وين الاقيها ويييييييين بجده؟؟

[ناردين]

انا رحت واحة الجلابية طلبت اكبر مقاس قال لي يامدام ارواب النفاس تفصيلتها كبيرة وواسعه يعني لو مقاسك اكس لارج خذي ميديم او لارج ويجي واسع كمان جلست اعاند وتحداني وقال رجعيه لو ماناسبك وخذي فلوسك واشتريت 2 ووالله فعلا كانت مرتبه ومريحة جدا
فااتوقع لو تروحي واحة الجلابية وتاخذي اكبر مقاس وتقيسية بدون ماتفكري هو كم اكس يكون افضل
وحطي ببالك انو بعد الولادة بطنك بيكون اقل من التاسع
يعني زي بطنك في الخامس او السادس وعلى هاالاساس انا اشتريت
بس البجايم غير يعني اخذت بيجامه طلعت ع القد بس القمصان واسعه

موفقة

[..سُلاف..]

روحي محل أونستي بجرير مول وبمجمع الشرق 3
واذا ماعندهم المقاس هم يفصلولك نفس الارواب ايلي عندهم عارضينها واسعرهم جدا روعه

[ام الخير]

انا شفت في الهرم الي بالصفا ومقاسات كبيره وكمان في الحراج الصواريخ الدولي وانتي جايه من سوق الاهدل وعلى طوووول للصواريخ في لفه على اليمين في على يسارها صراف البلاد سيبيه وسيبي اللف يمين روحي طوالي من عند المواد الغذائيه ركزي على اليمين البوابات بوابه رقم 11 ادخلي فيها واسالي عن مركز النجووم للكل شي مواليد وارواب ولاده وكل شي وسعره نايس اول ما تدخلي اسالي البايع ارواب النفاس وين بيوريك الوان فاتحه طبعا في كم طويل وفي كم قصير واحلاها السكري والابيض ترى يرد الروح فيك وكمان وردي وتفاحي وسما وي بس كلها فواتح بسسسسسسسسس ابغى اشوف دعوة حلوة منك يحفظ الله جنيني ويعافيه من كل تشوه وعاهه وولد صالح بار اللهم امين واي سؤال سوي لي نداااااء ءلاني دااااجه بالمنتدى ما جلس اسير على حبيباتي