لا تبعدي عن زوجك بالنفاس.... موضوع منقول ..شو رايكم بكلامها؟

[حمرة الورررد]

[Love&Pride]

شكرًا ع الموضوع بس الوحده تكون في نفاسها بالذات البكريه محتاجة اهتمام ورعاية لها ولولدها وما أظن الزوج يقدر يوفر هذي الرعاية وزي ماقلتي هو يفكر في نفسه فكيف راح يقدر يوفر الرعاية والاهتمام للام والطفل
وبعدين كيف اول مره أولد واجيب شغاله ع البيت يعني طالعه من نفاس ولي فتره عن زوجي واجيب شغاله ع البيت

واذا كان عندها عيال هي راح تهتم بنفسها ولا برضيعها ولا بعيالها أظن انه حتى الي مو اول مره تولد تحتاج من أسبوعين لثلاثه حتى ترتاح

[أسيرته]

موضوع جميل ببعض جوانبه وبعضه الآخر فيه شيء من المبالغة
طبعا الإهمال مااحد يرضاه انت نفسك اصلا تطفشين بالعكس نهتم بأنفسنا
وتعب الحمل هو اللي يمنع من الكشخه كل يوم بس بنفس الوقت لا نآخذها حجه
ونجلس بنفس اللبس يومين ثلاثة مثلا ؟
بالعكس نغير ونكشخ قدر المستطاع والزوج يعذر طبعا ..
لكن بقائك عنده بالنفاس احس صعبه بجد وهذا الشي محيرني بقوووة مدري ابقى معاه ولا اروح لأهلي احسن ؟
بجد يعني بكرية واهلي بعيييييد من يقوم فيني وان اخذت شغالة مابتسوي اكيد كل اللي ابي
ع الرغم ان زوجي مررررررره يبيني عنده بس لما فكر من يقوم فيني ولا يعرف يسوي شي
قال لا عند اهلك احسن ..
محتاااااره بقووووة والشغالات مااحبهم بالبيت ابد
ياااارب اللهم اختر لي الخير
شكرا وتقبلي مروري

[شموسه]

مشكوووره عزيزتي سوف يتم بعض اللتعديلات
وشكراا لكي

[المخملية]

المشكلة بعض الأزواج مايراعون ولا يساعدك لا بخدامة ولا بشي
ويبغى طلباتو تتنفذ
وأنا أقول بعضهم وليس جميع الرجال
عني أنا زوجي بوحامي تعب وقال أنفسي عند أهلك ...
يقول مافيني أشيل وأحط معك...
والخدامه مااأقدر عليهاا..~
مع أننا نتمنى أنا وهو أن نكون مع بعض بس الظروف تمنعناااا..~

والله يعطيك العافية

[حبيبة نور]

موضوع جدا حلو انا بكرية ورح انفس عند أهلي لانو بجد ما رح اعرف اتصرف لا بنفسي ولا بالبيبي فأتعلم بس والله نفسية الحامل ما يعلم فيها الا الله يعني انا من النوع الحمد لله وحامي خفيف بس اهملت اللبس والمكياج لاني كرهت نفسي بشكل جنوني بس الحمد لله رجعت اهتم هالايام وطبعا ما احرم زوجي من حقوقه ابدا وبنفس حلوة بس النفاس لحد الان مو مفكرة فيه بتركيز بس ان شاء الله ما رح اكرهو حالو هههههههههـ
والله يعينا ويصبرنا ويقوم كل الحوامل بالسلامة

[بعد حييـﮯ εïз]

بعض الكلام حلو
وبعضه ابدا مادخل مزاجي
انا اقول حسب الزوجه والزوج
اذا هم مثل حالتي < مآقدر ابعد عنه ابددد
وتخيلوو كنت بنفس عند امي بس صارت ظروف وماقدرت
وقلت خيره
وفعلا استمتعت كثير وقت نفاسي ببيتي
والحمد لله مرت بسلام ^_^
عطيج العافيه ع النقل قلبووو

[CANDLE.22]

موضووعك رااااااائع
وبصراحه كلام سسليم ,,
انا عني والله اخذت 3 اسابيع عند اهلي لاني بكريه وبعدها رحت بيتي
وقاعده ببيتي والحمدالله امووري تمام
واذا عن اللبس ماقصرت لا في الحمل ولا في النفاااس بأحلى طله
صح في الحمل النفسسسيه زفت بس مو كل يووووم وفيه ناس احسسها تبالغ معقوله كل يوم اخلاقك زفت ؟؟ صح تعصبين وتبكين احيانا ومالك خلق لشي بس مو كل يوم وانتي على الحال .. لازم الوحده تلبس لزوجهاا وتتدلع علييييه وتسوي كل شي في بالهاااا ولاتخلي كبر بطنهاا عذر ..
والنفاس لابد من النظاافه سوي الي تبين عند اهلك بس في بيتي والله البس ارواب النوووووووم الطويله والقصيره واستشور شعري واحط مناكير ولا كأني نفاس ماشاءالله
حتى زووجي والله العظيم يقووووول انتي انظف نفااااااااس شفتهاا
لانه يشوف عمااته ريحة الحلبه وحاطين طرح عليهم ولا مكياج ولا هم يجزنون ولاا عطرر .. انا والله استحي اجلس كذا قدام زوجي

والشاااااااطره تعرف كيف تكسب زووجهاا

تحياتي لك

[ام شوووق]

موضوع رائع
وفعلا الوحده ماتنسى نفسها وزوجها
ويعطيك العافيه عالموضوع

[دلع سارة]

يعافيكم ربي
وكل من شاركت برأيها
الله يصبرنا ويسخر لنا ازواجنا طول العمر

والنفسية جزء من مراحل الحياة ...وطبيعي الحامل او النفاس يتقلب مزاجها
صحيح مو كل يوم .... لكن بعض الايام والمفروض هي اللي تبعد وتحاول تشغل حالها او تنام اذا مره واصله معها
ههههههه