قولي كل اللي بخاطرك هنا تفضلي..

[ام البدرين]

حبيبتي ام يزوني
الرجال اغلبهم كذا كل ما تزيد العايله كل ما يحسبون حسابات حنا ما نعرفها ولا نشوفها ويحملون همومنا مع اطفالنا ولا تنسي قومت الصبح والدوام يعني ربي يعينهم...
واحنا بفترة الحمل نصير حساسات شوي ودنا بالدلع وودنا بامور ثانيه تخفف علينا ضغط الحمل واعباء المنزل والاولاد...
هذا انا عندي ولد وعمره سنه و7 شهور وبالفعل اول ما تعب وقام يصيح بالليل ومضاد وادويه وحالتي حاله معه وزوجي يداوم انا ابديت له انه ينام بالغرفه الثانيه اريح له وهو قدر هالشي بس لو طلبت منه شي مايقصر ومرات احسه ماوده الرجال يملون مو مثلنا بالنا طويل ياعمري
يعني اللي تمرين فيه طبيعي ياقلبي الله ياجرنا ويهون علينا اللهم امين

[أم يزوني]

المشاركة الأصلية كتبت بواسطة ام البدرين

حبيبتي ام يزوني
الرجال اغلبهم كذا كل ما تزيد العايله كل ما يحسبون حسابات حنا ما نعرفها ولا نشوفها ويحملون همومنا مع اطفالنا ولا تنسي قومت الصبح والدوام يعني ربي يعينهم...
واحنا بفترة الحمل نصير حساسات شوي ودنا بالدلع وودنا بامور ثانيه تخفف علينا ضغط الحمل واعباء المنزل والاولاد...
هذا انا عندي ولد وعمره سنه و7 شهور وبالفعل اول ما تعب وقام يصيح بالليل ومضاد وادويه وحالتي حاله معه وزوجي يداوم انا ابديت له انه ينام بالغرفه الثانيه اريح له وهو قدر هالشي بس لو طلبت منه شي مايقصر ومرات احسه ماوده الرجال يملون مو مثلنا بالنا طويل ياعمري
يعني اللي تمرين فيه طبيعي ياقلبي الله ياجرنا ويهون علينا اللهم امين

الله يسعدك ويهون عليك الحمل و الولادة..
ياحياتي حملتي بدري على ولدك..الله يعينك.

[مرومه]

ام البدرين عادي الفيفادول

بس انصحك بالزنجبيل وكمان عصير البرتقال والله وحده بوحده

بغيت ازكم والحمد لله استمريت على عصير البرتقال

اما الفضفضه:

وش اقول وش اخلي

اول شي الحمد لله غيرنا يتمنى الحمل والولاده ومو لاقينها

الأيام بدت تطول والليالي تطول وتطول

وانا انتظر جية الحبوب نور عيون مامه على طووووووول

8
8

شفتي كيف يا ام البدرين قلبت شاعره هههههههههههه

والله اللي مطفشني ان زوجي بعيد وانا عند اهلي

وكمان داخله التاسع من اسبوعين وشويه

ولا حتى الم صغييير يحسسني اني بولد

لكن الحمد لله على كل حال

[ام البدرين]

هلا بك وغلا مرومه
ايه والله صرتي شاعره هههههههه
ربي يسعدك يالغلا

ابد توكلي على الله ماراح ابو عيالك بعيد الا مضطر ربي يسخركم لبعض ويجمعكم على خير عاجلا غير اجل وكل من زوجها بعيد عنها تصدقين بنت اختي مسكينه حامل وبشهرها الاخير وزوجها مسكين عشان ياخذ اجازه قالو له اشتغل اوفر تايم ووين بمنطقه تبعد عنها يمكن يوم الى مايوصلها فنصحناها تجي عند امها احسن لها وربي سهل عليها وولدت

وانا شهر ولادتي بتكون ايام امتحانات زوجي ويمكن يضطر يسافر وانا اساسا بدوله ثانيه مو عند اهلي عايشه يعني شي اهون من شي ياقلبي

وبالنسبه لالم الولاده وصلتي خير مابقى شي باذن الواحد الاحد كلي تمر وامشي وربي يسهل عليك وتبشرينا قريب انك جبتي احلى قمر اللهم امين

[أرجوان]

الله يسعدكم وانا كمان باخر التاسع واحس بالم زي الم الدوره واحس نفسيتي مره تعبانه بس اصيح وامشي كثير لان الجنين مانزل الحوض مع انو راسه تحت ولازم امشي كثير على كلام الدكتوره وما ادري فيه احد صار له مثلي

[ام البدرين]

ام يزوني وياك ياقلبي
انا حملت لاني كنت ابي افطم ولدي وخذت حبوب تنشيف الحليب وعلى طول حملت لانها نزلت هرمون الحليب عندي
تفاجأت بالحمل بس الحمدلله على كل حال ربي يرزق كل المحرومين ويهون علينا اللهم امين

[رباه فرج همي]

خاطري احمل ويكون عندي نونو

اليوم بكيييييييييييييييييت لان زوجي جرحني بكلامه يباني احمل :(

دعوااااااااااااااتكم لي يالغاليات


استغفروا ياحلواااات



استغفرالله الذي لا اله الا هوالحي القيوم واتوب اليه


استغفرالله الذي لا اله الا هوالحي القيوم واتوب اليه


استغفرالله الذي لا اله الا هوالحي القيوم واتوب اليه

[ام البدرين]

ارجوان حبيبتي ابد عليك بالمشي هالفترة وربي بيفرجها عليك لا تشدي اعصابك بالعكس اهدي عشان يصير الوضع عندك طبيعي استرخي وامشي ترى ربي متى ما قدر نزوله بينزل وانتي على حسي ما اشوف بشريط الحمل عندك باقي لك 9 ايام
فنصيحتي لك ياعمري هدي اعصابك ولا تتوترين بالبكا وربي يفرجها عليك ياالغاليه اللهم امين

[ام البدرين]

اختي الغاليه رباه فرج همي
يسعد صباحك ياقمر
ربي يسخر لك زوجك واهله ويرزقك العطاء الصالح السليم المعافى عاجلا غير اجل
انتي هدي اعصابك ترى النفسيه لها دور بالحمل كلما شديتي وعصبتي وتوترتي مافي فايده
استهدي بالله واكثري من الاستغفار وربي يرزقك من اوسع الابواب وكل محروم ومحرومه اللهم امين

[العطر الفرنسي]

أنا كتير متنكده وهلا بالذات لأني لقيت زوجي فاتح عالدردشه والشات
مع انو وعدني مايفتح عليهم وهلا بكتشف صار العكس
واليوم عيد ميلادي ومو متذكر
والله نفسي أبكي
هاااادا غير طول الوقت بيدعي الله يرزقنا ولد