اطلب منكم المساعدة ... مشكلتي في الرضاعه الطبيعية مع ولدي

[شموسه]

البنات ماقصرووووووووووووووو

[مس حركات]

أنا زيك عارفه إش سويت

أخدت من الصيدليه حلمات صناعيه وماشاء الله عجبتو عشان زي الرضاعه

صح شويه طفش بس أهون من الصراخ والبكى والله وإنتي تحكي كل شي

زيي بالزبط حتى سويت زيك بالأول حطيتلو في الرضاعه

والله أحسنلك روحي الصيدليه وقوليلو هات حلمات صناعيه والله يهديلنا هما

ولدي زي ولدك مره الله يعيينا على تربيتهم

[عقد لؤلؤ]

حاولي يا حبيبتي مرة و2 و3 إلين يمسك صدرك بفمه
ترى أحنا كذا ما في وحدة ولدها على طول يرضع منها
أنا كذا مع بنتتي حاولت معها لما الحمد لله رضعت
وبعدين خلااص يتعود إن شاء الله وطمنينا عنك

[د.فيض النور]

حبيبتي جربي الطريقة اللي قلتلك عليها والله روعة انا بنتي عمرها6اشهر وصار 4 اشهر ترضع صناعي ولما عرضت عليها الثدي كانت تضربه وتبكي بس وبهالطريقة رجعتها للثدي واقري موضوعي عن التعامل مع نوم الطفل اثناء الرضاعة وبالتوفيق

[Water Lily 80]

المشاركة الأصلية كتبت بواسطة د.فيض النور

حبيبتي جربي الطريقة اللي قلتلك عليها والله روعة انا بنتي عمرها6اشهر وصار 4 اشهر ترضع صناعي ولما عرضت عليها الثدي كانت تضربه وتبكي بس وبهالطريقة رجعتها للثدي واقري موضوعي عن التعامل مع نوم الطفل اثناء الرضاعة وبالتوفيق

مشكورة فديتج على اهتمامج .. خاطري اجربها بس خايفة يصيده برد لانه صغير وعمره اسبوع واربعه ايام بس ..

[حبيبت حبيبي]

كل الاطفال كذا في البدايه لاكن حاولي مره والف بعد اللين ما يتعود وربي مقهوره لاني ما رضعت بنوتتي طبيعي ولو حملت بعدين وربي رزقني صدقيني ما راح افرط في الطبيعي وجوعيه وحطي حلمت صدرك في فمه وان شا ء الله يتعود وصدقيني ما راح تخلصين الاربعين الا وهو متعود بلللليز حاولي اكثر وتقبلي مروري

[Water Lily 80]

المشاركة الأصلية كتبت بواسطة حبيبت حبيبي

كل الاطفال كذا في البدايه لاكن حاولي مره والف بعد اللين ما يتعود وربي مقهوره لاني ما رضعت بنوتتي طبيعي ولو حملت بعدين وربي رزقني صدقيني ما راح افرط في الطبيعي وجوعيه وحطي حلمت صدرك في فمه وان شا ء الله يتعود وصدقيني ما راح تخلصين الاربعين الا وهو متعود بلللليز حاولي اكثر وتقبلي مروري

مشكورة حبيبتي على النصيحة وهذاني احاول من 9 ساعات ماعطيته الا من صدري .. بس لحد الحين ماوسخ حفاظته وحاسة انه يشرب بس قرتين وبعدين بس يقعد يمص وينام .. ومايشبع ..

[د.فيض النور]

مامشكلة حبيبتي الام والطفل يتعلموا الرضاعة اثناء الرضاعة وخلي في بالك ان الطفل اول اسبوع من العمريفقد 10 %من وزنه واضبي عالرضاعةومع الوقت يتعلم وبلغينا بجديدك

[Water Lily 80]

مشكورة فديتج د. فيض النور وشكرا لكل من شارك في الموضوع وساعدني .. ابشركم الحين بديت اعرف ارضع ولدي .. يعني ما اتقنت بس شوي شوي .. وهو بدا يتعود وتعلم شوي كيف يمسك بالحلمة وبدا يرضع .. انا لين الحين ما اقدر اميز اذا هو يرضع او يمص .. اعرف بس اذا تجشأ عقب واذا صار الثدي لين ... بس الحمد لله في تقدم والفضل يعود لله سبحانه ولكم .. والله كنت مب عارفة ايش بسوي ..

بس مشكلتي الحين في قلة حليب الثدي .. مايكفي ولدي وهاي الشي يخليني الجأ للحليب الصناعي اكثر من مرة ..حاولت واكلت كل المدرات للحليب بس مافي فايدة .. ممكن تفيدوني

[حنين وطن]

خلي ولدك يجوع شوي وحطي على صدرك مويه وسكر نضيفه وخليه يرضع اهم شئ وضعية حملك لطفلك تكون صحيحه