اللي ولدت في مستشفى فخري الخبر تدخل

[جوهره السعوديه]

هلا اختي علو الهمه
انتي في ارامكو تقدرين تحولين عندهم
جوري الدمام هلا وغلا
اما عن اسعارهم والله ما عندي خلفيه لاني تبع شركه تأمين
كان ودي خدمتك والله

[bnt_alnwaybet]

السلام عليكم ورحمة الله وبركاته
حبيباتي دخلت الموقع عشان بس افيدكم بخصوص الولادة في مستشفى فخري
انا ام لستة ابناء ولدتهم كلهم في فخري ثلاثة منهم على يد الدكتورة الحبيبة هالة عوض بصراحة الولادة عندهم كلمة رائعة قليلة جدا بحقهم من حيث تعامل الممرضات المصريات الله يحفظهم وفي بعضهم من الجنسية الهندية واحسن مافيه ان كل ولاداتي ما قد صارت معاي وحدة ثانية تولد طبعا لان اغلب الناس تنفر منه لقدم المبنى بس بصراحة يكفي ان عندهم خبرة
والحلو عندهم انهم يعطونك بنج يخليك نايمة ومرتاحة وتحسين بس وقت الطلق عشان تدفعين وطبعا طلعة الراس هذي ما تحسين فيها ابدا لدرجة اني اواصل في الشد افتكر ان البيبي لسة ما طلع والخياطة عندهم جميلة مرررررررررررررة تحسين فقط بوخزات بسيطة وبالنسبة للنظافة والخدمات لا يعلى عليها ودائما يتعاملون معاك ببشاشة وصدر رحب وبالنسبة لدخول الزوج طلبت دخوله وانا بكر ورفضو والبيبي اول ماتولدينه يصورونه مباشرة وبعدين يجيبونه ويحطونه على صدرك
وهذا اللي حبيت افيدك فيه والله يسهل عليك وعلى الجميع يارب

[أم أروى]

حبيبتي على التأمين انا بس اذا تحبي هذا رقمهم8644244 وأنا كمان باستفسر عن الأسعار اذا رحت ابشري

[علوالهمة]

هلا حبايبي سألت عن سعر الولادة الطبيعية وكانت (4000)ريال ..
والأحلى أن اللي تولدك مو القابلة الطبيبة اللي تختارينها ..!!
الله يسهل ويسر للكل..
بس أنا متأكدة أني ماراح أولد هناك لأني بخاف في آخر لحظة وبروح أرامكو (الله لا يحدنا على المستشفيات)

[أم أروى]

كويس سعره زي المواساة تقريبا المواساة 3500اذا ماتغير

[جوهره السعوديه]

بنات بسئلكم في حد جرب ولاده في مستشفى سعد الخصصي

[أم أروى]

حبيبتي انا سلفتي بكرية ولدت فيه تقول كويس بس وقت الولادة تروح ويرجعوها اكثر من مرة بعدين اخر مرة تهاوشت معاهم خالتي بس مجرد دخلت غرفة الولادة طلعت بنتها بس هذي الحوسة من النيرسات طبعا تقول خالتي انهم معتمدين على الجهاز وهو مش دقيق .

[ورد وزهر]

اول مره اسمع ان فيه مستشفى يخدرون وقت الولاده لوقريب مني كان رحت له بس للاسف بعيد شوي