مخطوبه والا مملكه تعآلـي هنا كل المراحل من الخطبه الى الدخله موضوع شـآمـل عن الزواج

[الشوق عطري]

السلآمـ عليكمـ ورحمة الله وبركآته

قبل كـل شىء تـرى [ المـوضوع منقـول ] ~
وأخآف يكونـ مرآح نفصـل الموضوع . وبنتكلمـ نقطه نقطـه واللي هـي :

1/ قبـل الخطوبـه . [ الأشيآء اللي لآزمـ أي بنـت تسويهآ ]
2/ عند الخطبـه . [ الأشيآء اللي لآزمـ على البنت تسويهآ عند الخطبـه ]
3/ التجهيـز للملكـه
4/ أيآمـ الملكـه
5/ التجهيـز بـ التفصيـل المملـ
6/ العنآيـه بـ الجسمـ
7/ ترتيب الشنط والأشيآء اللي تسوينهآ قبـل الزوآج بيومـ
8/ ليلة الدخـله والصبآحيـه
9/ ثقافه عامه وتتعلق بـ :
- دينك
- طريقه معاملتك مع زوجك ، وافكار حلوه
- مشاكل السنه الاولى من الزواج ، وكيفيه تفاديها
{ الشـرح رآح يكون بشكـل بسيط ، طبعآ لأن الخبرهـ قليله }
10/ نصآئح مفيدهـ جدآ ، مسك الختآمـ .




~ { قبــلـ الخــطـوبـه . } ~


وهـي الأشيآء اللي تسويهآ البنت قبـل أي مشروع خطبـه ..
وتنقسمـ لـ [ 5 ] أقسـآمـ . .


1/ علآقـة البنت بـ ربهآ . سبحآنه وتعـآلـى ..

أي بنت تبي ربي يوفقها ويرزقها باللي تبي تتقرب الى الله (اكيد كلكم تصلون وتصومون) لاكن فيه أشياء نهملها احيانا وهي
- الصدقه: تراها دفع بلاء
- الدعاء : وخاصه في الثلث الخير من الليل
يابنات ربي بعزته وجلاله ينزل الى السماء الدنياعشان ندعي والوحده
ولا همها ما تكلف نفسها تروح تصلي ركعتين
نصيحتي
قومي من نومك قبل اذان الفجر بنص ساعه وتوضي وتجهز مكان هادئ والضوء خافت
وتلتجأ الى الله تقرا لو صفحه واحده من القران وتصلي ركعتين وترفع يدينها للسماء تستغفر لذنوبها وتدعي الله
جربوها صدقوني اللي يصير انشراح بالصدر وشعور غريب وحلو
ولا تنسين وانت تدعين تخيلي الجنه تنتظرك باذن الله..
- الابتسامه :
اولا . صدقه
ثانيا . تخلي الوجه احلى وترفع الخدود



2/ علآقـة البنـت مع جمآلهآ . وجسمهآ..

- حافظي على نظافتك بشكل دقيق وخلي ريحتك دايم عطره
- سوي لنفسك جدول للعنايه بالبشره والشعر ولا تهملين الرياضه.
- رطبي جسمل طوال اليوم خاصه بعد الشور وخلي اخر مويه تنزل عليك بارده عشان الجسم ينشد
- النوم وما ادراك ما النوم لازم تامين بالليل (علمي روحك) انا اذا نمت باليل وصحيت ياي تقولون ملكه جمال
بس تدرون وين السر . ! [ انه يكون نوم ليل ] .. وانك تكتفيييييييييييييييييييييييين يعني تشبعين
- اهتمي بنظافه اسنانك ( انصحكم بالسواك خليه معالك حتى وانت قدام التلفزيون) واي مشكله من البدايه روحي لطبيبه
- بالنسبه للمكياج واللبس كل واحد وذوقها لاكن لاحظي . مكياج الصباح والليل يختلفون
- ملابسك قللي الالوان الغامقه وكثري الفاتحه خليك زي الفراشه . البسي الي يناسب عمرك وجسمك



3/ عنآيـة الفتآهـ بـ [ المنطقـه الحسآسـه ]

