اول مره اشارك .... افيدوني ارجوكم

[SHINY STAR ALEX]

متشكره اووووي علي دعوتكو يا بنات .....بس للآسف اللي كنت خايفه منه حصل والحمدلله علي كل حال ... البيريود ما جتش والدكتوره بتاعتي مسافره ورحت لدكتوره تانيه في نفس المستشفي الحقيقه انا مستريحتلهاش من اول دخلت والله مش عارفه ليه ... المهم قالتلي ان جدار الرحم سميك اووووووووي بس ما فيش كيس حمل ولا حاجة وعملت تحليل دم وماطلعتش حامل واللي خايفه منه حصل ... انا عمري في حياتي ما اتأخرت البيريود غير يوم او اتنين بالكتير طول عمرها منتظمه وزي الفل ... اول مره ما تجيليش ...الدكتوره قالتلي لازم نستخدم دوا عشان البيريود تنزل واعمل تحاليل لهرمونات وده اللي انا مكنتش عيزاه اني ادخل في طريق المشاكل والعلاجات .... الحمدلله علي كل حال انا مش فاهمه ازاي يبقي عندي التبويض كويس ويبقي في خلل في الهرمونات ... انا مش عارفه ليه مش متطمنه بس تحليل الدم ما بيكدبش انا مش حامل والسونار كمان مش مبين اي كيس حمل .... ربنا يخرجني من الخنقه والزعل اللي انا فيها دي ياااااااارب .... دعواتكو معايا يا بنات ارجوووووكو

[رمادا]

الله يعطيك ويعطينا

[liliaceae]

معلش حبيبتي الله كريم وان شاء الله ربي بيكرمك بالحمل وكل متأخرة بإذن الله

[نفسى أسمع كلمة حامل]

حبيبتي إن شاء الله يكون حمل لا تخافي حبيبتي إن شاء الله خير

[zobaaa]

يارب تكوني حامل وكل متمنية يااااااااااااارب

[SHINY STAR ALEX]

ازيكم يا بنات ... انا عارفه اني بتقل عليكو بس بجد محتاجه حد اتكلم معاه معلش استحملوني
انا بصراحه مكنتش مستريحه لدكتوره اللي رحتها لانها مش الدكتوره بتاعتي وبصراحه حساها مش فاهمه حاجة ... يعني اخدت دوفستون ومانزلت البيريود يبقي تشوف الحل .. لا ادتني دوا بريمولت نور وانا قلقت منها ... روحت لدكتور هنا جوزي يعرفه شخصياً وشاطر اوي كان قالي عليه بس اتكسفت ... روحتله وقالي فعلاً الجدار سميك اوووووووووووي والحمدلله مافيش الحمدلله تكيسات علي المبايض ولا في اي حاجة وانتي كويسه الحمدلله بس الجدار ده معناه حمل ... بس حتي تحليل الدم الكمي بيقول اني مش حامل ... قالي خلاص انتي استني 5 ايام لو ماجتش البيريود ارجعي خودي الدوفستون تاني لمده 5 ايام تانيه لو ماجتش البيريود استني 5 ايام تانيه ( يعني كده 15 يوم ) ولو بعد كل ده ما جتش البيريود يبقي تعاليلي بقي نشوف ايه حكايتك
انا مبسوطه من الدكتور ده عشان بجد حسيته فاهم يعني مش بيستسهل .... بس ما يمنعش بردو اني لسه خايفه ومش عارفه ايه اللي بيحصلي ... لا انا حامل ولا البيريود عايزه تنزل والجدار كل يوم بيسمك اكتر واكتر .... ايه اللخبطه دي يا ربي ههههههههههههههه الحمدلله علي كل حال
بالله عليكو لو حد حصلو كده يبعت يقولي حصله ايه وعمل ايه ... وربنا يجيب العواقب سليمه يااااااارب
شكراً ليكو بجد

[نفسي أكون أم]

و الله يا اختي ما عندي فكرة لكن ما حبيت امر على موضوعك من غير ما ادعيلك يا رب تكوني حامل و تجي تبشرينا و يا رب يرزقنا و اياك بالذرية الصالحة السليمة و المعافاة و احساسي بيقولك انه حامل حمل متاخر و الله اعلم

[نونا جهاد]

ان شاء الله يكون حمل باذن الله قولى يارب

ويرزقك ويرزقنا جميعا امين امين يارب العالمين

[مؤمنة 77]

لازم تستني لأن حبوب الي بتنزل الدورة تنزلها yحبيبي بعد 3 أيام الى عشرة أيام بعد كذا اذا ما نزلت الدورة روحي لدكتورة