يابكريه لاتخافين من الولاده(تعالي أحكي لك)

[ღ ﮔـبر ياء أטּــثـى ღ]

إقتباس:
السلام عليكم اختي الحلم الوردي
اولا الحمدلله على سلامتك والف مبروك ماجبتي الله يجزاك الجنه على اسلوبك الرائع

ماشاء الله انا بكر وبولد بعد شهرين باذن الله ومتوكله على الله وحده سبحانه وساده اذاني عن كلام الحريم وتهويلهم ومبالغتهم في وصف الولاده
وانا ماخذه نصيحة الوالده الله يطول عمرها ياااااااااااااااارب دايم تقول ساعه من الغني تغني يعني ساعه من ربي ويسهل علي سبحانه ودايم اردد نفس دعوتك كل ماسجدت رب سهل علي حملي وولادتي وكل مسلمه
المهم ابسالك الله يوفقك وشلون اعرف ان الولاده صدق جت يعني متى اروح للمستشفى اول ماشوف المويات او اذا حسيت بمغص وبعد ابسالك وشلون ادفع هالشي دايم محيرني اتمنى اني ماازعجتك باسئلتي الله يفرج لك الرجو الرد على الخاص اي وقت تشوفين الرساله ومشككككككككوره مقدما وسخر الله للك زوجك ياااااارب دعواتك لي

وعليكم السلام ورحمة الله وبركاته

ويااهلا وغلا بك يااقلبي

ربي ييسر لك حملك وولادك وعلى كل مسلمه
وتقر عينك وعين كل مسلمه بشوفة ضناها سليم معاافااا

شوفي حبيبتي للولاده مجموعه من الأعراض ومالها ترتيب معين
ويختلف من وحده لوحده لكن بمجرد ماتشوفين وحده من الأعراض فهذي ولاده بإذن الله ..

الأعراض
1/ نزول ماده لزجه وكل مامسحتي بالمنديل تنزل
هذي السداده اللي قافله الرحم بدت تنزل
2/ نزول المويه عليك يمكن بكميات قليله أو كثيره يختلف من وحده لوحده
لكن بمجرد ماتشوفين مويه لو شوي روحي على طول علشان ماتقل على الجنين
ولاسمح الله يتأثر ..
3/ الطلق/ وهو عباره عن مغص متواصل مثل مغص البرد والدوره نفس المكان يعني هو بيكون أشد من ألم الدوره بشوووووووووي بس

هذي الـثلاث علامات معناااهااا خلااااااااص الولاده على وشك ..

بخصوص طريقة الدفع الصحيحه ..

أول ماتحسين إنك تبغين تتبولين الله يكرمك اعرفي ان هذا البيبي يدفع
وانتي اصلا ماتبغين الحمام ولاشي بس هذا البيبي يبي يطلع
أنتي ساعديه وأدفعي
طريقة الدفع الله يسلمك مثل بالضبط طريقة الإخراج الله يكرمك
كأن عندك إمسااك وانتي تضغطي على نفسك<=إن شاء الله الشرح واضح

الطلق بيجيك قبل كل مره بيدفع فيها البيبي

بإختصار كذا الولاده

طلق(مغص)=>دفع البيبي كأنك تبغين تتبولين+دفعك مع البيبي=>فترة راحه بين كل طلق وطلق

طبعاً العمليه السابقه ممكن تتكرر مره مرتين ثلاث عاااد أنتي وقوتك بالدفع
كل ما دفعتي أقووى ماعندك يطلع أسررررررررررررررع

أبد تخيلي إنك بالحمام وعندك إمساك

خلال الولاده وانتي تدفعين حاولي تاخذين نفس سريع وسطحي مو عميق
واذا وقف البيبي دفع خذي نفس عمييييييييق

واذا رجع ودفع (كأنك بتتبولين) اضغطي وأدفعي معاه

وسلامتك

المغص وجربتيه من قبل من الدوره والبرد
والإمساك جربتيه من قبل

يعني عملية الولاده مو شي جديد عليك بس بجهد أكثر شوي


وبعد كل هـــــــــــــذا بتسمعين صووووووووووووووت يقوووووووووول


واااااااااااااااااااااااااااا
واااااااااااااااااااااااااااا
واااااااااااااااااااااااااااا

