تجمع امهات التوام حياكم

[شازل]

محجبة ... حفظك الله ورعاك ...
مبرررررررررررروك على ولادتك وربي يبارك فيهن وينبتهن نبات حسن ويسعدهن ويسعدكم معاهن ويحفظكم من كل عين وحسد وسحر ،والحمد لله على سلامتك ....
غريبة الممرضات يوم أنكنت في المستشفى كانت فيه ممرضات سعوديات وهنديات وكلهم ولله الحمد كانوا ممتازين حتى في بعض الأحيان كانوا يغيرون لهم قدامي أو ياخذونهم ويرضعونهم برا ثم يرجعونهم وكل وقت يجيبون رضعتين علشان اشربهم ... المهم أنا اشرب أولادي طبيعي وصناعي خاصة أخر رضعة في الليل صناعي - بليميل بلس - أول علبة أخذت لأوزان القليلة والمبسترين بعدين شربتهم الحليب بليميل بلس العادي ... وأعطيهم رضعة من الجلكوز - يمكن تسمونه سكر نبات - أمي تقول علشان الصفار يروح عنهم وعلشان يتعودون على شرب الماء وفي بعض المرات اعطيهم يانسون بالحليب .. وعلشان الشرقة يمكن ما حنكتيهم زين ، الحمد لله أولادي يوم يولدون كان وزنهم كيلو و800بس حاولت ارضعهم طبيعي كانوا يشربون شوي ثم ينامون وكنت امهدهم طول الوقت علشان ينامون كثيرويرتاحون وهذا يساعد على زيادة الوزن ... أما عن نفسك فكولي مكسرات علشان تنشطين وخاصة اللوز وكولي تمر مرررة زين ولا تنسين اشربي ترمس شاهي زنجبيل ولا تنسين النعناع ولا تنسين حبوب الحديد ترى وجع الرأس من فقدتك لكمية كبيرة من الدم ، ارتاحي واعتني بأكلك ونفسك أولا علشان تقدرين تنتبهين لبناتك ...

[شازل]

وش دعوه بنات ما أحد يدخل أجل كيف نتبادل التجارب ؟؟؟؟؟؟؟؟؟
عاد لا تحسبوني فاضية ........
ترى ما عندي وقت بس ادخل شوي علشان ارفه عن نفسي .......
مره مشغولة بس اعطيكم من تجاربي ... عندي التوأم وعدني واحد توه داخل المدرسة واثني اصغر وحده سنتين ونصف والثاني سنة ونصف يعني مشغووووووووووووووووووووولة مرة .... قاعدة أهذر على روحي ماهنا أحد يسمع أو يقرأ ...
يالله تعالوا ...مصدقة نفسي ...

[محجبه]

هلا شزو
اخبارك والله تعبانه وعجزت اعرف للدعنونين ومقابلتهم واصيح معهم لان يشرقون انا عطيتهم حليب اس 26 بليميل بلس

طيب اول ماولدتي يطول معهم ترضيعك احس انهم طويل رضاعهم للصناعي والطبيعي حنوكم ماتمسك الحلمه صح اضطر احلب لهم واعطيهم
شزو انتي اخذه بنج نصفي لان البنج مسوي لي نسيان فضيع
طيب
وش سويتي نظام الحين اشرب قهوة نفاس وشاهي يانسون وشاهي حلب وافطر بر وغداء شوربة بر مع لحم وعشاء بر
واشرب حليب
بس صراحه الاسهال معي للحين من يوم حملي ذبحني احس مااستفدت

[شازل]

