ساعدوني نفسيتي تعبانه بالمره

[حنان 1985]

هلا اختي ام ركوني
اجل مالك الا الدعاء له بلهدايه
واهم شي صحتك اذاهو يتعمد يقهرك
احقريه اهم شي لاتبينين انك منقهره منه
حتى لو تبينين انك تستحقريه على هاذي
السوالف وخلي اهتمامك فيه عادي لينه مايستاهل
ولله يعينك صدقيني الرجال مايتحمل زوجته تكون مايهمها امره بيتضايق
ويجي في خاطره
ولله يسخره لك ويهديه ويعينك

[ملح الوجود]

شوفي يابعدقلبي ربك مايضيع احد الزمي الاستغفار وصلاة الليل وادعي وانتي جالسه وانتي قايمه ولا تنسين اخر ساعه من يوم الجمعه وادعي ان ربك يسخر لك زوجك........والله انا مجربه والله يسهل عليك ولادتك

[احب لغة العيون]

اختي القديرة انا نقلت مووضوعك لاحدى المنتديات

وهدي اوول رد ....


.................................................. ............................................




الأخت صاحبة المشكلة أنصحك بعدم تضخيم الأمور وتصعيدها على نفسك وعلى من حولك
كما أنصحك بالمحافظة على بيتك وأداء واجباتك الزوجية على أكمل وجه . فالخطأ لايعالج بالخطأ .
بالنسبة لماذكرتيه عن زوجك فأنصحك بتحويل تصرفاته وسلوكياته الخاطئة بذكاء منك لصالحك . أي وظفي هذه الأخطاء إلى إيجابيات ، فقد تكوني محتاجة لأشياء قد لايوفرها لك سابقاً ، ولكنك بعد اطلاعك على تصرفاته ومعرفتك بها يحقق رغباتك ، ومع ذلك لاتضغطي عليه وتشدي عليه . ودائماً اجعلي الأخطاء مشاريع للتعديل . ولاتقفي متحسرة وموجعة نفسك فهذا كله لاينفع ولايفيد .
وإذا كنت اعتبرت أن هذه إساءة شخصية وخيانة لك ، فتذكري أنه خان ربه ، فكيف بك أنتِ .

أسأل الله أن يسعدكم ويحقق لكم الرحمة والمودة .

[احب لغة العيون]

هدي رد اخر من احدى العضوات

.................................................. .......................




عليكمـ السلام والرحمهـ
أتمنى تكوني بخير وبصحه وبـ سلامه


عزيزتي /
قلبكـ ينزفـ وهذا شيء مؤلمـ
يبدو لي أن عمرك يتراوح مابين 24 الى 27
غاليتي /
أنـا أؤمن أن الله إذا أحبَ عبداً إبتلاهـ
ولكن أخيتي /
المشكله استفحلت وبدت عليكـِ ملامح الحزن, وجهكـ شاحب
هل فكرتي يوماً طرق باب الرب !؟ بالدعاء
أَلـحّي بالدعاء فـ الله لايخيب عبدٍ دعاه ولايرده صفر اليدين
فـ الله سبحانه قال في كتابه الكريم (أدعوني استجب لكم )

عزيزتي / زوجكـي فعل مافعلهـ من أفعال !
هو ليس بإدمان فقط!
بـ إنهـ يبحث عن الإشباع
فـ أشبعي رغباتهـ ولو أنهـ يطلب الكثير!
أنتي تحبينهـ جداً لأنهـ رغم مايفعله من افعال شنيعهـ
تظلين الى جانبه !! فـ الطلاق أبغض الحلال عند الله
فـ ياعزيزتي أنتي متفائلهـ جداً يبدو أنكـِ اجتهدتي ولكن ثقي ثقه تامه
أن مالكل مجتهدٍ نصيب !
اطرقي باب الرب عزل وجل فـ هو الوحيد اللذي يرأف بحال عباده
وهو أرحم الراحمين .أبكي وأشكي له يومياً ماتمرين به من حال
سبحانه جل جلاله رحمته وآآسعه.
لاتيأسي من رحمة الله~
أذا رأيتي أن حالك أصبحت افضل وبدأتي تتقبلينه
أجلسي معه وأحكي وناقشي بهدوء وأخبريه بما عندكـ
ولـ تكن بينكم ثقهـ و وعود فـ الله جعل بين كل زوج موده ورحمه
إرتاحي ياغاليتي فـ أنتي جميله ونقيهـ
لاتهملي ذاتك وأبدأي من يوم غدٍ
حال آخر ويوم جديد وصفحه جديده
إذا رأيتي منه فعل اساء اليك واغضبكـ لاتنظري اليه واخرجي من المكان الى مكان
تجدين نفسك افضل فيه إما موهبه تتحلين بها او عمل تحبينه ..
اتجهي الى الرب واعملي كل الواجبات الملزمه بها كل إمرأه
اعتني بجمالكـ الداخلي و(الخارجي)
فـ لتكن روحكـ مرحه محبه وقلبك واسع وكبير
هو بـ ذاته سوف يأتي اليكـ لاتقلقي
ولو بعد حين ll~

