علامة الجودة (حبة الوجه) هل في احد طلعت له واكتشفت انه حامل

[بنت لبنان]

والله انا ما عندي فكره بس حبيت ادعيلك بالحمل السليم

[**لولا**]

وانا نفس الشي تطلع لي في الدورة والحمل مالها دخل ولاتشغلي بالك
والافرازات ادا كانت تقيلة ممكن تكون من اعراض الحمل انا برضو نزلت لي قبل الدورة افرازات شفافة مطاطية اسبوع وبعدها نشفت اسبوع وبعدها رجعت بس بيضا وكتيرة

الله يرزقك ويرزقك ويرزق الجميييع

[ناعسة العين]

انا حاليا بايام التبويض وطلعت لي حبه عند الانف بالضبط واذا حطيت يدي اوجعتني مره
انتي توجعك ولا عادي وناشفه .. من الافرازات .. والله يرزقنا ان شاء الله ..

[عاشقة الأمل]

يارب تطلعين حامل
أكثري من الدعاء وتفائلي

[**لولا**]

يب توجع زي الدورة وللحين تطلع وتروح ويطلع جديد

عااااااااادي لاتدققو في كل شي,,ركزو في البطن والافرازات حتى الصدر مو شرط انا بعد شهر انتفخ وعورني
وكمان دفا الجسم,,لو بيوم الدورة يكون برد ولو حمل تحسي بحر ودفا

[اميرة الجوري]

المشاركة الأصلية كتبت بواسطة **لولا**

يب توجع زي الدورة وللحين تطلع وتروح ويطلع جديد

عااااااااادي لاتدققو في كل شي,,ركزو في البطن والافرازات حتى الصدر مو شرط انا بعد شهر انتفخ وعورني
وكمان دفا الجسم,,لو بيوم الدورة يكون برد ولو حمل تحسي بحر ودفا

فعلا كلامك صح بخصوص دفا وبرد الجسم ولاتاخذوا بمقياس درجة الحراره حرارتي بعد ايام التبويض تطلع وتنزل وماثبتت واستقرت ثابته لمى عدا موعد الدوره وعرفت اني حامل
بس الصدر يحصل له تغير اشوي بس مايلاحظ كثير والافرزات مايكون جفاف مره بعدين تجي رطوبه وعلى هذا الموال وتروا علامات الدوره في الافرزات كلها ظهرت عندي حتى نزل على مويه قلت الدوره راح تجي وكمان جاني قرف من الروائح

نعوسه قصد لولا ركزوا بالبطن يمكن انها تفصد انتفاخ البطن بالغازات تحسي بطنك كبران اشوي
لانه في الحمل تكثر الغازات
انا كذا عاد ماادري عن لولا

لكن يابنات انسوا الحمل في ايام التبويض و لاتركزوا كثير بالاعراض تروا اعراض الدوره والحمل زي بعض
وما يثبت انك حامل الا انقطاع الدوره و التحليل

[ناعسة العين]

لولا ايش تقصدين ركزو بالبطن ..

[ناعسة العين]

شكرا لك ياعسل يا اميره
انا عندي نغزات بكل مكان واول مره تطلع لي حبه وتوجعني هالقد
بس لاني كل شهر اهتم واسال هالشهر خلاص لاني كل الاعراض اللي يكتبوها
تكون عندي قبل الدوره وبالاخير تشرف الساندرلا فصرت خلاص اعرف مافيه فرق
بين اعراضهم هههه تبلد وان شاء الله ربي يرزقنا بخير يارب

[**لولا**]

زي ماقالت جوزي
اقصد كنت احس نفخة في الجنب اليمين من الرحم زي الغازات والجهة التانية لينة وقتها استغربت
وكان اول لو دورة الرحم كلو من اسفل سمك واحد كل الجهتين مو حهة وجهة لا زي الحمل
ولما بضغط عند الصرة من تحت احس بنفخة توجع كنت بدهن بالزيت واستكشف الفروقات هههههه

وزي ماقالت برضو جوري الميزان كان عندي يطلع منخفض ومرة مرتفع ولما كان ينخفض اشك الدورة تنزل بس ماكنت احس ببرد مرررررة كل من لمسني يقول جسمك دافي وانا بنفسي اتحسس احسو دافي بالذات الظهر والصدر واول ما اصحى من النوم احس بدفى

وفي كمان شي مهممممم لاحظتو عنق الرحم كان طالع فوق وقصير,,وكان اول نازل مثل الاصبع
يعني في الدورة يكون نازل زي الاصبع السبابة اول فاصلة فيه وازود وفي الحمل نص الفاصلة واقصر وداخل
والمكان رطب ولين وافرازات لبعد الدورة,,وقتها استغربت كيف لو فيه دورة ينزل ابيض ونظيف وسميك ومتواصل اسبوعين كدا

فلا تركز بحبوب وحتى الدوخة احيان تجي من قلة اكل مو شرط حمل

انا شكيت كمان لما جاتني دوختين بسيطة وكنت فااااااطرة دوبي اكلت والعادة تجي من الجوع وقلة الاكل
ماحطيت في بالي خفت اوهم نفسي

[**لولا**]

وكمان الصدر ماكان يوجعني مررررررة بس كنت اضغط عالحلمات احس بوجع خفيف
وبعد 3 اسابيع انتفخ لما وقفت حبوب اللي تنزل الدورة الم ممتد لبداية الابط

سبحان الله الاجسام تختلف حتى البول غمق بعد شهر

وكان برضو يجي مغص دورة ع خفييييييف والبعض يجي قوي
فما ركزت في المغص ولا دوخة ولا روايح لانها تحصل وقت الدورة طبيعي

اللي لفتني النفخان عالجنب وتحت الصرة ودفى الجسم والافرازات ااااكتر شي