تجربتي في التلقيح الصناعي

[الحمدلله99]

السلام عليكم ..

الحمدلله تجاوزت تجربة التلقيح الصناعي بعد التنشيط ومتابعة التبويض..
كانت اخر أبرة تنشيط يوم السبت .. واخذت أبرة تفجيرية الاحد الساعة8مساءا .. وصار التلقيح الصناعي يوم الثلاثاء الساعة11صباحا..

طبعا رحنا المركز أنا وزوجي الساعة 8 واعطاهم زوجي عينة السائل .. وسوو لها غسيل .. وبعد الغسيل صار عدد الحيوانات الممتازة17مليون والسرعة95%..

طبعا دخلت الغرفة الساعة11صباحا .. وكنت طلبت تخدير لاني خايفة من الالم بس الحمدلله تم الموضوع بدون تخدير .

جلست علي الكرسي وجات الطبيبية ودخلت حديدة تفتح المهبل .. ودخلت شي عشان تفتح عنق الرحم وحسيت بألم بسيط .. ثم دخلت السرنجة اللي تدخل فيها الانبوب .. بصراحة حسيت بألم قوي أكثر من مغص الدورة .. وقالت لي الدكتورة ماراح ادخل احقن السائل الا اذا خف الالم وتركتني دقيقة كذا والحمدلله خف الالم .. بعدين حقنت السائل وخرجت الادوات .. وانتهي التلقيح .. استمر 5دقائق بس ولله الحمد.. ونزل مني دم واستمر حتي العصر تقريبا مجرد نقط..

طبعا عطتني حبوب مثبتة وتحاميل مهبلية مثبتة..وقالت لي حللي حمل بعد14يوم بالضبط..

يارب يكرمني وينجح التلقيح وأحمل يارب.. حبيبت أنقل لكم تجربتي وأي سؤال أنا جاهزة..

بس حاسة بالام في مبايضي مدري بشارة خير ولا من أثر التنشيط .. اللي عنده فكرة يقولي....