اخواتي ااجعلونا نتفاءل إذا سمحتم ؟؟؟؟؟

[أم جعفر]

يارب اني صدق خاطري في توأم
ولادة دفعه واحدة بدل تعب مرتين مع ان زوجي كان يقول ان ما يبي تصدقون من كثر ما اقول خاطري بدأ يصير هو بعد يبغي توأم
وحتى افكر اقول بحط سريرين في غرفتنا حتى التوأم ياخذوا راحتهم في النوم وما يشمخوا بعض بايديهم ولا واحد يزعج الثاني ببكاءه واوووو حليو اقعد من النوم واروح اطالعهم نايمين ببراءة حبايب الماما خاطري اضمهم لصدري وما يبتعدون
وإذا كانوا بنت وولد فبنصير فريقين اقول لزوجي يعني زوجي والولد فريق ونفس اللبس واني والبنت نفس اللبس فريق ثاني طبعا زوجي يضحك على كلامي بس اني صدق خاطري
يا الله بحق الصلاة على محمد وآل محمد احمل بالتوأم هالشهر وكلكم تكونوا حمل بتوأم يا الله قبلي وافرح لكم وابشركم وتبشروني

[عيون بريئه]

المشاركة الأصلية كتبت بواسطة أم جعفر

يارب اني صدق خاطري في توأم
ولادة دفعه واحدة بدل تعب مرتين مع ان زوجي كان يقول ان ما يبي تصدقون من كثر ما اقول خاطري بدأ يصير هو بعد يبغي توأم
وحتى افكر اقول بحط سريرين في غرفتنا حتى التوأم ياخذوا راحتهم في النوم وما يشمخوا بعض بايديهم ولا واحد يزعج الثاني ببكاءه واوووو حليو اقعد من النوم واروح اطالعهم نايمين ببراءة حبايب الماما خاطري اضمهم لصدري وما يبتعدون
وإذا كانوا بنت وولد فبنصير فريقين اقول لزوجي يعني زوجي والولد فريق ونفس اللبس واني والبنت نفس اللبس فريق ثاني طبعا زوجي يضحك على كلامي بس اني صدق خاطري
يا الله بحق الصلاة على محمد وآل محمد احمل بالتوأم هالشهر وكلكم تكونوا حمل بتوأم يا الله قبلي وافرح لكم وابشركم وتبشروني

ام جعفر الله يحقق لج احلامج الورديه بحق محمد وآل محمد
والله نفس احلامي كنت احلم اقوم من النوم واشوف بنتي نايمه مثل الملاك واقعدها بهدوء وارضعها
بس الواقع غير
هههههههههههههههه
اهي تقعدني من عز نومي وانا مع كشتي اقوم ارضعها وبخاطري انام
وكنت اقول بس بعد مابي يهال
ياريت الاحلام تتحقق صج مثل ما احنا نبي
بس الحين من كبرت وقطعت الحليب والحفاض اسم الله عليها الحين اهي بالروضه صار بخاطري بيبي ثاني وراضيه بقعده نص الليل وارضع

[عيون بريئه]

وعليكم السلام ورحمة الله وبركاته
انا حملت بعلاج .. كان عندي هرمون الذكوره مرتفع حيل ودورتي كانت متخربطه مره تتاخر 10 ايام ومره 5 ومره 8 على كيفها
الدكتور عطاني كلوميد وحبوب تنظم الدوره وقالي اول ما تشرف الدوره اراجعه علشان يعطيني موعد حق الابره التفجيريه
وقالي صبري لان علاجج يبيله وقت
ووحده من الاهل قالت لي الله يعينج علاجج رح يطول لانها نفس حالتي وحملت بعد 4 سنين علاج

الدوره تاخرت علي وانا نفسيتي زفت لان اخذت العلاج ومنظم الدوره والدوره بعدها ما نتظمت قمت اصحيح واقولهم ابي حبوب تنزل الدوره بس امي قالت سويي تحليل الحمل اذا مافي شي اخذي حبوب تنزل الدوره وانا كنت معصبه من كلام امي اشلون اكون حامل وانا عندي علاج وماكملت علاجي
بس من سويت التحليل وطلع لي الخطين انصدمت قمت اصرخ تكرمون بالحمام اناا حامل انا حامل
وسويت تحليل دم وقالت لي السستر مااااااااابرووووووووووك مااااااداااام هاااااامل فيي بيبي
وروح حق الدكتور اهو فرح اكثر مني من الفرحه خلاني ارتاح بالمستشفى يوم كامل علشان يتطمن علي
والحين بنتي عمرها اربع سنين
الله يرزقني بالثاني يارب

[العطر الفرنسي]

والله ماعندي فكره بس الله يرزقك بالتوم يااااااااااااااااارب

[أم جعفر]

عيون بريئه واني قابله اني مثلك اتمنى وتالي بنتي تجنني بالليل صدقيني حلو وبارد على قلبي
عطر فرنسي اشكركي على الرد ومدام أحمد إن شاء الله نكون حوامل مع بعض ومع عيون بريئه وكل من يتمنى
لا تنسوني من دعائكم

[مدام احمد]

اللهم يا كاشف الغم ويا فارج الهم
فرج كربنا وارزقنا من حيث لا نحتسب يا رب العالمين

[xRano0x]

وااااي بناااات وانا احلامي اجيب توأم جالساا اقول انا لياا 3 سنوات ماحملت وجالساا ادعي ربي ابي ع كل سنا وااحد انا سويت جميع التحاليل باول سنا بزواجي وزوجي مان سوا وكل شي سليييم ماشالله تبارك الله وجلسناا سنتين محاولات ولا صار حمل الحمدلله والحين رجعوو يعملولي تحاليل من جديد وبعد اسبوع النتايج وياارب اكوون سليماا وتعطيني كلوميد ع طوول واحمل بتوأم ياارب .. مشكووره خيتوو ع الموضوع وربناا يرزقناا كللنا عاجل غير اجل ياارب ..

[أم جعفر]

الله يوفقنا جميعا
ربي ييسر للمؤمنين والمؤمنات جميع حوائجهم ويهديهم لصراط المستقيم

[أم جعفر]

لاحظت مع بداية 2011 ان في كثير من المتأخرات حملن ما شاء الله
فاتمنى ان يخبرونا بقصص علاجهم وحملهم لنتفاءل اكثر
أحبكم في الله وادعي لكم بالتوفيق وقضاء الحوائج والذرية الصالحه