مرررررررررررررحبا محجبة ... الله يسهل أمرك ..
شوفي أمرهم سهل وصعب بنفس الوقت ، أولا كثري من الدعاء إن الله يعينك على تربيته ويسهل أمرك - تشوفين كيف يتسهل وكيف ربي يربيهم - ..
ثانيا خلك من كلام الناس اللي يقول الله يعينك واللي يقول وش راح تسوين واللي ... المهم ترى كل واحد منهم يتمنى التوأم بس الناس تحب تخرع الناس ...
ثالثا بما إن عندك أولاد كبار عوديهم إنهم هم برضوا يهتموا فيهم ، مثل يعطونهم الرضاعة - اللهاية - أو يعطونهم حليبهم بالببرونة ...
رابعا لا تخلين أحد يشيلهم عوديهم إنهم ينامون على سريرهم كل وقت ...
خامسا إمهديهم في وقت نومهم ينامون مرتاحين ...
علشان الشرقة شكلهم ما تحنكوا زين ... حنكيهم ثاني مرة بالتمر أو العسل - أنا واحد الوالد حنكه والثاني أخوي الصغير حنكتهم بالعسل ...
أول ما ولدوا يشربون دقيقتين وينامون فترة طويلة ثم يقمون ويشربون جغمتين وينامون وهلم جرا ... صح في البداية مايقدرون يمسكون الحلمة لازم تضغطين لهم وتقطرين في فمهم ثم يحاولون سحب الحلمة والشرب بس لازم برضوا تضغطين صدرك وأنتي تشربينهم حتى يتعودن السحب ...
والله ما أدري وشوا البنج اللي عطون بس أحس إنه نصفي مع منوم لإني فقت منه بسرعة يعني ساعة ونصف ... واللنسيان ترىمن حمل التوأم لين ما يرجعن هرمونات وينتظمن تكوني تنسين ولا تركزين - هذا اللي حسيته أنا بعد البنج -
أنا بعد الولادة جاني إكتئاب خلاص ما ودي أكل أغذية صحية ، بس كنت أكثر اللوز أحطه داخل التمر وأكله - مع إن الوالدك كان يقول لازم تسخنين السمنه بعدين تحطين التمر وتكلينه - المهم كنت أكل في اليوم ثلاث بيض مسلوق وأشرب مرقة اللحم وأتغدى مع أهلي عادي بس كنت محطيه حرتي بالزنجبيل أشربه ...
أنا بس يوم كنت بولدمن الصبح حتى الساعة 11ونصف وأنا كان في إسهل ,,,
مين اللي سوى لك العملية ؟؟؟
المهم أنتي إرتاحي ولا تهتمي إنهم توأم وشلون تربينهم ربك عطاك إياهم وهو وعد إنه يرزقهم ويربيهم وما عطاك إلا وهو يعرف إنك قد المسئولية ...

[محجبه]

هلا شازل يامال الجنه والله العضيم اني ارتاح لاقريت اي رد احس اني بنعمه
وياحضك بالاجر العضيم دايم ادعي لك ومن وراك
انا سوت لي العمليه استشاريه كوكب هنديه ومعها مساعد الدكتور جبل هندي
بس اقولك رحت للمستوصف اليوم من شان الاسهال قال فيك فطريات وبكتريا مسبب لك والله مادري وانا احس ان فيني ديدان ربي يكرمك
عمليتي بنج كامل وانتي بعد لان ياقلبي النصفي يشقون البطن وانتي تسولفين مع ابوالشباب بالجوال ابره مع النخاع ولايسوون اي تخدير
الدعوى هنود عزالله رحنا وطي
سبحان الله لاحضت التوام يقومون سواء ويتمغطون سواء ويجوعون سواء
يارب تعيننا على تربيتهم تقول امييابنتي ماهنا الا العافيه وربي يبي يعونك

[زود الغلا]

محجبة انا من اللحين اتابع امهات التوام عقبال ما انضم معاكم........اذا فيك ديدان عليك بعصير البرتقال يقضي عليهم نهائي وفي علاج بالصيدلية تاخذين حبتين الحين وحبتين بعد سبوعين ولازم عيالك ياخذون علاج معاك لانه الدود يعادي وعلاج الصغار نفس الكبار بس شراب .

