فضفضة مجهضآت ..(

[sukar]

ماشاء الله اخت فانو
الله يثبت حملك هذا وتقر عينك بشوفته ويتممه لك ع خير

[Carolina]

* * * * * * * * * *مرحباً بنات*

أنا كنت ناويه ما ادخل قسم الإجهاض لانه قلبي واجعني من هي الكلمه كتيييييييير اللهم لك الحمد اللهم لا اعتراض علئ قضائك وقدرك*
المهم أنا أجهضت 3 مرات وعند ولد الله يحفظه لي مافي اسباب واضحه للإجهاض كل شي طبيعي وما عندي اي مشاكل صحيه بس في بدايه الشهر الثاني يبدأ النزيف ويزيد تدريجيا لحد ما يتوقف نبض الجنين واعمل تنظيف لحتى انزله*
اما الإجهاض الثالث كان في بدايه الخامس نزل علي شويه ماء وبعدين بدا الألم والدم ينزل وحسيت الله يكرمكم لما رحت الحمام انو في شي بيدفع وبده يطلع ارتعبت وقومت اجري خائفه وأحاول أرجعه وأبكي بس ما نفع رحت المستشفى وقالوا خلااااااااص الجنين والماء في قناه الولاده يعني خرجوا من الرحم والرحم مفتتتتتتتتتتتتوح ع الاخر وهي ظلت عايشه قلت للدكتوره حرااااااام ننزلها وهي عايشه صرخت في وجهي وقالت أنا بنزلها قومي اعطسي ورح تشوفيها قدامك الله لا يسامحها ما رعت نفسيتي أبدا يلا كل واحد بيلقى جزاه وهلا صار لي 9 شهور وما حملت بس مو مستعجله كله خير من ربنا اللهم انك تعلم ولا اعلم اللهم ان كنت تعلم ان في حملي خير لي في ديني ودنياي فعجله لي وان كنت تعلم أنا في حملي شر لي فاصرفه عني*

*يسلمووووا حبيبتي ع التجمع يعطييييك العافيه فتحتي علي جروووووووووووح بس حلو الواحد يفضفض*

[عشرينية]

انا حملت حمل طبيعي بعد انتظار 4 سنوات
الحمدلله على كل حال جاء حبيبي فجأة وراح فجأة
في الاسبوع التاسع توقف نبضه
طبعا مافي سبب
والحين لي 4 شهور من اجهضت
بس مشكلتي انه دورتي بعد الاجهاض صارت مخربطة
مره جتني بعد 32 يوم ومره بعد 26 يوم ومره بعد 39 يوم
والحين انتظرها هالشهر لسه مانزلت ولي 32 يوم
الله يرزقنا خير من اللي راح
والخيرة فيما اختاره الله

[غموض الكوون]

وه سالفة الأجهاض
مؤلـــــــــــــــمه
الحمل الثاني كانت شوي تعب مو نفس الاول
المهم كنت اروح المستشفى اراجع عشان اشوف نبض البيبي
وكان كل شي تمام
بس كان يجيني مغص جوانب بطني واقولها عنه تقول طبيعي
ببداية الثالث نزل افرازات مع خيوط وردي
خفت ورحت لها تسوي سونار وكل شي يطلع تمام
ولا عرفت من شنوو هالدم
اقولها معي افرازات سوي لي تحاليل يمكن فيه شي
تقول لا تستعجلين ع التحاليل جاينك
اكلت مثبت ومن حملت كله منسدحه
م اطلع ولا اروح واجي
جااااااء يوووووووم فجاه انفك الماي علي
واروح طيران الطوارى كان تقول عادي يمكن التهاب
وش عادي اقولها احس ماي ينزل وانا واقفه تقول عادي
طيب سوي سونار تقول خربان بكره تعالي
بغيت اخذها واذبحها
طلبنا دكتوره ثانيه تشوف وش السبب
طلع التهاب البول < كنت اقولها سوي تحليل م رضت
قالو لازم تنويم مو زين الالتهاب ياثر ع الحمل
وبعدها كشفت علي كيس الحمل انفك من الالتهاب
قالت نحط لك مضاد بالوريد
ومدري ايش
والله بس حطوو مضاد جات بعد ساعه شافت الماي راح كله
كيف مدري
وجاني طلق ونزفت كثييييييييييييييييييييييييير
احس حطولي طلق
ونزلت بنتي
اه م اقدر انسىىىىىىى
ربي يعوضني خير الاول توقف النبض والثاني الماي
وفي نفس الوقت سبحان الله

الله يصبرنا ويعوضنا قولو امين

[غموض الكوون]

عشرينيه

الله يعوضك ي البي

اشربي مرقدوش ينظم الهرمونات

[sukar]

الله يعوضكم اجمعين
وان شاء الله نفرح الشهر الجاي

عشرينيه الله يعوضك ياقلبي

[fruit girl]

