اخواتي الله يعافيكم ردو علي( الخروع للولادة والخياط للولادة الثالثة)

[Miss YoYo]

ما انصحك فعلا انك تاخذين خروع
لأنو اللي بيصير اذا اخذتيه انه يهيج المعده والرحم
ويصير عندك طلق ، لكن في بعض الحالات اذا كان رحمك مو مفتوح
ماراح ينفتح لأن هذا الطلق انتي خليتيه يجي وهو اصلا ماهو طلق
يقولون عنه هيجان ، يعني زي حالات المغص بس
هذا ممكن يخليهم يولدونك قيصيري وهذا اللي صار للأخت اللي كتبت
انها خذته في نفس اليوم بس ولدت قيصري لأن رحمها مو مستعد ينفتح الآن
وهي غصب سببت له هذا الهيجان ، خلي كل شي على ربك
متى ما اكتمل الولد وكتب له ربك يطلع بيطلع
مثل ماقالو البنات كثري تمر وعسل ومشي
وادعي ربك يسهل عليك
وربي ان شاء الله يفرج عنك هالكم يوم وترجعين تبشرينا بولادتك

[سفن بارد]

الله يهونها عليك بس انا عن نفسي استخرت وشربت الخروع لأني أخذت أسبوعين بالشهر العاشر ولا ولدت وانا بكريه فاستخرت واستشرت دكتورتي ومدحته مرررره لي وقالت ممتاز بس انتم يا السعوديات خوافات والا هو يفتح الرحم ولايصير عندك تمزق ماله دخل انه يهيج المعده والرحم هو بس يفتح الرحم فقط
اسمعي حبيبتي البنات اللي قبلي ولاعليهم قصور يقولون اللي يسمعونه من الناس بس انا مجربته ويقول المثل اسأل خبير ولاتسال طبيب والله استخيري وجربيه انا كنت بكريه وولادتي صعبه بس والله تقول الدكتورة لو انك ماشربتيه كان اشد انا شريته من الصيدلية قولي زيت خروع لفتح الرحم واشربي العلبه كلها مو ملعقه ترى ماتسوي شي ابد
وصديقتي مثلي طولت ماولدت وانتظرت الولادة تجيها وهي بكريه واخذت 3اسابيع من الشهر العاشر ويوم جتها الولادة جلست يومين تطلق مع انها أخذت أبره الظهر بس مانفتح رحمها لانها كانت بكريه يعني انا متاكده ان ربي كتب لي اشربه يوم استخرت لرحمته بي
فانت سوي مثلي استخيري واستشيري دكتورتك والله يكتب لك كل خير
اما بالنسبه للخياطه احس لازم تسوينها لانه حملك الثالث صعبه بلا خياطه والله يكتب لك الخير

[&الريحانه&]

ربي يسهل عليك ان شاء الله

[*قلب(H)حبيبي*]

ما أنصحك تشربي خروع الولادة تجي بوقتها لو تسوين أي شي
و أنصحك بس بالمشي و قرآة سورة مريم و الزلزلة و أكل التمر أو الرطب

بالنسبة للخياطة ما أدري انا بكرية و الحمدلله ولدت بخياطه طبعا
بس أختي ولدت الولادة الثالثة من شهرين تقريبا و خيطوها تجميلي بعد
أفضلك طلبي تجميلي حتى أنا خيطوني تجميلي
و الخياطة ما تالم بس تحسين بدخلة الإبرة و خروجها بسيييط و أكيد تعودتي عليها