[جومانا]

متااااابعة بصمت لاستفااادة
يارب انضم لكم قريب

[شازل]

بسم الله الرحمن الرحيم


السلام عليكم

أخواتي حوامل التوأم



أسأل الله أن يتمم حملكم على خير وتقوموا بالسلامة إنتو وحبايب قلبكم كتاكيتكم توينزاتكم

****************************** *

أحببت في هذا الموضوع أن أضع بين يديكم خلاصة تجربتي المتواضعة مع توائمي جنى وجودي
عمرهم الآن 4 شهور و3 أسابيع ويومين >>>> يا دقيقة

أتمنى لكم الاستفادة منها
***********************

أولا: الحمل

عانيت كثيرا في حملي بالتوأم
والسبب كثرة الكلام من حولي وإبحاري في عالم النت
أصبح عندي وسواس فقدهم والولادة المبكرة والحضانات وغيره وغيره
أتعبت نفسيتي على الفاضي وعلى حساب نفسي وبناتي وأجنتي وأولا وأخيرا الغلبان زوجي

وأيضا كلام الناس
الله يعينك يا مسكينة إش حتسوي معاهم وكيف حيكون وضعك
ويدقوا على أمي خلي زوجها يجيبلها شغالة ثانية ووووووووو >>> قاعدين على بنك
سلسلة من الأفكار المرعبة والمحبطة في نفس الوقت
ونسو أو تناسوا وأنا من قبلهم

أن الله هو من رزقني بهم فهو وكيلهم ووكيلي فما سيقدره لي سيكون خيرا لي بإذنه
فابتهجي وافرحي أن الله حباكي بهذه النعمة ولا مانع من الحرص الشدييد للحفاظ على هذه النعمة من باب الأخذ بالأسباب

ارتاحي قدر المستطاع
لا تجهدي نفسك في أعمال البيت كثيرا
لا تتنرفزي ولا تعصبي وارتاحي نفسيا قد ما تقدري (( صرخة على بنتي الصغيرة جابتلي طلق مبكر في الخامس ))
راجعي مع طبيبتك دوريا وتكلمي معها فيما تحتاجينه من ربط أو مثبتات وهي سترى ما هو مناسب لك لكن بدون وسوسة وقلق
غذي نفسك جيدا وابتعدي عن كل ما هو غير مفيد لك ولأجنتك لا تحرمي نفسك بس كثري من المفيد
إحمدي الله قد ما تقدري على نعمته ... و
خلي دعائك دائما أن يختار الله لك الخيرة من أمرك يعني لا تحددي يارب أولد طبيعي!!
لأ قولي يارب اختارلي الولادة اللي فيها خير لي والطبيب اللي فيه خير لي والساعة اللي فيها خير لي والمستشفى اللي فيها خير لي
لا تنسي أذكارك الصباح والمساء وانفخي على بطنك بعدد أجنتك والله خير حافظا

ثانيا: الولادة

ممكن تكون طبيعية أو قيصري على حسب وضعية الأجنة وعددهم وفي النهاية ربنا حيختارك الخير أيا كانت ولادتك وتعبك فيها

ما بعد الولادة
حطي في بالك ان حتى النفاس حيكون مضاعف بس مش بالسوء اللي تتوقعيه
يعني انا عانيت من تفكك عظامي يمكن 25 يوم
قد تواجهي صعوبة في التحكم في البول لو ولادتك طبيعية عليك بتمارين كيجل على طول
الدم قد يستمر لفترة لما بعد الاربعين خصوصا لو كانت الولادة طبيعية لأن في القيصري بينظفوا الرحم قبل ما يقفلوه
ما اكذب عليكي واقولك عادي والوضع مية مية
وحتنامي قد ما تبغي
التعب حيكون اول شهرين بس بإذن الله
لان انتي محتاجة تتاقلمي على التدبيل ( يعني كل شي تسويه مرتين ) بالإضافة الى متاعبك الخاصة
وهم كمان محتاجين يتأقلموا على وضعهم خارج الرحم والعالم الجديد
وأوقات نومهم قد تكون مختلفة يعني يسوو نظام شفتات عليكي
( عندما تصلي لمرحلة الانهيار تذكري ان كلها شهرين وينتظم كل شي لو كنت ايجابية في تعاملك معاهم )
واتبعتي نصايح النوم القادمة
ثالثا: الرضاعة
نصيحتي لأم التوأم لو تبغي تناميلك ساعتين متواصلة على الأقل
لا تسمعي كلام اللي يقولك رضعيهم بالتبادل
يعني مرة واحد ياخد طبيعي والثاني صناعي والرضعة القادمة بالعكس
لأن هذا يعني انك طول اليوم وانت شغالة ترضعي ولا سويتي ولا شي في حياتك
انت وراك عيال وراك زوج وراك مسؤليات
الرضاعة الطبيعية ما تقعد في بطن الطفل اكثر من ساعة وبعدها يبدأ يشتغل في البكاء
حتعطيه دوره في الصناعي وأخوه لسه ما جاع لأنه اخد صناعي وحتتلخبط الدنيا
وفي البداية حيكونوا بطاء جدا يعني ممكن ياخدوا نص ساعة عشان يشبعوا

