السلام عليكم ورحمة الله وبركاته
شلونكم يابنات ....
حبيبت افضفض معاكم واخذ برايكم عن مشكلتي مع بيت اهلي
ابدا قصتي ..
انا والحمدلله متزوجه من سنتين وعندي بنت عمرها سنه والحمدلله
انا وزوجي ولله الحمد نحب بعضنا ومتفاهمين ومنسجمين
متى ما قلتله ابي اروح لبيت اهلي يوديني ولو كان كل يوم وفي اي وقت .. الحمدلله
بيتنا وبيت اهلي بنفس المنطقه نبعد عن بعضنا كم شارع بس ...
المشكله هي ..!!
امي تبييني كل يوم اروح عندهم كل يومين والثاني لوما رحت تتصل تتكلم وتسال عني وعن زوجي وبنتي وبعدين تسال سؤالها المعتداد متى تمرين او تمرين عندنا اليوم
وكذلك زوجه اخوي تتصل عليه ايضا وتسالني نفس السوال
طيب انا ما اريد اروح عندهم يوميه او كل يومين
انا ابيهم يشتااقولي ويشتااقون لبنتي
ابيهم يحسون انها تكبر ويوفون الفرق لو تغيرت شوي مو كل يومين شايفيها
يبنات انا ابي اجلس شويه اكمل شغلاتي اتفرغ لزوجي صحيح ان زوجي يعمل فترتين صباحي ومسائي بس هذا مايمنع اني اكون بلبيت انتضره
امي احيانا تتصل عليه واتقولي تعالي
اقولها زوجي توه طلع رااح لشغله تقوله طيب انا ارسللك اخوكي ياخذك
لو قلتلها لا مراح يصير شي بس راح تاخذ على خاطرها مني وراح يكون ضنها اني اتغلى عليهم وما ابي اروحلهم وادلع ومن هلسوالف ولو قلتلها عندي شغل متصدقني !! تخيلو
زوجه اخويه لما اقوللها والله ما اقدر عندي شغل
تقولي طيب بلطكاك اي بمعني تصطفلي >> يعني كلمه مو حلوه ابدا
شنو اسوي
علما اني موساكنه لحالي انا ساكنه مع حماتي ولو حماتي اليوم ساكته اكيد بكرا راح تحكي
لان لسانها اعوذ بلله منه
قبل كم يوم سافر زوجي وكنت عندهم 3 ايام ولما جا زوجي من السفر رجعت لبيتي
وانا خارجه من عندهم امي ومرت اخوي وهم بيودعوني قالولي يله مع السلامه الله معك طيب امتى راح تجين !!!
انا توي خارجه من عنكم اصبرو شوي
بنات ابي وحده تعلمني كيف اكلمهم بادب وبحيث مايزعلو
واقوللهم وافهمهم اني خلاص تزوجت وصارلي بيت مستقل وانا الان لازم اجيكم زيارت بس وانهم لازم مايضغطون عليه وايخلوني على راحتي
واسفه على الاطاله
اتمنى اسمع نصايحكم
11-02-2012, 04:06 PM
مشكلتي مع بيت اهلي
سفينه حب 
جديد منتدى منتدى الحياة الأسرية والزوجية
العرض الشجري
