السلام عليكم
انا بكريه حامل بالشهر الثاني
امس حصل بيني وبين زوجي خصام حاد والسبب اهله واهلي
علئ اساس انا مخبرته من قبل ان اهلي جاييني الرياض في العيد الجاي ان ربي كتب
حيقعدوا 3 ايام ويروحوا للشرقيه وابويا قالي اسالي زوجك هل حيكون مرتبط ذاك الوقت
وسالته قال لا قلت اكيد قال اكيد قولي لهم حياكم الله
وقلت لاهلي حياكم الله
وبعد مرور يومين قالي زوجي بخلي اهلي يجوني برمضان المهم بعد كم يوم اتصلت امه تقول له
انا ماح أجي برمضان اذا ماعندكم شيء بالعيد حنجيكم قال ماعندنا
ولمن خبرني قلت له واهلي طيب ؟ مو هما جايين العيد ؟
قال باستغراب :واهلك يعني بيقعدوا هنا بالشقه عندنا مااعتقد ابوك اصلا يوافق اعرفه
قلت تعرفه ولاماتعرفه انا علئ اساس قلت حياكم الله يعني عالاساس انهم حيجلسوا عندي
قال كلمي اهلك انه فهمت غلط يبغاني اقول لاهلي خلاص لاتجوا بيتي ..!
ورفضت
والنقاش بينا صار حاد صار يتكلم معايا بشكل وقح ويقول اني غبيه وانو عمره مايعتمد عليا
وانا فجرتها معاه لاني اساسا تعبانه الغثيان تاعبني ولااكل ولااشرب كويس بسبب الوحام
وفوق ذا كمان يتجادل معايا بوقاحه ويرمي كلام زي السم
بالاخير تركته وجاتني حاله انهيار وبكا ونمت بعيد عنه بالمجلس لاني صرت ماعادني طايقته
دايما يسوي هالحركات معايا كل مايتعدل ويتحسن يرجع يخربها بمشاكله وكلامه الوقح
مو اول مرا ولاثاني مرا وانا كل مرا اسكت ولااقدر اخبر اهلي واهله لاني مااحب اطلع مشاكلنا لهم
وانا ذحين مااكلمه ولايكلمني وعايشه معاه زي كانه مالو وجود
06-12-2013, 06:36 PM
مشكلتي الزوجيه
اثيـريـآت 
جديد منتدى منتدى الحياة الأسرية والزوجية
العرض الشجري
