سؤال للحوامل اللي ولدوا والبكريات ~~

[•.ღ˚نور˚ღ.*•]

::سؤال للحوامل اللي ولدوا والبكريات::

سلااااااام ياحلوات
ان شاء الله انكم طيبات وبصحة وعافية..واموركم انتوا والنونوات اللي بالكروش وبرات الكروش عااااااال العاااااااال؟؟
بنااااات فيه شغله دووم ببااالي واحس اني جد بفتقدها خاصة اني بولد قريب بعد كم اسبووووع
الا وهي

v
v
v
v
v
v

الكرووووووووشة
جد بنات دوم لاصرت لحالي احاكيها والاعبها وامسح عليها,,هي ونيستي في اوقات وحدتي اقرا لها واضحك معها وافضفض لها واشكي لها بهموم قلبي واتبكبك لها واسمعها القران اوقات وتتفاعل معي ^_^
البيبي وهو بيكبر جواتي احسااااس ياالله وش كثير فظيع,,خاصة اني كنت احتري هالكروشة بفارغ الصبر
اذيت اهلي وامي وزوجي ودكتوري لحد مابانت ع السادس تقريبااا..
وقتها بدا التفاعل واجمل احسااااااس ممكن اي انثى تتخيله..
احساااااااااس كيف اوصفه يابنات من جد تختلط المشاعر مابين دموووع وضحك وحنااان وعاطفة وبرضو هستيريا..
لاصرت اتروش وانا بالبانيوو اسولف معها,, لاخلصت شغل البيت وتمددت منشان ارتاح كشفت عنها وسولفت معها,,
اوقاات تقهرني وتحقرني ومااشوف تفاعل وحركة ,,ينجن جنووني وادور ع حلى او شوكولا او بوب كورن كراميل اغريها عشااااااان تسولف معي وتتحرك..
ياالله وش كثر الرفرفة تبعها والاصوات صاااارت موال يحلى لي,, ويوووووووه لماتتحرك وتتغير تضاريس بطني لانطعاجات وهضبات وارتفاعات ومنخفضاااات غصب ترتسم البسمة ع الشفايف :) سواء انا او زوجي
والاحسااااااااس الروووعة لمل يكون زوجي سااااحب علي وداخل جو وحوار مع كرشتي :)
شوووووي اغار بعدين اقول لحالي : ليش الدلاخة هو بيحاكي كرشتي وكرشتي=جزء لا يتجزأ مني ^_^ خلينا ننبسط الله لايغير عليهم..
السؤال المهم الحين للوالدات وابغى برضو احساس البكرياااات:
كيف كان احساسك اول ماحطيتي ايدك ع بطنك وماحسيت لابكرشة ولا بنونو يتحرك داخل؟؟؟ عاطفيا وجسدياا؟؟
والبكرياااااااات كيف تتصوري احساسك؟؟

وحده من صاحباتي تقول انا يوم تحسست بطني بعد ماطلع البيبي حسيت بشعور غريب تقول برودة سرت بكامل جسمي وخاصة اطرافي صارت ثلج,, وحسيت بفراغ وخوا مو طبيعي ببطني.....

انا عن نفسي والله صرت صحبة ويااااها واحبها

وراح افتقدها كثيييير ,, كيف راح اكون لما اصير
"لاكرشة بعد اليوم" خاصة اني احس ان الحمل والكرشة هي اللي تعطي المرأة الانوثة والنعومة وتصير كيوووووووووت حدهاااا,, لا رشاقة ولاتصنع الدلع ولا تكلف بالميك اب ومطارد صيحات الموضة هو اللي يكسب المرأة الانوثة بالعكس,, اللي ميزها فيه ربي من نعمة الامومة هو فعلا انوثة المراة الطبيعية وعاطفتها وحنانها وقمة انوثتها وجمالها الرباني تتجلى بلحظات حملها وامومتها..
هذي وجهة نظري ,, امومة المراة هي صريح انوثتها ومنبعها,, طولت عليكم بس هذي قصتي مع كرشتي تتعبني واتعبهااا بس احبهاا (^_^) ووالله راح افتقدها وبفتقد يوم امسح عليها ومابحصلها,, بيبقى منها ان شاء الله اجمل ذكرى واجمل نعمة اهداني اياها الرحمن,, نونتي وضي عيني ولدي الجااااي بحول الله كتكوت امه وابوه..
قولوا صدق احساسكم ومشاعركم مع هالكروشة ع مدى 9 شهور,, وكيف كان وبيكون لحظة وداعكم لها؟؟ عيشونا هاللحظات من جديد,, لحظات ماتعيشها الا من تعبت وتحملت واحتسبت عند ربي لجل تشوف منة ربي وفضله عليها.. ولاتنسوا بالدعاء كل محروم ومحرومة ربي لايحرمهم لذة هالشعور ويرزقهم من واسع فضله اجمل عطية وذرية..
اختكم اللي طولت عليكم // نـــــــــور ~_*