انا بعد تو لي اسبوع من اجهضت و ابد مو مستوعبه الا صار
كنت مرتاحة و جماع حتى قطعناه كله لسلامة الجنين
و كل موعد اروحه اشوفه و كلشي طبيعي
و فجاءة و بدون سابق انذار جاني نزيف و رحت مستشفى و قالو ان الماي قاصر للجنين و عندي توسع ولادة شلون و ليش تو كلشي طبيعي
ماقتنعت و رجعت البيت ارتاح و خف الدم و ارتحت نفسيا شوي
و بعدها بساعات رجع لدم اكثرررر و خفت حدي
و اصيح و رحت طوارئ الا ماي البيبي نازل و خلاص اجهاض خطر علي لازم ينزل
لن نزيف حااد
حسيت بضيييق وايد لان ماعرف ليش صار جذي تونا بنبدي تجهيز لاغراضه و راح بغمضة عين
و يوم كلعوه و شفته قدامي ماقدرت استوعب قمت اصرخ لا شعوريا

احاول انسى ماقدر دوم يتخيل لي ان لحين فبطني و ان بيتحرك و بحس بحركته

مع ان اول طفل بس الضنى غالي .. الله يعوضنا خير و يعوض كل فاقدة.

و ليحين انتظر تحاليل بعد لاجهاض حتى نتفاداها ان صار حمل مستقبلا

يارب يسهل و يرزق كل فاقدة بالذرية الصالحة

[Carolina]

الله يعوض عليك fruit girl ومعلش يا قلبي بكره بتنسي والله يرزقك خير من الي فقدتيه لله ما أخذ ولله ما اعطى

[sukar]

الله يعوض عليك اخت fruit
صح كلامك الضنى غالي وماحد بيحس اللي مريتي فيه

وقت ماتبين تفضفضين هذا الموضوع عندك
انا والله لما اجهضت بطني كان لسا كبير
كل شوي اتحسسها ادور عليه وابكي

وزوجي ماوقف معي الله يهديه عصب وقال باخذك مصح نفسي
مايبغاني ابكي لأنه مو حاس باللي فيني وبإنكساري ساعتها

عشان كذا وقت ماودكم تفضفضون احنا بنوقف معكم

لأن ماحد حاس باللي مرينا فيه
ولا راح يحسون لأن ع بالهم هالشي سهل طالما ماشفتي البيبي وتعلقتي فيه

[Um Ghala]

أنا ولدت في آخر الشهر الخامس كان يومين و ادخل الشهر السادس و كانت بنت الله يجعلها شفيعه لي و لابوها يآرب ..

3 شهور الحمل تمام .. من الرابع بدا نزيف و تسرب بسيط لـ ماء الجنين .. اكشف يقولولي كل شي سليم ..

و اخذ ابر و تحاميل و حبوب تثبيت .. لين دخلت الشهر الخامس نزل ماء الجنين كله من غير اي الم .. و رفضت الطلق الصناعي و كان عندي امل انه يرجع الماء يتكون و ظليت شهر بدون ماء حول الجنين لكن جاني نزيف قوي بدون توقف و لازم طلق صناعي و انزلها و وافقت بعد الحاح من الجميع و الحمدلله على كل حال ..

ما حسيت بألم الطلق كثر الم قلبي والله .. للحين ابكي بيني و بين نفسي و اصبر نفسي .. تعرفون شو المؤلم في الموضوع .. طلعت من غرفة الولادة للتنضيف عشان المشيمة ..

في غرفة العمليات يقولولي مبروك مبروك شو يبتي .. ؟؟ و انا السكوت و الحزن مسيطر عليه .. يباركون على شو .. ؟؟ الحمدلله على كل حال .. بعدين زوجي قال توفت البنت ..

و لما ييت اطلع من المستشفى يابولي كرسي .. و اللي تدز الكرسي تقولي وين البيبي ليش ما شليتيه معاك .. و انا قلبي يقطع والله العالم بحالي .. سكت ما قلت شي .. قالت البيبي في العنايه .. قلتلها لا ماتت و انا بعيوني الف دمعه و دمعه ..

الحمدلله نحن مب معترضين على حكم و قضاء رب العالمين خيرة و الحمدلله .. لكن الحزن لا بد منه .. كل ام تفارق ضناها صعبة والله صعبة ..

للحين اتخيل شكلها للحين اتذكر المي و اردد يارب بقدر ما حزنت و تألمت و فقدت عوضني و أكثر مما اتمنى .. رب العالمين رحيم .. و دام ربنا معانا نحن في غنى عن الناس و الحمدلله ..

اول ما حملت كنت مشتركة في موقع كل اسبوع يطرشون رسايل على البريد و ما عرفت اوقف الاشتراك .. كل اسبوع يطرشون كل اسبوع و حاليا طرشو مبروك طفلك قد ولد و مر عليه اسبوع .. الحمدلله على كل حاااااااااال يآآآآآآآآآآآآآآآآرب ..

اسمحولي يمكن طولت شوي .. الله يعوضني و يعوضكم خير عما فقدنا ..