أهلن أم عبدالاله
قبل أكثر من سنتين كنت مثلك تماما أبي أحد مجربة يطمني
بقولك ياستي أنا جاني تسمم حمل في حملي الأول والله لا يوري أحد مكروه بغيت أموت لولا لطف ربي علي.
جاني في الشهر السادس مريت بتجربة قاااسية الله لا يضيع الأجر نزفت اغمى علي فولدت عملية جلست في الملاحضة المشددة أسبوع عشان الضغط ونقل الدم وجلست بعدها تسع شهور صحتي دمااار التنفس صعب وخفقان في القلب شدييد ومستتشفى إلى مستشفى عشان الفحوصات الحمدلله الله لايحرمنا شفاعتهم << ماحب أتذكر أيامها ![hwaml9](images/smilies/TR (2).gif)
المهم حملت مره ثانية الحمدلله بعد ماقريت على نفسي فترة و داومت على الاذكار صباح ومساء وأستودعت الله جنيني ودعيييت ربي في مواضع دعاء والحمدلله الحمدلله بفضل ربي دخلت العاشر أسبوعين وولدت من دون مايجيني تسمم الحمل
خلاصة التجربة نصيحة اقري على نفسك قبل الحمل لان غالبا تسمم الحمل نفس ولو اني حسب التجارب اللي شفتها أنو إذا الطفل مات تروح معه العين لانه مات خلاص*
ثانيا إذا ممكن لا تعلمي أحد حملك إلا الناس العزيزة عليك والقريبة.يعني اللي تحب لك الخير ماتحسد
حافظي على أذكارك واستودعي الله جنيني كلل فجر وقبل المغرب وأدعي ربك دايماااا الله مايخذل من دعاه
كلي حبوب حمض الفوليك قبل الحمل بثلاث شهور.
من أول ماتدرين أنك حامل على طول ابدي في الاسبرين
** ملاحضة أنا مو من الناس اللي تؤمن بالعين أقصد مو على كل شي عين وماعين لكن تجربتي هذي علمتني ان العين حق ![hwaml9](images/smilies/TR (2).gif)
ليه أتوقع أن سبب تسمم الحمل عين أولا ماله أسباب أبدا أبدا فيه جمعية في بريطانيا تخصصها تبحث عن سبب التسمم هذا ويجتمعون فيها أطباء من كل أنحاء العالم وللحين ماحصلو شي معين مجرد توقعات ماتنطبق على كل المصابات << هذا كلام دكتور أختي استشاري نساء وولادة
ثاني شي في كل بحثي اللي مات طفلها أغلبهم ماجاها ثاني حمل لان طبيعي العين راحت مع الطفل وأتذكر قريت لوحده أنها تكرر معها مرتين يوم جت تحمل المره الثالثة قرت على نفسها الرقية الشرعية وتم حملها إلى العاشر ماشاء الله إذا بحثتي عن تجارب الحوامل راح تستوعبين كلامي
وأي سؤال آنا حااضرة على فكره ابني عمره 8 شهور ونص الله لايحرم كل من يتمنى
الله يرزقك حمل تام من دوون مشاكل بالصحة والعافية لك وللبيبيك يااااررب