول ولسا ماعرفت شو فيه متمنيه بنوته والي يجيبو ربنا نعمه اهم شي تمام الخلقه

[ام بدوور]

بنت او ولد نحمد الله على هالنعمه وكل شي مكتوب ومقدر عند الله
على طاري هذا الموضوع اتذكرت سالفة استوت قدامي وانا في العياده كنت انتظر دوري وكانت وحده يالسه عدالي وعندها ولد ووحده ثانيه كانت قاعده ومعاها بنتين كبار و بنت رضيعه المهم هالحرمتين من نفس الجنسيه على ما اظن من الشام الحرمه اللي عندها ولد كانت اتسولف مع ام البنات ومن ضمن هالسوالف سمعتها اتقولها الله يعوض عليج حتى انا استغربت يعني الله يعوض عليها عشان عندها ثلاث بنات اصراحه تفكير متخلف *

[انجل]

يعطيك العافيه يالغلا
اهم شي صحته والعافيه والي يجيبه الله حيه الله
وتربيت اعيال هذا الزمن صعبه
والله يقدرنا يارب على حسن تربيتهم يارب

[ندى الياسمين]

هذا كلام الناس المتخلفين والله كانهم بعصر الجاهلية اللي يسود وجهه لما تجيه بنت
يا زينهم البنات
أنا حامل واتمنى اللي ببطني تكون بنت
والولد والبنت كلهم نعمه وألف الحمد لله

[كادى نايف]

والله ياعسل انا مو كثير اشارك بس شدني موضوعك انا عندي بنتين وولد الله يحفضهم البنت عز لامها ولابوها لما يكبروا وحتى وهم صغار زوجي متعلق ببنتي الصغيره بالحيل مع اني ماعندي الا وولد واحد بس ممنفضله علا البنات كلهم نور عيوني وتسلمين علا الطرح

[برّو !]

والله هذي قسسمة الله
بس تفكير الي حولنا بصراحة
اناالحين. حامل ببنت
عمة زوجي عندها 6 بنات وولد
بدااية حملي في مجلس حريم تقعد تلوت لي بوزها وتقول
مافيها الا بنت ...  رغم اني بكرررية
وبرضو زوجة حماي
تقول ان جبتي بنت بتصيرين مختلفه عن بكر عايلة فلان.

شدعوااااااا
وش بجيب انا تراها بنت مو شي عجيب وغريب !!
وانشالله الي جابت بنت الله يرزقها بولد
استغفرالله شي ينرفز والله

وزوجي مايقصرر بعد
كل يوم يقول فلان جاه ولد وفلان جارنا بعد وفلان مدري منو

يعطيك العافيه*

[نسمة حلوة]

السلام عليكم

جزاكم الله خير على الطرح الجميل، البنت والولد كله من الله سبحانه وتعالى، وهو سبحانه حكيم عليم يعطي بحكمة .

المهم هو الصلاح والتربية الحسنة للاثنين ، وترديد الدعاء " ربي اجعلني مقيم الصلاة ومن ذريتي ربنا وتقبل دعاء"