مين زوجها عنده عدد الحيوانات المنوية صفر

[N O O R A]

مين زوجها عنده عدد الحيوانات المنوية صفر


السلام عليكم ورحمة الله وبركاته

أخواتي الغاليات هذي أول مشاركة لي بالمنتدى معاكم وراح أقولكم قصتي اللي أحتاج

مشورتكم ونصحكم وأجوبتكم على أسئلتي !!

أنا تزوجت في بداية 2015 يعني كم شهر وأكمل سنتين إن شاءلله ولكن للأسف أكتشفنا

بعد التحاليل إن زوجي مصاب بعقم لعدم وجود حيوانات منوية (صفر) في السائل المنوي ,

كل الهرمونات عنده سليمه بعد كل التحاليل , وكمية السائل طبيعية , ولكن لاوجود للحيوانات المنوية

طبعا أكتشفنا هذا الشي بمستشفى خاص وحلل بأكثر من مستشفى ونفس النتايج , بعدين

تحول ملفنا إلى مستشفى التخصصي بالرياض ولكن إنتوا عارفين كيف المواعيد ومن شهر 7/2015

إلى اليوم بس أخذوا منه تحليل دم من شهر وباقي التحاليل نهاية الشهر الجاي وبعدها يدخل على

الدكتور , بصراحة أنا مره خايفه من النتايج الباقية والدكتور اول واحد طمنا وقالنا دام الهرمونات طبيعية

ممكن يكون في بس إنسداد او قطع لاسمح الله وهذا شي بسيط وإن شاءلله تكون في حيوانات

داخل الخصيتين , بس أنا جدا ضايعة وماأعرف إيش اللي راح يصير وأبي بنات مروا بالتجربة هذي

ويساعدوني ويقولون لي إيش راح يصير والخطوات المطلوبة , وانا افكر اقولهم على طول يبحثون

بالحيوانات المنويه ويسون لي تلقيح صناعي او الانابيب بس انا الحين وزني حول 89 هل لازم انحف

عشان انحف من الحين معنى والحمدلله كل شي عندي طبيعي ودورتي منتظمه وكل فحوصاتي

سليمة والحمدلله والشكر لله , انا عمري 25 سنه ومره خايفه يفوت العمر فيني ماتتخيلون كيف

كنت أبكي عششان أصير أم وكل محرومه مثلي عارفه الأحساس , ولكن بعدها وعيت لنفسي

وقلت دام الله موجود وهو الرازق وأكرم الاكرمين بإذن الله راح يكرمني ويرزقني الذرية اللي اتمناها

ويارب يرزقني ويرزق كل محروم من الذرية الصالحه يارب عاجلاً غير آجل ..


سامحوني فضفت اللي بخاطري لكم لأن محد من اهلي ولا من اهل زوجي يعرف الموضوع

وأبيكم تطمنوني واللي مرت عليها نفس حالتنا تقولي شنو التفاصيل اللي مرت فيها وهل حملت

او لاء .. !!!

اللهم لك الحمد والشكر كما ينبغي لجلال وجهك وعظيم سلطانك
ربي لاتذرني فردأ وأنت خير الوارثين
رب هب لي من لدنك ذرية صالحة إنك سميع الدعاء .


مين زوجها عنده عدد الحيوانات المنوية صفر