تجمع المتابعات بمستشفى الملك خالد الجامعي بالرياض

[سوسو520]

بنات طلبتكم تفاعلوا معي ابغى اعرف تجاربكم

[عشيري2000]

هلا راجيتن الله ماتوقعت القاك هنا ههههه

وسوسو والله انا اول مره اراجع عندهم وماعندي علم بالولاده بس الناس يمدحونه وانا محتاره بينه وبين المدينه الطبيه

[دانة الشوق]

انا ولدت فيه قبل سنتين
الشروط\
المولود الاول او السادس ومابعد
او يكون عنك مشاكل صحية
قبل نهاية الشهر الثالث تقدمين اوراقك
اول موعد اعطونياه كان بالشهر الخامس
المواعيد زحمة شوي ومو كل مرة تقابلي الاستشارية تعاملهم كويس في المراجعات
الولادة
حددوا لي موعد طلق صناعي لان الجنين مازاد وزنه بالشهر الاخير
غرفة ماقبل الولادة 6 حوامل
وغرفة الطلق برضه 6
اعطوني طلق صناعي وتعسرت الولادة وسحبوا طفلي بالجفت وسسوا توسيع
اللي ولدتني سورية ووحدة سمرا مادري وش جنسيتها بس مو عربية
الخياطة كويسة بس طولت وهي تخيط
بعدين طلعت لما بعد الولادة فيها بعد 6 ودورات المياه برى ( هذا اكبر عيب )
والطفل كل شوي يجيبوه حتى وقت النوم يعني يصير في الغرفة 12 نفس
وبس ..

[سوسو520]

مشكوره عشيري يعطيك العافيه

[سوسو520]

مشكوره حبيبتي دانة الشوق الله يعطيك العافيه

[عشيري2000]

هلا بنات كيفكم

بقولكم موقف صار معي في الجامعي اللي اراجع فيه وخلاني اخذ منهم موقف واسحب عليهم واغيرهم صراحه مو ذاك الزود
انا كاتبين لي في ورقه المراجعه تكون د/ زينب الحبيب اول مره ماشفتها دخلوني

على متدربه سعوديه ومشيناها لهم المره الثانيه دخلوني على دكتور هندي ومتدرب

سعودي وهم كاتبين لي زينب مثل كل مره انا هينا قفلت الاخلاق معي وينا فيه وكل

مره دكتور يقولي كلام على كيفه معد ادري من اصدق وبعدين صارت الطامه الكبرى

راحت صديقتي لمراجعتها نفس الشيء كاتبين لها عند زينب بس اهي دخلوها عندها

قهروني بصراحه ويم شافت الدكتوره ان حملها طبيعي مافيه مشاكل راحت الدكتوره

للاستقبال وتكلمت بالانجليش على بالها صديقتي ماتفهم وتقول لها المرات الجايه

خليها تراجع عند دكتور انا لاتحولون لي الا الحلات الصعبه تخيلي الوقاحه

وش رايكم في اللي صار مو حاجه ترفع الضغط انا من بعد اللي صار قررت اني

اسحب عليهم واراجع في مستشفى ثاني

يله كل وحده تدخل وتقول رايها

[سوسو520]

يوه مالهم حق صراحه وش يحسون عاد أنا ما احب هالحركات اللي تقهر وتغبن عشان كذا نبغى نشوف راي البنات فيهم ونستفيد من تجاربهم

[سوسو520]

طيب عشيري حبيبتي كيف انقل ملفي منهم للمدينه الطبيه وش السوااات*

[عشيري2000]

علمي علمك انا متورطه معد ابيهم والمشكله سويت عندهم تحاليل الدم كلها تخيلي خذو مني 4 علب دم فما ودي اسويه مره ثانيه في مستشفى ثاني ابيهم يغطوني تقرير النتايج حقت التحاليل بس مدري كيف وهل بيرضون والا لا

[سوسو520]

ايه عرفت الله يعين بسس ويصبرنا اتمنى كل وحده تدخل تكتب تجربتها بدعي لها الله يوفقها ويسعدها دنيا واخره