الحازوقه والشهر التاسع..!!

[ملاك علي]

أنا مايمر يووم علي الا احس بالحازوقه

أول كنت اظنه نبض الجنين :)
وكل ما سألت احد يقول مادري او مامرت علي

هي تشبه النبض بس ماتكون سريعه حيييل
وممكن 5 دقايق وتروح من حاله
ياليت اعرف سببه لانه قريت عنها بالنت ويقولو انه سببه انه الجنين يستعد لتنفس عن طريق الرئه,

ومكانها دايم اسفل البطن بس مو اسفل حييل ع اليسار


تحياااتي لك يارب عفوك

وربي يهون عليك وعلى جميع الحوامل :)

[تنهيدة ودااع]

طيب معقوله يااعفوك مارحتي المستشفى لك موعد

لارحتي شيكي وطمني حالك لايضربك وسواااس

[دنيتى غريبه]

ماشاء الله عليك يارب عفوك بكريه وتعرفين
وانا ست حملات و لا مره حسيت بالحازوقه

الله يهون عليك انتى بتنجنين لحين ماتولدين

[يارب عفوك]

لامارحت بروح هالاسبوع بس قبل مااروح

بيوقف قلبي ع هالوسواس..
.
.

هههههههااي دنيتي والله عرفتها بسرعه

لإنها واضحه حيل مثل دقات قلب متواصله وتضل 5 دقايق

وتجيها كل يوم مسكينه بس سمعت زينه

وربي يسهل

[ام شهودة]

الله يسهل عليك حبيبتى عااااااااااااادى ولا تخافين الجنين عندك نازل الحوض اذا صارت الحازوقه في الجنب الايمن او الايسر الراس نازل الحوض

[دلع]

انا تجيني الحازوقه مره فـ اليمين ومره فـ اليسار من الشهر الثامن وكل مارحت للدكتوره تقولي البيبي نازل فـ الحوض والرحم مفتوح...
الله يسهل علينا...

[يارب عفوك]

مشكورين حبايب قلبي

والله ارتحت

واليوم حسيت لها تحت وقريبه اشوي من اليمين..

احس كل يوم مكان بس لو تصير فوق بنفجع

[بنت جلاجل]

انا احسها باليسار خوفتيني

[يارب عفوك]

ليه اخوفك..

البنات طمنونا يقولو باليسار والجنين راسه تحت

تطمني يالغلا

[angel_nanour]

ههههههههههههه والله ضحكتوني توني ماخذه موعد من الدكتوره علشان هذا الموضوع ...
اول كنت افكرها حازوقه بعدين قلت معقووووله حازوقه كل يوم كل يوم .. و نفس الجهه مره يمين مره شمال و الغالب شمال و تكون مررررره مزعجه و اكثر الاوقات بالليل لين اجي انام (يعني بالعربي ما انام بسببها ) ,, وش معناتها .. معقوله حازوقه ؟ و لهدرجه تكون مستفزه كل شوي الا وهي ناطه ؟ بعدين انا احس بالحركه عند ناحيه خواصري .. كيف يكون الراس تحت و في حركه من الجوانب ؟معقوله ايدينه طويللله .؟