ابي علاج للبلغم واكلات تزيد من وزن الاطفال الخدج

[نبضات خجوله]

يعطيكن العافيه الحمدلله صرت أخلط لها حليب مع السيريلاك والحمدلله أحسها تقبلته وماتبي الحليب لحاله
اما عشان البلغم وديتها للمره كبيره تعرف بالعلاج الشعبي وقالت لي بها قنطوف وماله علاج الا بالاردن وان شاء الله بوديها
دعواتكم لبنتي وان ربي يحفظها لي من كل شر ويحفظ لكم اولادكم

[نبضات خجوله]

أسمه طنطوف مو قنطوف وهو التهاب بالحلق

[وجدان 133]

اسمعيني انا طفلي خديج وجبته في الثامن وطلعت عيوني لكن الحمد الله عرفت له
قبل كل شي لا تسمعين كلام الحريم لانو بيشيبون راسك
اول شي خديج غير الاطفال كلهمم وقفت اس 26 لان فيه حديد كثير والخديج القيلون عندهم ضعيف ما راح يستفيد منه وراح تتعب زياده استخدمي بيبي لاك مره كويس الحديد في معقول ويغذي وخفيف علي البطن انا طفلي بهذلني بطن مو راضي يستقبل اي حليب غير بيبي لاك ولقيت انه الحديد فيه قليل
ثاني شي عامليه علي سنه من ولادته لا تقوليم خديج بصغره وكذا لا عادي هو خديج في عمر البطن
ابدي اكليها شوي شوي بس بعد ما تغيرين لها الحليب
ثالث شي التمر ابتعدي عنه نهاييا هو الي يجيب البلغم للطفل اانا طفلي خديج وجربت
رابع شي دهنيها بزيت السمسم قويس لا تكثير شي خفيف مسحه لان الخدج جسمهم حار بتصير حار وبس تبكي
واهم شي للخديج وغير الخدج لا تقومينها من للنوووووووم النووووم مره مهم اهم من الغذاء هرمون النمو ما يشتغل الا وهي نايمع واذا كانت نايمه طفي عليها اللمبه وخليها 5 ساعات الين ا تصحى هي بنفسها
الشمس الشمس الشمس مره مهمه للخدج
واذا كنت تعطينها فايتمين دال احرصي عليه بعد مره مهم واذا لا روحي لدكتور مهم فايتمين دال للاطفال الخدج الي عمر السنه
بعد المويه احرصي انك تعطينها تمام
وربي حاسه فيك وما كتب لك ذا الكلام الا عن تجربه تعبت مع ولدي الحمد الله الحين صحته كويسه وضع تمام
مابي منك الا الدعاء وصدقيني لا مشيتي علي كلامي ان شاء الله بتتحسن بنتك

[دلـــوعــه عـــــبوديـ]

البخار اذا مافاد ماضر انا عندي توام خدج وتجيهم اوقات كحه وبلغم ومع البخار تخف على طول ويطولون ماتجيهم ثاني
الاكل عند الرز مع الخضار وعندك شوربات والعصيرات حتى السليق مرا مفيد ويحبونه اغلب الاطفال

[ام مراوي]

الله يشافي بنتك ويحفظها لك

[محبوبته]

انا ولدي يوم جبته شارب مويه فبطني وشفطوه صدرة وروشوه اول ماولدته ع طول
وهالشيئ اثر ع صدره وتسمعين خرفشة صدره من بعيد
ومعاه زكمه وبلغم قووي من يوم ماجبته ليومك هذاا
تعبت معاه لازم كل يوم يطرش من البلغم ونفسه يسكر
تحمست يوم قلتي وديته لطب شعبي .. بس تتوقعين ينفع معه ؟

تعبت مرررره معاه مااتنفع لا ادوية ولا مستشفيات

اللهم البخار زين بوقته بس بعد يومين ترجع له الحاله

اعذريني طووولت بس لقيت احد نفس معاناتي بس اتمنى القى علاج للبلغم

[نسمات الوفاء]

حبيبتي البلغم مالك الا شفط وديها مستشفي خاص يشفطونه قبل ينزل علي صدرها وتتعب زياده
انا بنتي جلست تعاني من البلغم ومافيه دواءا ماعطوها ولا مستشفي خاص مارحته ليما اخر مرره رحنا عند دكتور كويسوالحمد لله بس شفط لها البلغم عن طريق انفها وفمها
وعطها شراب انفا كول هوا مو للرضع بس عطها جررعه مرره صغيره لان وضعها كان صعب بالمرره
اذا انتي من جده قولي لي وادلك ع المستشفي
والله يشفيها لك يارب

[نبضات خجوله]

وجدان مشكوووره وربي استفدت من كلامك وربي يحفظ لك ولدك من كل شر ويخليه لك بسئلك انا الحين اعطيها بيرومين جولد من عمر 6 شهور اغيره ولا لا والتمر من زمان ماعطيتها وسمعت عن الفواكهه المجففه التين والمشمش انقعهم واصفيهم واعطيها تنصحيني بها
وربي يعطيك الف عافيه

[نبضات خجوله]

دلوعة عبودي يعطيك العافيه البخار خايفه انها تتعود عليه لان أكثرهم يقولون كذا والاكل ان شاء الله ببداء لها

ام مراوي ربي يسلمك ويخليك ويحفظ لك اولادك يارب

محبوبته الله يخليلك ولدك ويشفيه يارب البلغم وربي يتعب بنتي تكح لحد ماتبكي وربي يتقطع قلبي عليها وديه لدكتورة اعشاب واكيد راح تعرف لولدك وانا وحده من جماعتنا قالت لي عن خلطه تسويها لبنتها وهي نقطة عسل ونقطه زيت زيتون ونقطة ليمون وتلحسها لبنتها وبعدها تشربها عصير برتقال تقول الله يكرمك تطرش البلغم كله ويرتاح الطفل تقول جربته مره وحده وبعدها ماجاء بنتها البلغم الله يحفظها لها جربيها يمكن يرتاح ولدك وربي يشافيه

نسمات الوفاء لا والله انا مو من جده بس بسئل بالمستوصف عنها وان شاء الله تنفع انا نفسي اجرب الخلطه اللئ انا كتبتها بس أخاف لان بنتي توها
صغيره والله يخليلك بنتك يارب

وربي فرحت بردودكم وربي يحفظ لكم اولادكم ويفرحكم فيهم