نصيحتي

رضعي الاتنين مع بعض طبيعي بعدها بساعة أو متى ما جاعوا رضعيهم صناعي حتلاقي عندك وقت لأشياء كثير تسويها بعد الرضعة الصناعية

حتقوليلي كيف حقدر
هذي صورة توضيحية لطريقة ترضيع التوأم مع بعض صراحة انا ما جربتها بس ممكن تنفع معاكي

انا جربت دي

ممتازة فوق ما تتخيلي
تخلصي الاتنين في الوقت نفسه
لو ما عندك مخده خاصة
اجلسي متربعة وحطي مخدتين بمستوى رجولك على الجنبين وخلي روسهم عند صدرك وبقية جسمهم يمتد من تحت يدك على ورا يعني نفس الفكرة في الصورة القادمة
يعني كانك متأبطتهم وتصيري أم تأبط توئما

بالنسبة للصناعي
عندك عده خيارات
اما بنفس المخده السابقة


او لو كانوا كبار شوية يعني على الشهرين ونص ممكن تحطيهم في كراسيهم المنزلية وحده عن اليمين ووحده على يسارك وترضعيهم على الشهر الثالث بدأت احطلهم مخده اركز بيها الرضاعة واسوي شغلي وطبعا تحت مراقبتي عشان لو شرقوا لا سمح الله
أو ممكن أحد يساعدك
أو هذي الأداة شكلها جدا رائع وتخدم بس للأسف الشديد ما حصللي أشتريها

رضاعاتك يفضل الزجاجية آمنة أكثر من البلاستيكية واشتري لها غطاء من محلات الأطفال عشان لو طاحت ما تنكسر أو على الأقل ما يتبعثر الزجاج ويجرحهم

ضروري تشتري غلاية كهربائية أسهل وأسرع من الغلي على النار لأنك في مرحلة تكادي تنسي إسمك فيها فالتعقيم على النار خطر جدا جدا

رابعا: الملابس

نصيحتي لا تشتري غير البرتوزات


والفنايل اللي تقفل من تحت


كوافيل والبعض يسميها مهاد لو كنتي من النوع اللي يمهد
وفي شي سهل جاهز للتمهيد


مراييل صغيرة عشان لا تتوسخ ملابسهم بسرعة


غيرها من ملابس أول ثلاث شهور ما حتحتاجي
واشتري من 0لـ3 ولا تكثري نيو بورن قطعة ولا اتنين بس ما حتخلصي الاربعين الا هم مزنوقين فيها

اما القطع والبدل والحركات صدقيني خساير على الفاضي
ليست عملية والطفل يظل متنرفز ويبكي منها طوال الوقت ولا يرتاح الا لما تغيريله
والناس ما حيقصروا بما انهم توائم فيتحمسوا أكثر شي يجيبوا هدايا ملابس وزي بعض

طبعا تحتاجي اتنين برانس لما بعد الاستحمام
أدوات استحمام من صوابين وشمبوهات واسفنجة تضعيها تحت الطفل اثناء الاستحمام
4 طواقي عشان الصلعة لا تبرد لو كانوا زي عيالي صلع

خامسا:النوم


عوديهم من الان يناموا بنفسهم من غير هز او نومة على الصدر او شيل لانك حتتعبي بعدين
كيف التعويد؟؟