هذا طول الله عمرك ماله إلا تفسير واحد

مبرووووووووووك أنتي أم وهذا طفلك

وشووووفي حبيبتي أي سؤال عندك

ابشرررررررررري من عيوووووني والله

أساااااااااااااعدك باللي أقدر عليه

ولايردك شي وأنا أختك

إقتباس:
المشاركة الأصلية كتبت بواسطة السيده سبورتيه
الاخت الحلم الوردي كلامك وصف دقيق جدا واوافقك عليه ما عدا نقطه واحده ...
بعد الخياطه بثلاث او اربع ساعات لازم نجلس عالكرسي عشان الخيوط ما تنشد مره وعشان نقدر نجلس عالكنبه بعد مده وجيزه من الولاده وبكل سهوله ...
طبعا انا لما كنت بكر ما جلست ابد من الخوف الشديد ... وربي اني طلعت من النفاس ما اقدر اجلس زين وغالبا احط تحتي وساده !!!!
اما الثاني نبهتني زميلتي وجلست على طول والحمد لله صرت اجلس نوعا ما بكل سهوله ....
وجزااااااااك الله خير ...




هلا وغلا بك حبيبتي ..

أنا ماكنت أجلس يوم ولدت

تعرفين الجلسه وانتي مرجعه ظهرك ورى كأنك مريحه ظهرك أنا كذا بالمستشفى كنت أجلس لاجاني أحد

أما الجلسه العااديه اللي بزاوية90 درجه أبد ماجربتها لين خلصت الأربعين
والحمدلله بعد ماخلصت نفاس أجلس عادي
كنت أجلس بالتدريج وما أطوول يوم بديت أجلس عادي
وبعدين الحمدلله وضعي عادي وطبيعي جداً
وكثييييييييير نبهوني على جلستي وحركات عشان الخياطه لاتخرب وأرجع أعيدها من جديد

بصراااحه أنا ماني مع الجلووس بعد الولاده بساعات

انا مع المشي بعد الولاده بساعات بس
شكراً لك ولمرورك حبيبتي


إقتباس:
المشاركة الأصلية كتبت بواسطة آهات الشمري
يعطيك العافية اختي على موضوعك وانا بكرية وخاااااايفة بس سوالفك تطمن الله يطمنك
المهم عندي سؤال انا بالشهر التاسع وعلى وشك ولادة وبكرية و اسمع كثير عن الخياطه
الداخلية والخارجية التجميلي و انها افضل من الخياطة العادية انتي سويتها وعادي اسويها
ردي علي وكني اختك ابي نصيحة ماتأثر علي




الله يعاافيك يااااقلبي ..
وربي يبعدك عنك الخوف ويطمن قلبك
شووفي أختي أنا بصراحه مدري وش الفرق بين الخياطه التجميليه والعاديه
لكن اللي اعرفه ان فيه بنات بعد ماتولد وتطلع من الأربعين تروح تسوي خياطه تجميليه على قولها

أبعرف ليييييييييييييه ما أهتمت الوحده بنفاسها وأرتااحت من كثر الخياطات؟؟؟
حبيبتي أنا ماسويت إلا خياطه وحده بس يوم ولدت ولكن كنت حريييصه كل الحرص بنفاسي
ماكنت أجلس
ماكنت أتحرك حركات مفاجئه وسريعه يعني ما أقوم بسرعه أو أنسدح بسرعه
كنت على أقل من مهلي
كنت الله يكرمك أتشطف بمويه وملح واستخدم الابريق ما أستخدم الرشاش أبد أبد لأن دفعه قوي وممكن يإثر على الخياطه
كنت أتغذى وأكل زين عشان الخياطه تنلم بسرعه
كنت أكل من البيت وأسمع كلام أمي بالحرف الواحد اذا قالت كلي من هذا أكل منه لو انه مايعجبني
كنت أكل شي مغذي(لحوم/قرصان/كبده مره بالأسبوع/خضار فاكهه/ماش/مصابيب/محلايه/قهوه قشر ..وغيرها من الأكلات الشعبيه )
كمان كنت أحررررص ما أجوع أبد أبد أبد
كنت أشرب أشياء دافيه
وبعد 21 يوم من الولاده كنت ع الريق بالصباح أكل تمر معجون برشاد واشرب قهوه قشر

