كروشات تعالو نتسلى وكل واحده تقول تجبتها وين انفتجت مويت الراس

[يارحيم تمم لي بخير]

كلمة ان شاء الله تكتب منفصله ولايجوز كتابتها متصله لانها بتغير معنى المشيئه

[ام ديالأ]

انا الاول فتحوه المستشفى والثاني الله اعلم فين بينفتح

[sooma1]

ههههه تعابي بصدمك انا انفتحت عند عمتي ام زوجي ههههآهههآي اتخيلي كنت حاسه اني يوم اروح لهم بتنفتح عندهم احساس كبير بشكل ماتتوقعينه ومن الغباء احس ميا والم بالظهر وعلى بالي افرازات هههههه وكل ماغيرت كلوتي انزلت ترا تشبه الافرازات وبسبب نزول الراس الطفل تحت ماتنزل كلها يمكن ماتنتبهي بس اد حسئتي الم بظهر وافرازات / مثل مويا الرجال / دايركت على الهوسبتل بفيدك لاني انا بكريه وماستوعبت انها مويا الراس الا متاخر وخضعت للطلق الصناعي اهي اهي

[فآنو~!]

انا بكريه
بس اتمنى تنزل بالبيت أو بالمستشفى :)

[~قموووره~]

الله يسهلك ياقمر وتولدي بالسلامه انا الدكتوره فتحتها لي بالمستشفى بس بالثامن احتمال ضعيف ينفتح بهالفتره روحي تقضي للبيبي وماراح يصير الا كل خير يااارب

[روح ماما زيودى]

يارحيم تمم لي بخير. سورى حبيبتى انا دوم اكتبها منفصله. بس احيانن اغلط لانى اكتب من تلفونى والخط يكون صغير وايد ما اركز عدل
مشكوره حبيبى لتنبيه فى ميزان حسناتج
ــــــــ

[روح ماما زيودى]

يارحيم تمم لي بخير. سورى حبيبتى انا دوم اكتبها منفصله. بس احيانن اغلط لانى اكتب من تلفونى والخط يكون صغير وايد ما اركز عدل
مشكوره حبيبى لتنبيه فى ميزان حسناتج
ــــــــ

الله يسهل ع الجميع

[mado ma]

انا في كل ولاداتي ساعة الولادة يفتحو موية الراس في المستشفى بس ولادتي الاخيرة كان عندي موعد في نص التاسع والدكتورة فكت الموية من غير ماتقول بس خرجت من عندها نزلت المويات وعلى طول خلوني في الملاحظة وتاني يوم الظهر ولدت بطلق صناعي طبعا لانها المفروض ماتفتحها الا عند 4-6 سم ويكون في طلق

[maesooo]

الله يسهل على الجميع
انا في حملي الاول صحيت من النوم حق صلاة الفجر وحسيت انه كانه شي ينزل مني بس توقعت افرازات وقمت بروح الحمام الحمد لله انه قريب بس دخلت الحمام الا نزل ماي كثير طبعا ارتعبت لاني بكريه وباقي يومين واطبق 36 اسبوع وقعدت في الحمام عشر دقايق على ماتوقف الماي
يعني كنت منصدمه لاني كنت ساكنه في سكن طالبات ومو عارفه شسوي لانه ماعندي طلق
بعدين رحت المستشفى والحمد لله الله سهلها
بس الماي ماوقف اذا انا قاعده يوقف بس اوقف على طول ينزل حطيت اربع كوتكس وغرقوا
هالمره ما ادري متى
بس يقولون انه اللي حامل ببنت دايما تنزل المويه قبل ويقولون انه يسرع الطلق ويخفف الالم
والله اعلم

[r4m]

انا فكتها ليا الدكتورة بالمستشفي ... وكان الطلق اصلا حامي من قبلها بكم يوم لكن البيبي وقف في الاخير وماسار ينزل اكتر
فاضطريت اخد طلق صناعي عشان يتحرك وينزل واولد ههههه بيبي عنيد الله يهديه

والدكتورة قالت انو لو نزلت موية الراس يسرع الطلق ان شاء الله وتتسهل الامور بس بشرط ازا نزلت الموية لازم خلال 24 ساعه تكوني ولدتي ولا خطر انتي والبيبي وتسمم لاسمح الله