ماذا يحدث لملفك الشخصي لو مت!!!!

[عبير الحرية]

السلام عليكم اخواني

و انا اتصفح صفحات النت دخلت موضوعا فشد انتباهي ان عضوة من الاعضاء قد انزلت

موضوعا كاملا جمعت فيه كل مواضيع عضوة من المنتدى قد غادرت الدنيا و التحقت

بالرفيق الاعلى (رحمها الله و اسكنها فسيح جنانه )في حادث سير

و هي مقتبل العمر سبحان الله كان اخر موضوع لها ربنا يخليلي ماما

مواضيع في منتهى الروعة هادفة و قيمة

سبحان الله اصبح ملفها الشخصي

الاسم .....................

المكان.. البرزخ

العمل.. ميتة

سبحان الله هزتني تلك الكلمات و انتابني حزن كبير و انا ادعو الله ان يتغمدها برحمته

في المقابل استطلعت على موضوع اخر هز مشاعري اكثر

واحزنني كثيرا

ماذا يحدث في البروفايل(profile) بتاعك على الفيس بوك لو مت؟

أسأل الله أن يجعل وقتكم فى رضاه وطاعته وأن يجعلنا من أهل الجنان ومن أصحاب

الفردوس الأعلي

الموضوع مهم جدا علشان الجميع يقراه والمشكلة هى مشكلة بروفايل الفيس بوك

(أي الملف الشخصى لك أو الصفحة الشخصية لك..



سؤال تحول إلى جروب جديد طرح قضية فلسفية بطريقة تأملية لخص فيها فلسفة

الحياة وما يقدمه الإنسان من أعمال في حياته مشبها إياه بالصفحة الخاصة به على

الفيس بوك والتي تشبه إلى حد كبير الحياة طارحة تساؤل حول مصير تلك الصفحة بعد

وفاة مصممها....يضم الجروب في عضويته 19 ألف مستخدم

إنشاؤه ........ ،

سرد في صفحة الجروب الرئيسية أسباب تصميمه له

قائلاً: الملائكة يكتبوا أعمالنا في الدنيا.. يكتبوا "صحيفة الأعمال" لكل واحد، يعني كل

واحد له file فوق كدة فيه كل حاجة بيعملها عشان يتحاسب عليها في الآخرة، طب

الواحد يعمل إيه لو صحيفة أعماله إتنشرت قدام كل الناس اللي يعرفها، وفي الدنيا،

تخيل إنك مت.. و كتاب أعمالك خلاص.. أكتمل.. و تم نشره! شئ مرعب مش كده؟

ولكنك واعي له تماماَ، بل إنك أنت اللي بتنشر الكتاب بنفسك قبل ما تموت، البروفايل

بتاعك على فيس بوك.. مبيموتش.

وكشف مصمم الجروب المواقف التي دفعته إلى التفكير في هذه الفكرة قائلاً:

الموضوع إن فيه اتنين أعرفهم توفوا في حادثين متفرقين، والإتنين كنت أعرفهم معرفة

سطحية و لكن عندي على فيس بوك، الأول توفى في حادث سيارة و عرفت من

صديق لي، و لما روحت البيت فتحت فيس بوك لقيت واحد صاحبنا عامله tag في note

فيها أدعية له.. و لكن المشكلة، إن المتوفي كان كغيره من الشباب، بيفتخر بحاجات كتير

غلط بيعملها، و أخر profile picture كان حاططها ، صورة له و هو ماسك كأس بيرة..

والموضوع كان محرج وغريب..

أدعية و دعوات و صورة له ماسك بيرة.. لا يستطيع تغييرها سواه هو.. وهو مات!

مكنش يعرف إن الصورة دي هيبقي الـ comments اللي عليها

الله يرحمك و يغفرلك و اللهم أغفر له خطاياه و اللهم أحسن خاتمتنا

و بروفايل الفيس بوك بتاعه كان سبب اكتئاب لأخته تحديداً و اللي أنقذت الموقف بإنها

دخلت عالمسنجر بتاعه من اللاب توب الخاص بيه و اللي معمول فيه الماسنجر auto

sign in و قفلت من خلاله بروفايل الفيس بوك خالص .

