الي عندها خبرة بالولادة نساعدني انا بكريه خاايفة من الولادة

[Nana.1985]

بنات طيب معليش سؤال تاني ..
لما تكشف الدكتورة ع الرحم مفتوح ولالا كيييييييييييف؟
بعضكم يقول يألم! وبيدها! كيييييييف تدخل يدها هناك؟؟؟!!!!!!

[لمسة أمل]

المشاركة الأصلية كتبت بواسطة Nana.1985

بنات طيب معليش سؤال تاني ..
لما تكشف الدكتورة ع الرحم مفتوح ولالا كيييييييييييف؟
بعضكم يقول يألم! وبيدها! كيييييييف تدخل يدها هناك؟؟؟!!!!!!

يسعد صباحك يا الغلا .. كيفك اليوم؟ هاه اش فطرتي ؟ وليه ماشفتك عالمسن

شوفي يا حلوة .. ماراح اكذب عليكي .. بصراحة بالنسبة لي اكثر شئ وجعني لما تدخل الدكتورة يدها تحت وتشوف الرحم مفتوح كام سانتي.. وانا ماشاالله خلوني حقل تجارب - قولي مغارة جديدة اكتشفوها .. تقريبا كل دكتورات الولادة اللي كانو في المستشفى دخلو يدهم عندي.. وزيادة على كده ثلاثة من الممرضات كمان (تقول اكتشاف جديد ولا كيف )

بس سبحان الله كله على حسب يد الدكتورة .. أنا واحدة من الممرضات كانت يدها رقيقة وخفيفة .. دخلتها وماحسيت إلا بألم بسيط.. مو زي بقية الدكتورات الله يهديهم.. حتى كل ماتجيني واحدة اقولها جيبيلي ديك الممرضة... يعني كله على حسب الدكتورة..

[Nana.1985]

لموووسة ياويلي الله يعيييييين .. ادعيلي والله مرررا ميته خوف ..
مادخلت كنت نايمة دوبي صحيت قبل شويا .. واحيان بس افتح المنتدى واشيك واقرا واطلع خخخ

دعواتكم بنات ليت دحين مني حاسة بشئ من علامات الولادة .......... طفشت

[daisy rose]

أهلين أختي .. الله يسهلك ويسهلي يارب ويتمم علينا بخير ..
أنا هذي ان شاء الله خامس ولاده لي وتختلف من واحد للثاني ..

دحين الم الطلق كلو يتركز في الظهر بس ولا كمان في ألم من تحت؟
لا ياعيوني يجيك هنا وهنا بالبداية يكون بينه ساعات ومن ثم دقايق وأحيانا يبدأ بسرعه يعني يكون
حار تقريبا ست ساعات وانتي والده وعادة بالبكر يبدأ معك قيل بيوم ..

كيف الم الطلق؟ الله يسعدكم
مثل ماقلتلك فوق .. بس نصيحه أختي لما يبدأ معك يشتد خوذي نفس وقت الطلقه وطلعيه واستمري تطلعينه ليمن تختفي الطلقه .. أتمنى فهمتي يعني وقت الطلقه طلعي زفير لحد ماتخلص الطلقه وهذا خفف علي كثيييييييير في طلقي الأخير

بعدين قريت انهم يستخدمو حقنة شرجيه الله يكرمكم.. هل هيا مؤلمة؟ وقد ايش لازم تجلس لين ماتاخد مفعولها؟ وتسوي مغص والم ولا عادي؟
عادي هذي يعطونك اياها قبل الولاده بساعه أو أقل وهي عباره عن ابره بلاستيك زي هذي

يحطونها لك من تحت وزي ماقالت ودة من الأخوات زي المويه تخليك تروحي الحمام الله يكرمك وتفرغي وهذا
عشان مع الولاده الله يكرمك مايطلع شيء من البراز ..

وقت الولادة ان كنتي تستخدمي الكمام المخدر .. هل تحسي بالم نزول الراس؟؟
وقت الولاده ياعزيزتي راح تحسي بأشياء كثيرة ومع الكمام راح يخليكي أحيانا تنعسي وهذا مو زين وقت الدف وهو الوقت اللي يجيك ألم وتصيري كأنك تبغي تتبرزي وهذا أصعب وقت بالطلق وقتها دفي بأقوى ماعندك بعدها راح تبردي عدي بينك وبين نفسك لحد 15 ثم دفي مره ثانيه واستمري كذا ووقت خروج الراس من أسهل مايكون وهي راح تكون مثل الصابونه لما تكون بيدك وتضغطي عليها وتنزلق من يدك هذي هي طلعة الراس .. ووقنها اتكلي على رب العالمين واقرأي الزلزلة والأدعية ..