بأختصر لك الكلام كله بنقطتين يعني

1/لا تتحركين حركات مفاجأه ولاتجلسين وخليك متسدحه وأمشي لو 5 دقايق بالبيت كل ساعتين او ثلاث وانتبهي لاتبردين وأهم أهم أهم شي اذا طلعتي من غرفة الولاده اخلي الحمام الله يكرمك وتبولي حتى لو ماتبغين الحمااااااااااام
بينزل دم كثير عااااااااااااااااااااااااااااا ااااااااااااااااااااادي جـــــــــــــداً وانتي بالحمام سوي مسجاج خفيف عشان أكبر كميه من الدم تطلع الله يكرمك
واحرصي على نظافة المنطقه وجفافها وتشطفي بمويه وملح كل مادخلتي الحمام
الأيام الأولى كل ساعتين تقريباً او ثلاث محتاجه تغيرين الفوطه
ومع مرور الأيام تقل كمية الدم

2/ الأكل ثم الأكل ثم الأكل لا أوصيك فيك
أنا ماا أقووول كلي كثييييييييير لاااااااااااا

لكن أعرفي وش تاكلين كلي المفيــــــــــد وبس
وخليك من الوجبات السريعه والمشروبات الغازيه واي شي غير مفيد

والحمدلله لك يارب وماشاء الله تبارك الرحمن حياتي مثل ماهي عليه قبل لا أولد ماتغير شي<= اتمنى فهمتي المقصد
حبيبتي يااارب أكون أفدتك ..
وأي سؤال ابشررررري من عيووني ولايردك شي
ربي يقومك بالسلامه انتي والنونو وكل بنات المسلمين
اللهم آمين يارب العالمين..
ولاتنسين حبيبتي بشرررررررررينا عنك

[ღ ﮔـبر ياء أטּــثـى ღ]

إقتباس:
المشاركة الأصلية كتبت بواسطة غنات زوجها
الله يسعدك اختي ويحقق لك امنياتك والله اني في الشهر الثالث وشايله هم الولاده من ذلحين بالذات ان فيه وحده اعرفها توفت بخصوص المشيمه طارت في راسها ماني عارفه ايش كان السبب ومن بعدها انا صايره خوافه لأبعددرجه واحيانا اقول لزوجي شكلي بموت وقت الولاده>>>>> من قوه الخوف ...

والله كلامك شوي ريحني بس نفسي اسأل البنات الدكتوره تقول معي فقر دم وماده اسمها نكوتين سامه في البول هذا اللي مخوفني اكثر تقول من قله الأكل ياااااااااااااارب ساعدني واحميني واحمي جنيني يااااارب



حبيبتي ربي يقومك بالسلامه انتي والنونو ..
حبيبتي كل واحد بهالدنيا ماراح يموت قبل يومه ..
ياامااا ناس بأتم الصحه والعافيه وماتوا
ونااس أمرااض الدنيا فيهم وسبحان الله ربي يشافيهم ويرجعون مثل ماكانوا وأحسن
حبيبتي خليك متفائله وثقي بالله الرحمن الرحيم
وترى الولاده شيئين بس( مغص أقوى من مغص الدوره بشوي/ تدفعين كأن عندك امساك الله يكرمك)
وبــــــــــــس
حبيبتي .. أدعي ربي انه يهّدي ويطمن بالك .. وثقي بالرحمن الرحيم رب العرش العظيم
الحي القيوم ..
وبخصوص أكلك اهتمي فيه زييييييييييين
وبخصوص فقر الدم المفرووض تهتمين مرررررررره فيه
لأن الجنين بيكبر ومحتاج دم أكثر
ومعروف ان من أهم وظائف الدم نقل الاكسجين والغذاء للجنين
فأحررررررررررصي كل ورقيات / كبده بالأسبوع/رجله /سبانخ/خس/ بالإضافه لعلاج الحديد
اللي صرفته لك الدكتوره
ترى مع تقدم الحمل الطفل يحتاااج دم أكثر
فـ من ألحين حاااولي تعوضين النقص
اهتمي بأكلك وأنا أختك مايحتاج أوصيك
أجبري نفسك حتى لو مالك خلق تاكلين
صحة جنينك بالدنيااااااااا كلهاااا
بخصوص الماده السامه بالبول أول مره أسمع عنهااا.؟؟؟
ربي يقومك بالسلامه انتي والنونو وجميع بنات المسلمين
اللهم آمين يارب العالمين
ولاتنسين خيتوو بشرينااا عنك