الشخص الثاني مكنتش أعرفه خالص و لكنه كان مشترك في جروب لمحبي السيارات،

كان عنده 18 أو 19سنة، و كأن بيسأل أسألة تبين إنه بيحب السرعة،.. دخلت عالبروفايل

بتاعه أكتبله إيه الأخبار.. لقيت علي الـ wall حاجات زي

هتوحشنا و الله يرحمك و يا رب إجعل مثواه الجنة

و موعد عزاء .. عرفت إنه مات..، فضولي لم يمنعني من تصفح البروفايل بتاعته.. لقيت

the last activity واللي هي كانت المفروض عملها يوم وفاته، كان quiz بعنوان

how many *** partners will you have before you die?

الحقيقة مقدرتش أفكر في أي أفكار أو يمكن الأفكار في دماغي كانت كتير فمقدرتش

أركز في ولا واحدة فيهم، هل الواحد ممكن ياخد quiz على سبيل الهزار أخره جملة

before you die ، وهو ميعرفش إن before you die دي فترة قصيرة جداًَ لا تتعدى

الساعات ! وياخد الـ Quiz ويموت وينزل تحت الأرض و إحنا قاعدين قدام شاشة الكمبيوتر

بنتفرج على إن دي كانت his last activity.

وزي صورة كأس البيرة .. دي و كل الحاجات اللي عالبروفايل بتاعه.. غير قابلة للمحو..

لأن الوحيد اللي يقدر يغير.. مات.. و البروفايل تحول إلي مزار لأشياء تحولت إلى تاريخ !

الحقيقة زيارة بروفايل على فيس بوك لشخص إنت عارف إنه مات شئ غريب جداً و

إحساس غريب، بتحس إنك بتكلم شبح.. بتلاقي كلام هو كاتبه في notes أو

comments عالصور.. تحس إنها مينفعش تكون موجودة لأنه ميت !

بتلاقي قائمة أصدقاء.. لا يمكن في يوم من الأيام هيزيدوا واحد.. و هتلاقي صور.. مش

هيكون لها جديد.

الإنترنت و فيس بوك تحديداَ.. خلا الواحد ممكن يعرض حياته كلها قدام الناس.. ويسيبها

ويموت.. و تفضل هي.. زي بالضبط أكن صحيفة أعمالك أتطبعت و بقت تتباع عند بتاع

الجرايد.. ممكن تدخل على بروفايل حد مات وأنت مكنتش تعرفه أصلاَ.. وتعرف كان بيحب

مزيكا إيه وأفلام إيه وبيشجع أي فريق

وكان مرتبط بأي بنت وليه كانوا متخانقين قبل ما يموت ومين صحابه وحالته النفسية

كانت عاملة إزاي وشخصيته كان شكلها إيه وكان شكله إيه يوم ما مات في الصور اللي

إتاخدت بالصدفة من غير ما يعرفوا اللي لسه هيحصل، وكمان تعرف إيه أخر حاجة كان

بيفكر فيها قبل ما يموت.. قاعد تقلب في حياة واحد راقد على ظهره في مكان مظلم

وعاري من كل شئ في الدنيا عدا قماشة بيضاء ملفوف فيها! بل وتعرف معلومة زيادة

هو نفسه مكنش يعرفها.. إنه كان هيموت بعد ما يعمل الحاجات دي مباشرة!

و مكنش هيبقي فيه أي طريقة لتغييرها.. و هتفضل قدام الكل بعد ما كتبها بمزاجه.

ويتسأل مصمم الجروب قائلاً

هل الإنترنت ممكن يتحول لمقبرة أكبر من الهرم الأكبر و أقوى من النقوش الفرعونية

على جدرأنه لأنه ببساطة .. لا هيتمسح ولا هيتغير إلا من خلال اللي كتبه .. هل حد فينا

يتخيل إن البروفايل بتاعه ممكن يتحول لـ "نصب تذكاري"!

رد فعلك ممكن يكون إيه لو تقدر تقدم الوقت وتشوف صفحة بروفايلك بتاعة بكرة ولقيت

مكتوب فيها الله يرحمك وهتوحشنا وهندعيلك في كل صلاة.. وصورتك هي صورة جروب

عنوانه rest in peace !

شكرا لكم

بس دى دعوة لتفريغ الجروبات من صور الأخوات

و من المحرمات

يعنى انت ازاى تحب البروفايل بتاعك

يمكن كلنا نقلدك وتاخد انت الثواب ونشاركك فيه؟

احذروا السيئات الجارية لفضيلة الشيخ محمد العريفي



سبحان الله شوفوا اخواني الفرق

و الله هذه اوزار و السنة السيئة عليه وزرها ووزر من عمل بها الى يوم القيامة

اتمنى اعرف رايكم










لا تنسونا من صالح الدعاء بظاهر الغيب بارك الله فيكم