انا وصديقتي

[سفوني]

المشاركة الأصلية كتبت بواسطة أم أصيـــل

سلامة راسك ياقلبي لاغبية ولا شي,,بس الناس ألحين مدري كيف التربيه الله المستعان مصيرها تتذكر وتندم....

ام اصيل

الله يسلمك ويطول عمرك


فديتك والله

[سفوني]

المشاركة الأصلية كتبت بواسطة ياورد

انا اشوف هااذ الشي في اختي ودايمن انصحهااا بس عشان هي اكبر مني اقول خلاص بكيفك
تحب تزور وتروح وتجي واذا الوحده نفاس تروح لها وتسوي لها عشاء وتخدمها بعكسي انا انا اروح ساعه وخلاص ماحب اطول يمكن لاني اتضايق اذا حد عندي ونا نفاس تعرفين تعب وعيال وزوج وعندك ناس يسهرون او يتعشون احسه تعب
اختي كل ماسوت خيررر زيك يجي عكسها تقطعها صديقتهاا تسير تتصل عليها ماترد تسير تتكلم في ضهرها مع ان اختي تخدمها تزورها تعزمها ببيتها اذا عندها صديقاتها
لاكن هاذي الحركه من صديقتك اعتقد والله اعلم
معناتها خفففي زيااااااارات وجيات وروحااااااات عندي
يعني طنشتك اكثر من شهر عشان تجينها بعد شهرين وتسير زياراتكم كل شهرين مره هاذا قصدهااااا
او تحصلين زوجهااا حالف عليها انك ماتجينهااااااا وهي ماتقدر تقول لك تخاف تزعلين وتنتضر زوجهااااا يكفر عن حلفه عشان كذا تعتذر
فاصبري وشوفي وش النهايه

انا قلت كذا شكلها تبي تخفف زيارات

شكلي كنت مضايقتها الله اعلم

بس ماظنتي زوجها يحلف عليها ماتزورني

لانه على حسب كلامها

يشوفني محترمه وعاقله وبنت ناس



مشكورة اختي على ردك فديتك

[سيدة الغرام]

الله يهديه بعد صداقتكم 8 سنوات صدق
دنيا تغيرت ياحبيبتي زي ماتجي عندك تقعد ساعه سوي مثلها قعدي عندها ساعه
ياحبيبتي زمن تغير الله المستعان ماعاد زي اول اممم للحين كل واحد يفر من ثاني

[**سماسم**]

مو مشكله يالغاليه ..
ماتدرين يمكن تمر بظروف ومظايقتهاا يمكن نفسيتهاا تعبانه وماتبي أحد ..
وخليهاا براحتهاا متى مادقت تدق أنتي واصلتي وماقصرتي إذا تبيج راح توصلج
,,

[ام عبودي وسيفو]

تقريبا مشكلتك نفس مشكلتي , انا صديقتي من سبع سنين , و كانت تجيني مرة او مرتين في الاسبوع تسهر عندي للساعة 2 , و اذا طالعة من البيت لازم تمرني , خصوص يوم تروح زيارة لامها اروح معها , و من يوم حملت و صار معي نزيف و دقيت و خبرتها وتوقعت انها راح تجيني يمكن كل يوم لاني بغربة , و ما شفتها غير بعد اسبوع او اكثر , و تعرف اني ملازمة الفراش وممنوع اتحرك و و مع ذلك قمت للمطبخ و خليت زوجي اللي عمل الشاي و القهوة ,ووعدتني انها راح ترجع عندي ثاني يوم , و ما جات و بعدها باسبوع دقت علي قالت لي انا في المزرعة , وشو اخبارك و كذا كذا , و لا عاد شفتها من يومها , الحين صار ليها ثلاث شهور لا جات و لا دقت و انا طنشت , قلت المفروض هي اللي تسال عني , ما هو انا اللي اسال عنها

[سلوان]

ياقلبي لاتقطعين بالعكس بادري انتي بالاحسن وخليك انتي العاقله

ويمكن صديقتك فيها شي يمكن حامل والله اعلم

انتي حاولي تتكلمين معاها بصراحه ااساليها ليش تغيرتي وش سويت لك

ترى مهو عيب ولا فيها تقليل من قدرك بالعكس بهالزمن نادرا نلقى اصدقاء اوفياء

وصعب تركهم لاسباب تافهها لازم نفهم ظروفهم ونعذرهم ونحط لهم مليوووووم عذر

الله يجمع شملتك انتي وصديقتك ويصلح بينكم

[سفوني]

lمشكورات على الردود



واكيد كلامكن محل تقدير واحترام


وباخذ فيه وافكر فيه



الله يوفقكن

[نور العيوووووون]

والله الزمن تغي
والانفس تغيرت
والاخو وهو اخو تغير
وانتي اهم شيء تاكدي من سبب الانقطاع. واذا صار من باب التطنيش فخلي علاقتك فيها محدوده سلام برساله بين فتره وفتره

[مناير999]

حبيبتي واضحه السالفه
هي تحس انك مثقله عليها وانتي طيبه وتبين تتواصلين باستمرار معها لكن هالشئ يضايقها

انا صديقتي دايم تتصل علي واوقات ماتكون مناسبه او زيارات اكون فعلا مو حابه بس استحي
صار زوجي يعصب ويحس اني وحده مهمله ومالي شغله الا سوالف الحريم رغم انه له علاقات مع زملائه بس مايحب علاقات الحريم وتواصلهم
وصديقتي ارحمها لى نياتها احيانا ابين لها بس عادي ماتنتبه
اقولها لحظه شوي زوجي يكلمني<<<ابيها تفهم وتنهي المكالمه
تقول خلاص شوفي وش يبغى انتظرك على السماعه عادي
واقولها يوووه شكلك مشغوله وطولت عليك وهي المتصله ابيها تفهم تقول لا انا فااااااااضيه ........


اضطريت بالاخير اتجاهلها تدريجيا رغم ان قلبي يتقطع عليها وماشفت منها الا كل خير اخت وعزيزه الله يوفقها وين ماراحت
تركتني الحين واذكر رساله مؤلمه منها ارسلتها وبعدها انقطعت
بكلامها ان كل صديقاتي قطعوني ونسوني ومانسيتهم وانتي يامناير ماكنت متوقعتك كذا مثلهم وتسب الزمن والناس
وطبعا صعب اقولها ان طيبتك وكثره تواصلك سببت لي ازعاج وللي يعرفونك

[ام حماده1]

ما اقول الا عامليها زي ما تعاملك ,,,,