إذا حصل حمل بفترة التبويض له اعراض بعد التبويض مباشره

[البستان]

المشاركة الأصلية كتبت بواسطة غاده2

في شي مهم نسيت اقولك عليه اختي
فيه دم احمر وردي ممكن يطلع منك بعد الجماع اثناء التبويض
وانا صراحه شاكه انه طلع بس استحيت وحسيت اني ماني نظيفه
وخبيت المنديل بسرعه لدرجة اني قلت اني واهمه
ولما قرات بالقوقل قالوا انه التعشيش هذا لما تنغرس البويضه في حدار الرحم
ويتم التلقيح وهذا كله تلاحظينه اثناء ايام التبويض اللي انا كنت اجهلها لاني
معتمده عالمانع وبس

المشاركة الأصلية كتبت بواسطة غاده2

وانا اختي نفس تساؤلك وحيرتك متزوجه حديثاً وشاكه
بالحمل رغم المانع لاني احس باعراض كثيره جديده مثل
علامات الحمل هذا لاني مريت باسهال وشربت دوا كحه
واحتمال فسدت المانع
المهم مابطول عليكي
من كثر الشك بحثت كثير
والحين بكتبلك الاعراض اللي احس فيها باختصار
واللي شككتني اني حامل فوق المانع
وهي :
الام بالصدر قبل الدوره باسبوعين لدرجة اني ماهتميت ولا لاحظت
غثيان خفيف + حموضه وتجشؤ وامتلاء بالبطن
نغزات خفيفه بالصدر والم اسفل الظهر ومغص مثل مغص الدوره
بس الغريب بها الاعراض انها تجيكي بدري وبالتدريج خلال الاسبوعين
ولحد الان مقدر احكم اذا حمل او لا .. لاني منتظره الدوره تطوف
وبس حبيبتي ودعواتي لك بالحمل السليم المعافى

ياهلا حبيبتي غاده والله احتمال حمل الله قادر على كل شي واعراضك ممكن تكون حمل
اكيد تحتاجين تشوفج الطبيبه وان شالله حامل

وبخصوص الدم الاحمر في وقت التبويض اللي اعرفه مثل ماتفضلتي فيه يدل على التعشيش
وانغراس البويضه بس لازم تتاكدين انه مافيج جرح بالمهبل سبب نزول الدم

انتي متى موعد دورتج اذا جا وقتها ومانزلت سوي اختبار حمل هرموني
والله يرزقج يااااغاااده

[البستان]

المشاركة الأصلية كتبت بواسطة khomaissa

انا كمان اريد جواب عن السؤال

ان شالله البنات يفيدونا وكلهم خير وبركه الله ايوفقج ويوفقهم
مشكوره اختي الغاليه على مرورج

[البستان]

المشاركة الأصلية كتبت بواسطة اشتياق الروح

والله مابعرف يّ آختي .. انا بفترة التبويض .. وعندي سؤال كمان .

لما خلصنا من الجماع شفت بالمنديل آفراز مطاطي لونه بنـي فاتح .. ومحتاره شنو يكون ؟

والله يا اشتياق الروح هذا مبشر بخير اعتقد وعلى ماقريت وسمعت انه التعشيش
ويعني تلقحة البويضه والله تعالى اعلم
ان شالله يكون صح
ويرزقج ربي بالحمل واحنا وراااج

وهم ننطر البنات يفدونا

[البستان]

المشاركة الأصلية كتبت بواسطة ميمونة

والله انا دايخه مثلكم نزل عليا نقط دم في ايام التبويض وعندي وجع ظهر ومغص والم في صدري ووجع دوره وغازات ومازال موعدها 15 يوم ربي يفرحنا

ان شالله عقب هالدوخه والحيره خبر حملج عاجلا
واعراضج اتبشر بخير
ان شالله ربي يقسملج الحمل يارب

[البستان]

بنات انا عندي الم في جنبي اليمين لما امشي احس بالم وعندي غازات
الحين فجر السبت 15 من اول يوم الدوره وعندي اعراض تبويض اللي اهي افرازات لزجه موعدي مع الدكتوره
اليوم السبت بعد الظهر راح اسالها عن اعراض الحمل بعد التبويض وراح ابلغكم ان شالله
سبب مراجعتي لطبيبه مراجعه دوريه انا عندي بنت واتمنى احمل بولد اخو لابنتي

[البستان]

السلام عليكم
انا اليوم رحت لدكتورتي وسألتها عن إذا في اعراض للحمل بعد ايام التبويض مباشره قالت لا مافي
اعراض غير تأخر الدوره والتحليل
وقالتلي انه تحاليل الحمل المنزليه اللي تنباع بالصيدليه اللي يقولون انه الحمل يبان قبل الدوره بثلاث ايام
مو صحيح لازم ننطر تاخر الدوره بعدين انحلل يعني اول علامة الحمل تأخر الدوره ومايأكد تأخره والحمل الا بالتحليل
بخصوص الالم اللي فيني قالت الم طبيعي لانه الم المبايض وان شالله اني فدتكم
وابإذن الله كلنا نحمل ويرزقنا الله بالحمل السليم التام من غير ولانقصان

[اشتياق الروح]

موشرط .. انا لما خلصت الدورهـ وجا وقت التبويض وبعدها ب اسبوع حسيت بحرقان في المعدهـ قوي حللت تحليل منزلي وطلع خط ثاني خفيف ..

ورحت المستشفى وطلع حمل ..

كل وحده تتغير عن الثانيه .. على حسب الهرمون .. انا عندي قوي ..

وآختي بعد الجماع ب5 ايام جا لها صداع قوي وحللت وطلع خط خفيف مثلي وراحت المستشفى وطلع حمل .

[البستان]

سبحان الله اكيد وحده غير عن الثانيه انا عن نفسي بحملي في بنتي مابين حملي الا متاخر
وفي بنات ايبين معاهم الحمل امبجر والله ايتمم عليج وعلى اختج حملكم
مشكوره حبيبتي

[LOUBI]

اهم اعراض الحمل بعد التلقيح مباشرة هو انتفاخ الصدر اي الثديين و الم بالحلمة عند لمسها و بداية اسوداد الحلمة و الهالة المحيطة بها و ظهور العروق الزرقاء او الوردية بالثدي و بروز غدد مونتغمري فيهما .. يعني اول الاعراض تظهر في الثديين .. و كمان ممكن صداع جهة الجبين .. و عند بعض النساء مش كلهم ينزل عليهم قطرة دم بعد ايام التبويض مباشرة و هي دليل الحمل ..

[البستان]

معلومات اعرفها بس توني ادري انها تكون بعد التبويض مباشره اذا حصل حمل
انا حسبالي ماتظهر الا عقب جم شهر من الحمل لاني من زمان ماحملت ناسيه
تسلمين اختي loubi
يعطيج الف عافيه. ياريت اذا البنات عندهم معلومات يفيدونا.