لو حصل وعملولك توسعة جراحية (شق) هل ح تحسي ساعتها بشئ؟ وهل ح تحسي بالخياطة؟ وبعد الولادة جرح الشق يكون مؤلم؟
لا راح يحطولك ابرة بنج مكان الشق ويشقو ماراح تحسي بشيء حتى الخياطه نفس الشيء بس راح تحسي بنغزات بسيطة جدا مع الخياطة ماتضر ان شاء الله .. وبعد الولادة أكيد راح تحسي بشد بالمنطقه من تحت
ويمكن يكون قوي عزيزتي لاتستغربي .. بس استخدميله مرهم ميبو دايما ادهني الخيوط فيه ..
وسويلك خلطه بسيطه
( خواجوا خوذي ملي يدك وحطيها بقدر وصيب عليها كاسين ماء وخليها تطبخ
على نار متوسطه لحد ماتتقلص كميتها وتصير قد كاسه حطي عليها ملي فنجال قهوه مره
ومثلها حلتيته وخليها على النار لحد ماتتكثف وتصير تقريبا قد نص كاسه صفيها وحطيها
بعلبة مثل علية الجبن السايل الكبيرة ثم صبي عليها علبة وحده من زيت الزيتون اللي
بعلبه حديد خضراء أو اذا ماحصلتيه نفس المقدار زيت زيتون أصلي )
وحطي العلبة الله يكرمك بالحمام وكل مادخلتي تغيرين رجي العلبه ودهني الخيوط وحطي بالفوطه بعد .. وهكذا خليكي مره حطي من الزيت ومره ميبو ..
(( ملاحظه أختي .. المره يقولو ماهي زينه تفتت الخيوط أنا أستخدمها بكل ولاداتي مع الزيت وماضرتني
أنتي حره استخدميها أو شيليها من الخلطة ))


بعد ماتولدي خلاااص بالسلامة .. هل في الآام مابعد الولادة بشكل عااام (الم الضهر الحوض او المكان نفسو من تحت سواء عملولك شق او لا) ..
أهم شيء لاتتركي الحلبه جدا مفيده وهي ان شاء الله راح تقيك آلام الظهر بعد أشهر بعد الولاده أختي جسمك مفكك راح تحسي بألم الظهر لمن تغيري لطفلك .. أما البطن راح تحسي بمغص بسيط أوقات بسيطه أهمها لمن ترضعي وهذا لأنه الرحم يرجع مكانه وقت الرضاعه .. أما الشق زي ماقلتلك وانتبهي لحركاتك وقتها اقعدي دايما ورجولك مسكره ..

نزول الدم ليه الم زي الدورة ولا عادي بدون الم؟
مافي ألم ..

الله يهون علي وعليكي يارب ويسهلنا ولادتنا ..

[Nana.1985]

روز ربي يسعدك ويوفقك حبيبتي .. معلوماتك جدا مفيدة وبحاول اتنفس بين كل طلقة وطلقة عشان الدفع .... الله يهون ويسهل عليكي وعليا وعلى كل الحوامل يارب ..

[كروزه]

نانا لا تنسي تردي على الاسئله لما تولدي بسلامه يارب
انا زيك ميته خوف وابى اسمع تجربتك

الله يسعدكم كلكم كلامكم يريح

[أم جهااد]

الله يعطيكم العاافية خوااتي

انا حالي من حاال ناانا ومررره كنت خااايفة
ردودكم مررررره تريح وتهون علينا احنا البكريات

الله يسهل على كل حاامل وتكون ولادتها أسهل واسرع من شربة المويا

[كدوشه]

مررررررررررررره لا تخااااافيييييييين توكلي على الله

انا بكريه مثلك ولدت يوم الاربعاء اللي فات واحيانا الحريم يهولون المواضيع

انتي قوي قلبك وخذ معاكي احد ترتاحين له معك يوقف معك ويصبرك

[abra]

الف شكررررررررررررررر للي سدحت الموضوع

ووللي ردوو عليه والله صراحه افدتونا مره الله يعطيكم الف عافيه
حبايب قلبوو

[~~لحن الحياة~~]

حبيبتي لاتخافي وتوكلي على الله
الله يقومك بالسلامة وتفرحينا بخبر ولادتك بالسلامة غاليتي