الرحم مفتوح 3 سم ومافي طلق في الاسبوع 37

[نبعة الحب]

الله يبعد عنج القيصرية انتي ما تحتاجين قيصرية لان اصلا عندج توسع القيصرية للحالات الخطرة مثل حالتي ابني الاول ولدتة اول اسبوع من الثامن في الاسبوع 32 وكان قيصري اما حملي الثاني انتظرو علية 4 ايام بعد ما نزل ماء الجنين وما صار توسع وولدت عملية بس انتيح التج لالا اصلا ما راح تلحقين راح تولدين ان شاء الله بهاي الايام الجاية
اصلا اني اعدي واتمنى اولد اول يوم من التاسع وارتاح لان الطفل كمل ومافي اي نقص اني ولدت بنهاية السابع تقريبا اول الثامن وكان فقط النقص الرئتين واني كنت قبلها بشهر ضاربة ابرة الرئتين للجنين والحمدالله جنيني طلع كامل الخلقة وحتى ما اتحتاج تنفس وقبل موعدة ب7 اسابيع اني موعد وردتي بنص شهر 12 وانا ولدن بداية شهر 10 تخيلي كثير قبل شهرين هواية بس الحمدالله ما احتاج اي شي غير رحمة رب العالمين اما انتي مافي اي خطر لانج بتاسع وابني الثاني ولدتة بنص التاسع ثاني ثالث يوم طلعت للبيت واخذتة معاي يعني لاتفكرين وربنا يقومج بسلامة

اني اعرف وحدة قالو الها نفس الكلام ورفضت وقالو الها الاطباء لازم يطلع الجنين وبعملية لان حتى الاوكسين خلص

وهيا ببداية التاسع طبعا سمعت كلام امها وجدتها الي عمرها 90 سنة والجيران ومدري منو لا تسمعين كلام الاطباء

انتظرت لحين الولادة ومن ولدت طلع الطفل مريض لان خلص الاوكسين من ومع الاسف ما راح يعيش هواية والسبب الام هيا تتحمل مسؤالية هذا الطفل


الاطباء همة الي يقررون اني استغرب هواية بنات هنا يعرضون حالتهم ويقولن نحنا ما نسمع كلام الاطباء ومدري شنو

امي قالت هيجي واختي قالت هيجي وجارتي تقول لالا وكلي امرج لله ويارب تكون ولادة سهلة