إقتباس:
المشاركة الأصلية كتبت بواسطة محـــارة البحرين
واخيرا كملت 89 صفحه هههههههههههههه
عندي بعض الاسئله
مرهم ريالوكين انا سويت سيرج عليه في النت طلع هو مخدر والبنات يستخدمونة لازالة المنطقة الحساسه بدون الم وانتي استخدمتي المرهم صح ؟؟
وشلون تحطينة بالفوطة الصحية تدهنينة وتلبسينها كذا صح ؟؟
ولا تحطينة على الخياطة نفسها ؟؟

وصح ان الدم ينزل كثييير اول الايام وانتي بالمستشفى لان صديقتي تقول كثير كثير لدرجه ان السرير تلعوز دم ؟؟ وتغير الفوطة الصحية كل ساعتين لو مثلا عندك ناس زايرينك بالمستشفى كبف تقومي امامهم وتروحي الحمام للتبديل وااايد صعبه صح ؟؟

وبالنسبة للرضاعه البيبي كل ساعتين يحتاج رضعه واذا انتي بكرية وجاووك ناس تزورك بالمستشفى كيف ترضعين لان واااااايد احراج وخصوصا اول الايام ماكو حليب بالصدر

هلا ومليون غلااا بالبحرين وأهلها
حبيبتي .. بخصوص المرهم أدهن على الفوطه نفسها
وبخصوص الدم هو صح كثير بس مو لدرجه يحوس السرير
أنا بالأيام الأولى كنت أحط فوطتين على بعض
وأصلا فوط النفاااس أعرض وأطول والقطن أكثر فيها من حقات الدوره
بخصوص الرضااعه مانزل إلا بـ 3 يوم من الولاده
ويوم نزلت البيت وحبيت أرضع بنتي أروح بغرفه لحالي وأرضعها
ماكنت أرضع قدام أحد أستحي
وبعدين أطلع للناس عااادي
بخصوص بنتي كنت احرص على تنزيم رضعاتها مو كل شوي اعطيها حليب
لااا ..
كنت كل ساعتين أرضعها سواء مني أو من الحليب الصناعي

ربي يقومك بالسلامه انتي والنونو
آمين يارب العالمين
وبشرينا عنك وعن النونو

إقتباس:
المشاركة الأصلية كتبت بواسطة غزال فوشي
يا حبيييي للي تساعد غيرها وقلبها على خيرها


الله يسعدك ويسخر لك

اما تعليقي..


هههههههههههههههههههههههههههههه هههههههههههههههههههههههههههههه هههههههههههههههههههههه
هههههههههههههههههههههههههههههه هههههههههههههههههههههههههههههه ههههههههههه
هههههههههههههههههههههههههههههه هههههههههههههههههههههههههههههه

اه يا قلبي

اعجبني تعليقك




أمااا مغص برد !!!!!!!!

شوفي ياقلبي

كل حرمة تختلف عن الثانية

يعني ما شالله تبارك الله اذا انتي حسيتب بغص برد.. فمو صحيح ان هذا اللي تحس فيه كل والدة!!

و البعض ما ينفتح معهم الرحم ايام

فالمغص يستمر ايااام

اما قولتك انها مغص .. يؤ يؤ يؤ.. مستحيل اوصفها بغص

شوفي انا مو قصدي اخوف..

بس انا تجربتي

اني ما عمري خفت من الولادة

وانا حامل ولا افكر بالولادة واحس ان الحريم يبالغون بقلبي

يوم جاء وقت الطلق والالم يااااا الله بغييت اموت !! الم يخليك تركعين ما تقدرين ترفعين نفسك ابد ولا تتحركين..

شوفي انا ارتبكت مرة من هالالم لاني ما كنت متوقعته !!

ما صرخت ابد !!

بس ارتبكت لدرجة اني صرت ما اعرف اتنفس!! ولا اعرف حتى ادفع من الالم!!

يعني انصدمت وحسيت انه خلاص نهايتي!!

الدكتورة يوم شافت اني ما عرفت ادفع!!

قامت سحبت البيبي سحب!!

يعني شوفي حلو الوحدة تكون متوقعه انه في الم وانه مو الم عادي

وتدعي ربها انه يسهل عليها..

يعني هو على حسب التساهيل

اذكر امي تقول انه وحدة من الحريم كانت تقول انا يجيني الم نص ساعة وعلى طول يطلع البيبي ولا احس الا بس بطلعة الراس!!

يعني هو على حسب التساهيل!!

