قصة ولادتي بكل تفاصيلها

[بسمة اطفالي]

السلام عليكم ورحمة الله وبركاته
كيف الحال يااااحلواااات؟؟
نبدأ تفاااصيل ولادتي
انا كنت خبرتكم ان باخر موعد لي مع طبيبتي خبرتني ان المويه قليله على الجنين
وحولتني المستشفى اللي راح اولد فيه وهم طلبوا تنومي وانا رفضت
المهم رحت لهم ليلة الخميس على الموعد عشان اسوي تخطيط لقلب البيبي
وكااانت النتيجه انو حتى حركته صارت قليله وفيه طلق منتظم لكن لازال الرحم مقفوول واصروا انو اتنوم لان فيه خطر على الجنين
وتنومت والله لايوريكم كل ساعتين يركبون جهاز التخطيط ولمدة 45 دقيقه
ما اعرف اتحرك
يوم الخميس الصباااح سوو لي تصوير وقال الدكتور ان راح يمهلوني 4 ايام يمكن يجيني طلق واولد طبيعي لكن بعد كذا اذا ما صارت ولاده لازم عمليه
وانا لاني والد قبل قيصري مايقدرون يعطوووني طلق صناعي
وبعد هيك شااافني اسشاري توليد وردد نفس الكلام وانا اقول الحمد لله رب العالمين
على كل حااال
وانا الالم يزيد معي ويوم الجمعه الصباح جات دكتوره تشوف نتايج التخطيط قال تقارب الطلق لازم اكشف وكشفت وصار عندي الرحم مفتوح واحد سانتي
وانبسطت كثييييير اني راح اولد طبيعي
وشديت حيلي في المشي لكن الله يسامحهم مايخلوني شوووي وتعالي ماما في تخطيط
وطول الوقت ما ارضى لهم يكشفون ما ابي اتحطم وهم يقولون لسا واحد سانتي
والساعه 8 ونص بالليل صار الالم يزيد لما تجيني الطلقه ماااغير الهج بذكر الله وزوجي يدعي ويمسح دموعه واحسه مو قادر يجلس وهو يشوفني بهالحال
قلت له روح البيت وخليها على ربك وادعي لي
بعد كذا جااااو يركبون جهاز التخطيط
وراحت وانا بمووووت الم زووود على حبسة الجهاز
وجات الممرضه وانا اتلوى وقالت لازم كشف وقاست لقت الرحم مفتوح 6 سانتي
صااارت تصارخ تنادي الممرضات وشالوني بسريري الى غرفة الولاده
وكلمت زوجي وانا مبسووووطه واقوله راح اولد طبيعي والرحم فتح 6 صااااار يبكي بصوووت عاااالي ويدعي لي وطلب مني اتحمل واصبر وارد له بالسلامه
(ياعمري عليه فديته صرت ابكي معاه) المهم
طيرااااااااااااااااااااااان الى غرفة الولاده وكان موجود دكتووور بشوش ويطمن جلس يهديني ويشجعني ويبشرني بولاده طبيعيه وقال خلاص بيفتح كيس المويه
ومجرد مافتحه كاااانت المفاااجأه ان الطفل تبرز في بطني(اخوه قبله سووواها فيني الله يسامحهم مدري ليه العجله)وعلى طووول ركبوا لي اوكسجين لان نبضه ضعف وكلما اشتد الطلق ضعف نبضه تخيلوا من 146 نبضه صار 40 ومت من الخوووف
وجا الدكتووور يجري لي ويقولي بنتي اسف لازم قيصريه وانا دموعي تنزل على خدي جمررررر تحرقني واقوله اهم شي جنيني لايصيبه مكروه
وطيراااااااااااان على غرفة العملياااات وانا ادعي ياربي سلم لي طفلي
يارب
ودخلت العمليات 9ونص وخرج طفلي للدنيا 10 وثلث وفقت من البنج 12 ونص
وانا احمد الله الي سلمني وجنيني من الشر واحااااتي اهلي زوجي وامي كيف بيتلقون هالصدمه من ولادة طبيعيه الى عمليه قيصريه للمره الثاااني
طبعا بعد خمسه ايام جات الطبيبه تفك لي الخياااطه وقالت لي ان الولاده الجايه راااح تكون قيصريه ايضا لان الرحم مايتحمل الطلق بعد عمليتين
وتعبت نفسيا بس الحمد لله في الاول والاخير
وتوته توته خلصت الحتوته .......حلوه والا فتفوته