يـ / نقيهـ

همسهـ / في أذنكـ

_ عندما تكره المرأة رجلا الى درجة الموت,, فاعلمي انها كانت تحبه الى درجة الموت..
_ للمرأة ثلاث مراحل مع الحب,, في الاولى تحب,,, وفي الثانية تعانيه,, وفي الثالثة تأسف عليه!!
_ الرجل ابرع من المرأة في الصداقة ,, ولكنها ابرع منه في الحبـ . فكوني اهلاً لذلكـ
_ الإحساس والحب والإخلاص,, كل ذلك سيبقى مكتوباً على المرأة أن( تقوم به)
_ خاطبي في الرجل عقلة لاتنسي ذلكـ.
_ الرجال يمكنهم أن يقاوموا نظرية صائبة و يستسلمون لنظرة فـ كوني تلكـ النظره اللتي تخطف قلبهـ.

تمنياتي لكـِ
بـ حياة سعيده ملؤها المحبه والموده
راحة بال تدومـ وزوال الهمومـ

قرة عينكـِ
بـ سلامة وعافية أبنكـ

جوريهـ لكـ ِ

[صدى الجروح]

ماقصرت اختي احب لغة العيون وفت وكفت
لاكن
من كلامك احس ان زوجك ماينعطي وجه يستفز ويعاند ويصلح الاشياء وهو عارف انك عارفه ولا يخاف منك لاكن مالك الا الدعاء وانك طنشينه وتحاولين تجذبينه بثقلتك خليكي مطنشته وثقيله مثلا
اكشخي واجلسي واذا جلس يسولف عن بنت او مغاز او سالفه بايخه مثل وجهه طنشيه ولا تناظرين فيه ابدا كلمي جوال ناظري تلفزيون تلفون لاعبي ولدك احرقي دمه وخلي اهتمامك بنفسك يغريه وبولدك يقهره وسوي نفسك مشغوله عنه مرررررره مصيره يحتاجك ويجيكي يسحب
هههه انا عندي زوجي اذا تزاعلنا وقهرني تنظفت وكشخت ولبست احلى ماعندي واجي ارز نفسي قدامه اقلب بكتابي واذاكر بكل براءه او امسك الريموت واقلب وهو يطبخ يطبخ مايرتاح لين يراضيني ههههه مايجي الا بالعين الحمراء
واهم شي تصلين ركعه اخر الليل تدعين فيها بالهدايه واصبري واحتسبي الاجر عشان عيالك يمكن هو بمرحلة مراهقه او صار ادمان ادعيله وبس

[ام ركوني]

جزاكم الله الف خير والله يجعله بموازين حسناتكم

اختي احب عز الله ماقصرتي كفيتي ووفيتي والله يسعدك يالغاليه

فعلا" المشكى لله وحده

الله يبارك فيكم ويعطيكم العافيه

[اميره بكلمتي 2]

ورى ماتكسرين جواله وتحرقين قلبه عليه
والله لو اني مكانك واشوفه يسوي كذا لاكسر جهازه فوق راسه بعد واللي يصير يصير والا استغفله واخبيه عنه واسحب الشريحه ولا ابين انه معاي
هذا اول حل
وثاني حل يمكن انه صعب تسوينه وهو انك تسوين نفس اللي يسويه قدامه بس مو صدق تظاهري انك تعرفي واحد علشان تحسسينه بذنبه واذا تجادل معك قوليله هذا انت تسويها ولاهميتك لما انصحك ........ وقولي حتى انا بسوي اللي يحلالي
يمكن وعلى الله تتحرك فيه الغيره ويقلع عن اللي يسويه

اسال الله انه يهدي زوجك
وترى مو بس انتي تعانين كلنا نعاني وخليها على ربك لكن مانسكت عن الغلط مهما كان
بس الرجال اللي مثل زوجك مايبغاله الا وحده قويه ماتسكت ؟
والله يعينك..

[ام ركوني]

اميره كانك تشوفيني والله سويت الطريقه الثانيه ويطالع فيني ويضحك لانه ولله الحمد واثق فيني بالمره

الله يعين على هالرجال اخر زمن

[وردة القدس]

الله يحمل معاكي اختي
ادعيله بالهداية اثناء صلاتك وبعد الاذان
الله يقومك بالسلامة انتي حامل لازم تنتبهي عالجنين
الله يفرج همك وهم كل المسلمات آمييين

[سيده بالونه]

الله يعينك ويفرج همك يااااربي والزمي الاستغفار وقياام الليل في الثلث الأخير من الليل وبأذن الله ربي مابيردج وأتمني من الله أنه يهدي زوجج