يارب يسهل لكل حامل ويسعدكم يارب

واقدر لك حبك لغيرك الله يرزقك على نيتك الطيبة


انا حسييت ألم فضيييع

هلاااااااا وغلااااااا بك خيتووو

صح كلااامك الألم يخلف من وحده لوحده مافيه شك
بس كل وحده تقدر تساعد نفسها وتخفف عنها الألم
منها تعرف طريقة الدفع الصح وطريقة التنفس
ومن تدخل الشهر التاسع تاكل 7 تمرات باليوم اذا ماعندها سكر
والصرااااااااااااااااااخ يالله ع الصرااااااااااااخ والله انه يزيد الألم على الوحده ويتعبهاااااااااااااااااااااااا ااا زيااااااده
وياخذ جهد مضاااااعف منهاااا
عكس لو سكتت ووفرت جهد هالصيااح للدفع
ومثل ماقلت من قبل من أهم اسباب طوول مدة الولاده والألم الزااائد هو الصرااااااااخ
لكن الوحده المفروض تستغل هالفررصه بالدعااااااااااااااااء
أنا ماخليت شي بخااطري مادعيته كل ماذكرت شي دعيت
ادعي بقلبي لأن مافيني حيل أتكلم
ماكان لي حس وأنا أولد لأن مرررررررره ما أقدر أتكلم
يالله أهمس بس للدكتوره ياادكتووره البيبي يدفع
ماكنت ابغى اعطي نفسي وجه وأعليّ صوتي عشان ما أصارخ
ليييييييين طلعت بنتي
ومن بعدها قاام الصوت يلعلع بالحمد والشكر لرب العالمين
ويوم شفت بنتي بعيني
بكيييييييييييييييييييييت من قلب والله من قللللللللللللللللللللللب
وبصوووووووووووووووووت كمااان وشهاااااااااااااق
ما كنت أعرف كيف أعبّر عن فرحتي
أقسم بالله ورب البيت كااانت أجمل وأرووع صيحه بالعالم
هههههههههههههههههههههههههههههه هههههههههههه
فديييييييييييييت بنتي روووووووحي وعمري وقلبي وحياااااااااااااتي
ربي لايحرمني منها ولايحرم جمييييييع بنات المسلمين
اللهم آمين ياارب العالمين
أدري طوووووولت بالكلام
بس انتي السبب رجعتني لأجمل لحظااااااااااااااااااااااااااا اااااااااااااااااات العمر والله





إقتباس:
المشاركة الأصلية كتبت بواسطة د.شمـوخ
الا تعاااااااالــــــــو الخيـــــــآطـة لاززززززززم ؟... ولافيه حـآلات ماتنخــــــآط ؟.
البكريااات يحتااجون التوسعه لأنهم أول ولاده وبالتالي لااازم خياااطه

اما اللي ولدت 3 و4 مرات البعض مايحتاج توسعه واتوقع مايحتاجون خياطه بالتالي

إقتباس:
المشاركة الأصلية كتبت بواسطة أم أنس الأبار
حبيبتي الحلم الوردي
أنا بكريه بعد لكن خايفه لسه من الولادة يقولون المغص مايتحمل صح ؟؟
هل هو زي ألم الدورة ولا أكثر ؟؟؟
وهل دفة البيبي بتألم ولا عادي ؟؟؟؟
ارجوك وضحيلي .... لاني خايفه وكمان اذا تكرمت ساعة نزول الراس مؤلمه ولا بسيطه وهل تكوني متغطيه ولا مكشوفه يعني في شئ يغطي العورة ولا مكشوفه .....؟؟؟؟؟
آسفه طولت عليك أرجوا منك تجاوبيني في أقرب وقت وممكن ترسليلي رساله خاصة .......
يااهلا ومليوون غلا بك حبيبتي ..
حبيبتي بخصوص المغص لو هو شي مايُحتمل ماكان شفتي كل وحده عندها طفلين وثلاثه وعشرره وودها كماان تجيب زود
هو أكثر من ألم الدور مرتين ثلاث تقريباً ..
وهم أصلا حاطين جنبك أكسجين تستنشقينه اذا شد الألم عليك مره
وبالتالي يخف عليك وتسترخين
بخصووص دفة البيبي بالضبببببببط زي اذا صرتي مزنووووقه مررره وتبغين تتبولين الله يكرمك هذي دفته بالضببببببط مو أكثر
وأنتي أصلا تلقاااائي مع دفة البيبي بتدفين زي اذا بغيتي الحماام وماقدرتي تمسكين نفسك
شي يجبرك تدفعين سبحااان الله
بخصووص طلوع الراس ماتحسين أبد أبد لأنك مخدره موضعي من تحت كل اللي تحسين فيه المغص ودفعة البيبي
وطوووووووول وقت الولاده عليك شرشف يغطيك من نص بطنك إلى أطراف رجلك وانتي فاتحه رجلك بشكل 88
يعني كأنك مسويه خيمه <= يمديك على الوصف
يعني جهزي قهوه وتمر للبيبي اذا طلع يتقهوى
ربي يقومك بالسلامه حبيبتي ويهون عليك وعلى كل مسلمه
اللهم آمين يارب العالمين