فيه نصائح لازم تمشين عليها . ولا بتندمين :
أ - لاتمشين على شي بارد وانت حافيه القدمين
ب - لاتجلسين على شي بادر
ج - لا تحملين شي ثقيل مهما كان
د - اذا جت الدوره البسي فوق الكلوت شورت اوبنطلون لازم ولا ترى يدخل الهواء والبرد
ويسببون لك مشاكل واشربي يانسون قرفه شمر بس لا تكثرين
قللي من الزبادي والباميه والاشياء اللزجه وكثري من الخضروات والفواكه
اهتمي بنظافتها وبعد الدوره حطي مسك وتمتعي بالانتعاش
هـ - إستخدمـي الحلآوهـ لحف المنقطه أو ألة بـرآون .
و - طهري المنطقه بـ المسك بعد الدورهـ فقط .
ع - إلبسي الشورتآت اللي نص فخذ عشآن الاحتكاك يسبب لك سوآد وتقرحآت خصوصا للمليآنات.
وإبحثـي وأقرئـي كثيـر بخصوص هـ الموآضيع وكـل شي عن المنطقه الحسآسه
والعنآيه بهآ . وهآهـ إنتبهـي ترهقينهآ بـ الخلطات والخرآبيط والكريمآت الكيميآئيه وعشآن تفتح ومدري وش
إصحـي لنفسك وخـلك ع الطبيعي ، تبين تفتحين إشتغلي ع الليمون والملح وادعكي بخفه جدآ ولاهوب دايمـ بعد
وبعدها رطبي المنطقه بـ فآزلين ، وجففيهآ قبل من الرطوبه زييين مآزيين ..
ولآتنسين إستشآرت طبيب متخصص اذا بتتهورين والا شي من نآحية الكريمآت.



4/ التغذيـه .

هالموضوع يبغآله جلسه ولكن بـعلق على نقآط رئيسيه :
- لآبد يكون غذآئك متكآمـل جدا .
- إشربي مويـه وطبعآ فوآئد المويه للجسم والبشره وعمليات الهظم وغيرها داخل اجسامنا كثيره
- هالله هالله بالفواكه والخضآر
- بعض العرايس من تنخطب تحآول تنحف وتتبع رجيم خآطئ وترى الرجيم السلبي له مضاعفاات
ومخاطر منهآ . تسآقط الشعر واصفرار الجلد والعقمـ وغيرها وغيرها .
تبين تسوير رجيمـ لازمـ إستشآرت طبيب أو إكتفي بـ الرياضه يوميآ .



5/ شخصيـة الفتآهـ . وعلآقتهآ بـ المجتمـع .

- خليك مبتسمه دائما وعودي نفسك
- كوني ذوق مع الناس ودبلوماسه بتصرفاتك وكلامك واذا طلب شخص منك خدمه
اذاتقدرين .. قدميها بطيب نفس وكلام حلو
اذا ما تقدرين.. اعتذري باسلوب راقي
- حاولي ما تنامين واحد زعلان عليك او انت زعلانه على احد
- مشيتك لازم تكون راكزه وكتوفك مرفوعه وراسك لقدام ومشيتك كلها نعومه وانوثه
- ثقي بنفسك مهما كانت عيوبك حاولي تعدلينها مو تفقدين الثقه( اللي يمشي واثق يمشي ملك)
- خلي صوتك دايم هادي وكلامك قليل ومفيد ولا تقاطعين احد بكلامه
- واذا تكلمتي مع مجموعه لا تقدمين راسك خليك ثابته وكلامك شوي شوي.
- انتبهي لطريقه اكلك وتعلمي الاتكيت.
- ثقفي نفسك بكل المجالات ولو معلوات بسيطه وكثره القراء بتغير من شخصيتك للافضل بدون ما تحسين
- ثقفي نفسك بامور الزواج وخلي المعلومات توصلك من اماكن موثوقه ومحترمه.



كذآ خلصنآ هذآ الجزء الخآص بـ قبل الزوآج .
وطبعآ أي إضافـه نرحب بهآ

:

.. يتـبـعـ { }