يلي طوفتوا موعد الولاده تعالو نفضفض

[تراتيل]

مراحب ..

انا والله باقي لي تقريبا 9 ايام واطلع من التاسع

احس بمغص والم شديد في الظهر وزياده الم ونغزات من تحت ..

ماتستمر فترات طويله واحيانا ما اقدر انام منها ..

والله اني خايفه اعوشر .. على اني في ولدي الاول ولدت في الاسبوع 39 بدوم ما احس بهالالام

يعني بس نزل مني دم وانتوا بكرامه ورحت المستشفى ..

هالحمل لا غييييير احس تعبني مررررره ..

والله اني خايفه .. ودي اروح اخليها تكشف علي ومتردده لانهم يقولون طبيعي يكون الرحم مفتوح 1سم في المولود الثاني عاد اني افكر اقول اخاف ان الرحم مفتوح 2 ولا 3 سم وانا مدري

الله يهون علينا يارب ونولد بالسلامه

[برين]

ينات ولدت الحمدالله انتظروا التفاصيل في موضوعي الجديد

[بنت الغالي]

انا تعبانه نفسيا دخلت العاشر لي اسبوع والدكتور عطاني الاحد موعد ولاده بالطلق الصناعي والكل حذرني منه وبصراحه انا بكريه وخايفه وبعيده عن اهلي ادعولي اولد الليله او بكره الله يفرج همومكم ويسهل عليكم

[الامل عنواني]

مبروك ماجاك والحمدالله على السلامه
اما انا باقي لي 10 ايام واخلص التاسع
انا دورتي كانت في شهر 5
ورحت ذاك الاسبوع اكشف قالت ولا سم مفتوح وسويت محفزات الولاده بس الجماع اكرهه ومالي مزاج فيه لا لا سويته مرتين بس
وقرفه ودارسين بس الحين وقفت مشي لاني صرت ثقيله مرررره ماقدر امشي ولا اقعد الا 10 دقايق ربع ساعه وانسدح اتعب بسرعه
اللهم الهننا هون الطلق وحسن الخلق

[أم بسوولي]

الله يهون عليكم ويسهل ولادتكم
أنا باقي عشره أيام وأخلص التاسع والجنين جالس
قرر لي الدكتور عمليه الاسبوع الجاي دعواتكم والله خايفة خاصه أني بكرية
أن شاء الاسبوع الجاي تبشرون بولادتكم

[عطر العاشقين]

ذكرتوني بمعاناتي ...

صااار لي من طوفت التاسع اسبوعيين واشوي والحمدالله ولدت طبيعي

انتظروا لاتستعجلون ع روحكم ...

[نجاح نجوحة]

انا لي اسبوع تقريبا في التاسع الالام والتقلصات مصاحبتني من مدة طويلة ولكن منذ اسبوع تقريبا صارت التقلصات والنغزات يومية وخصوصا بالليل وتنتشر من اسفل البطن الى الظهر واعلى البطن وتعود ثم تسكن الا انها الام باردة ومع ذلك لا استطيع النوم بسببها
ربي يسهل علينا جميعا ويرزقنا الصبر وطولة البال ..مابقي الا القليل باذن الله ..يعني 8 اشهر اللي فاتت كوم هالكام يوم في الشهر التاسع كوم لوحدها ..ربي يعينا

[برين]

بنات انا كاتبه هذا الموضوع ..الحمدالله ولدت بسبب الجماع جاني الطلق بعد الجماع مباشره.