إقتباس:
المشاركة الأصلية كتبت بواسطة الدرر المضيئة
بارك الله فيك .. الله يصلح بنوتك

عندي كم سؤال لوسمحتي ..

وش الفرق بين البكرية وغيرها من حيث الخياطة ؟؟

بالنسبة للحمام مايجيك الموية عشان الخيوط ولا عاادي ؟؟

اللهم آمين يارب العالمين
بخصوص الفرق ما أتوقع فيه فرق أنا لسى ماعندي إلا بنوته وحده بس

بخصوص الحمام الله يكرمك عااادي يجي مويه عليهاا
ولكن ماتستخدمين الرشاش لأن دفعه قوي وممكن يأثر ع الخيوط
لكن استخدمي الأبريق

[الملاك]

هلا عيووني بصراحه انا وربي كنت ميته من الخوف حيل انام واصحى وانا دموعي تنزل من كلام الحريم وربي رعببببب...انا بالسابع وربي ان موضوعك ريحني بشكل ماتتصورينه قسم بالله ماحسيت بالراحه صح الا من قريته وربي يشهد علي..انا نزلت موضوع ابي اتطمن وردو علي البنات وطمنوني جزاهم الله خير بس مافي وحده كتبت تفاصيل مثل كتابتك ... الله يجزاك الخير يارب يسعدك ويفرج همومك ,,,, وبدعي لك من قلبي كل ماتدكرت كلامك ,,,

[احلى كرميلا]

ياسلاااام موضوع يرفع المعنويات الصراحه مع انو طويل لكن بجد حلو ويعطي الحامل حماس مشكورة ياقلبي بصراحه مفييييييييييد الكلام ومافيه غير التشجيع

[حبيبة علي]

الله يسعد ايامك طمنتيني وريحتيني

[الفراشة الحنونه]

ياسلام عليكي وش هالموضوع المفرح هههههههه

من يوم ماحملت لحد الان ماسمعت غير ان الحمل هو الموت لدرجة سويت

فيلم هندي وكتبت وصيتي هههههههه تخيلوا بس الله يرحمنا برحمته يارب

بجد اشكرك يالغاليه على هالنقل الحلو والله انه يهون علينا كثييييييييير

التخيلات اللي مالها داعي

وربي يجزاها الخير اللي كتبته بجد ياحظها ماشاءالله مأجورة بأذن الله

تحياتي لك يالغالية ^_^

[~قموووره~]

ربي يسعدك ياعمري ويكتبه بموازين حسناتك فعلآ موضوع قمممممه وريحني بقووه
كلامك ساعدني كتييير واشياء ماكنت اعرفها بس خليتيني اتهيء واتحمس للولاده ودي يكون ولادتي اليوم قبل بكره يعطيكي الف الف عافييه

[صعوبه]

مدري وش اقول ووش اكتب لكموضوع كلمه روعه فيه قليل
بجد رفع معنوياتي مع اني كنت خايفه لدرجه ندمت اني حملت
وسرت دايم اقول لزوجي انت السبب ومتوتره مره واكثر شي مخوفني الخياطه
بموت خوف منها بس كلامك ريحني مره حتي نفسيتي ارتاحت مشكوره
جــــــــــــــــــــــــــــــــــــداااااااااا جـــــــــــــــــــــــــــــــــــداااا والله يسعدك ويوفقك وينولك مرادك

[ღ ﮔـبر ياء أטּــثـى ღ]

الله يهون على الجميع يارب

[متفائلة دائما]

و انا و الله بكيت من الكلام المحمس و الوصف الرائع لحظة ما يشرف النونو
يا رب اكون حامل هذا الشهر و اعيش هذه اللحظات يا رب
مشكووووووووووووووورة حبيبتي على الموضوع