هل ممكن يصير حمل وهرمون الحليب مرتفع

[fafini]

المشاركة الأصلية كتبت بواسطة أم ريتـــــال

اشتريت جهاز حمل مختلف عن الاول وطلعت نفس النتيجه خط واضح والثاني مررررره خفيف
واليوم مره بطني يوجعني نفس وجع الدورة

وانا بصراحه بابنات شاكه بالحمل ليه لان ماصار جماع بالشهر اللي فات الا مره وحده وكان القذف خارجي

عموما ابنتظر الين السبت لان عندي موعد أسنان وبسوي تحليل دم بنفس المستوصف

بس أكيد تهمني آرائكم شوروا علي وش اسوي ؟؟؟*

اختي فهميني كيف شاكة انك حامل والقذف كان خارجي مستحيل يصير حمل

[فروووحه a]

يااختي يمكن تكوني حامل مستحيل التحليل المنزلي يغلط

[أم ريتـــــال]

حبيبتي فافي أنا قصدي أني شاكه أني حامل ومو مصدقه لان القذف كان خارجي
بس الاختبار المنزلي طلع مرتين نفس الشي خط واضح والثاني خفيف

علشان كذا استغربت وسألتكم هل الخط الثاني طلع من استخدامي لعلاج هرمون الحليب يعني يمكن يكون ياثر على نتيجه الحمل

والله هالموضوع شاغل بالي كثير ..

[أم ريتـــــال]

كل ماقفلت المنتدى ارجع افتحه اشوف يمكن احد رد علي

مره شاغلني الموضوع لأني سويت بحث وكثيرين صار لهم حمل وكان القذف خارجي

الله يكتب اللي فيه الخير يأرب ويرزق كل محرومه من الضنا يأرب ..

[أم ريتـــــال]

شكلي خلصت اجهزة التحليل من الصيدليه هههههههه
شريت واحد ثالث ونفس النتيجه خط واضح وخط خفيف مرره

بكره بإذن الله بحلل دم

[مادونا سعوديه]

حبيبتي مبروك باذن الله حامل وخصوصا انج حللتي ثلاث مرات وكله يطلع الخط الثاني

[نورانية]

اذا كان القذف خارجي شلون يصير حمل ؟؟ حبيبتي مايصير فيه حمل .. لازم داخل الرحم عشان نزول البويضه ،، الله يكتب لك الخير .. لاتنسين بشرينا :)

[mama2013]

أظن والله أعلم بأنه ممكن يكون حمل حتى ولو كان القدف خارجي لأن العزل ليس ناحع 100 في 100.

و لاشك أنَّ العزل كغيره من الطرق الأخرى لموانع الحمل إذا لم يستخدم بشكل دقيق ومعرفة بأيام

الدورة الشهرية التي يجب أنْ يعزل فيها وخاصة في الأيام التي حول موعد نزول البويضة فإنَّ ذلك يؤدي

إلى رفع نسبة الحمل . و مـدى نجاحهــا في منع الحمــل

بالاستخدام الدقيق تصل نسبة الحمل إلى 2% ، وبالاستعمال غير الدقيق تصل النسبة إلى 20%

[أم ريتـــــال]

قبل شوي نزل معي إفراز سايل شفاف مخلوط بدم وردي وهالافراز قد نزل علي بحملي ببنتي

بدت علامات الحمل تبان
الله يكتب اللي فيه الخير يأرب ويرزقنا جميعا بالحمل السليم المعافى يأرب ..*

[أم ريتـــــال]

حبيت أبشركم أني رحت اليوم حللت دم وطلعت حامل
الحمدلله والشكر لك يأرب ..

بس من شوي نزل معي إفراز بني مسحته بالمنديل مدري اذا طبيعي او فيه مشكله لاسمح الله ..

والف شكر لكل من رد علي ويرزق المحرومين يأرب بالذريه الصالحه يأرب ..