انك الرضعة الاخيرة حقت الليل تكون صناعي وبكمية تشبعها تماما وحطيها في سريرها او حطيهمرة مرتين حيتعود وينام بنفسه


تحذير شديد اللهجة : إياك ثم إياك بوضعية النوم على البطن أغلب حالات الموت الفاجيء للأطفال كانوا نايمين على بطونهم

حتى لو أغراكي استغراقهم في النوم بهذه الوضعية

خطرة جدا


ممكن تحطي في السرير اللعبة اللي تتحرك وتلف يتلهي فيها شوية وينااام

أنصح وبشده تشتري كيس النوم

لا تخافي يبردوا ولا تخافي يغطوا وجيههم بالغطا وتنامي مرتااااحة



السرر ممكن في الاول تحطيهم في سلة وحده بس بعدين حتتضطري كل وحده في سله وكمان شوية لازم سرير فخديها من قاصرها وجيبي سرير

كل وحده لها سرير

ممكن في الأول تحطيهم مع بعض بس لو بدءوا ينقلبوا خلاص تفصليهم

أو تحطي بينهم زي المسند حق الجالس العربي
سادسا:الخروج


وما أدراكي ما الخروج


أمزح لا تخافوا

اللي قاللي سنة ما حتطلعي من البيت والي قال انسي شكل الباب

يبغالك شوية شجاعة واللي حوليك يشجعوكي اما لو اللي حولك محطمين الله يعينك


يعني طلعة في الاسبوع ما تضر ابدا


بس زيارات الى الآن ما جربت>>> برّاوية بعيد عنكم

طبعا لازم يكون عندك كراسي أمان للسيارة عدد اثنين

مو تقولي واحد معايا والثاني في الكرسي القضية قضية أمان أكثر من هي راحة لكي

والله انا وزوجي نقعد في الحر اللهيب نربط 10 دقايق يمكن ولا نعرضهم للتهلكة لا سمح الله ( طبعا عشان عندي اتنين غير التوأم )


العربية

لو عندك أحد يساعدك في الدف يعني أيدي عاملة غيرك وغير زوجك

بنتك كبيرة ولدك أمك أخوكي

اشتري لكل واحد عربية أوفر عشان ممكن تستفيدي منها في المرات القادمة

أما لو عندك نقص في الأيدي العاملة إنت وزوجك بس لازم يكون معاكي عربية التوائم

طيب حتقوليلي مو فيه زوجي

ايوه بس زوجك ممكن بيمسك الثانيين ولا بيدف عربية السوبر ماركت أو أو .. الخ من الأعمال الأخرى

انا تبعتي اتنين ورا بعض من مذر كير بس مشكلتها ان المقعد الامامي من 3 شهور قبل كدا لأ

سعرها 1300 ريال تقريبا



وفيه نوع يجيك اتنين جنب بعض بس مشكلتها عريضة وتسوي زحمة



انت قارني بين الاتنين واختاري الأفضل لكي


الشنطة

مهمة طبعا

وتكون فيها جيوب كثير

هذي اشتريتها من مذر كير بـ180 ريالأو بالأصح جاتني هدية





رائعة بمعنى الكلمة

تشيل كل شي ممكن تحتاجيه معاكي حتى اغراضك الشخصية لها مكان عشان ما تضطري تشيلي كم شنطة معاكي

منقووووووووووووووووول

[محجبه]

ربي يعطيك العافيه شزول
بس احس ذبحهم بناتي مغص وش اسوي يبكووووون وش تعطوهم غير ماء ينسون يعني للمغص

[صمت وسكون]

المشاركة الأصلية كتبت بواسطة محجبه

ربي يعطيك العافيه شزول
بس احس ذبحهم بناتي مغص وش اسوي يبكووووون وش تعطوهم غير ماء ينسون يعني للمغص

حبيبتي في الصيدلية قطرات للفم مهدة ومسكنة لحديثي الولادة ..
والله يعينك عليهمم ياارب ..رووووعة مع اولادي ايام النفااس ..