حبيباتى سيدات ليبيا تفضلو لأعرف ما حالكم

[جوهرة ليبيا]

ربي ايعاونك ياسوسو ياصبية الحوش وربي يحفظلك كل عيلتك

جنودة والله انتي عروسة علاش انتي اتحسي ان في شئ اتغير فيك يعني من يوم تزوجتي كنتي بنوتة ووليتي مدام وعايشة في نفس الحوش مع زوجك احلي ايامكم بحلوها ومرها بعراكها وبرومانسيتها ههههههه ربي يدوم عليكم

وحتي ان شاء الله لما ايري صغار خليك ديما واثقة من نفسك ومهتمة بنفسك وبعد 15 السنة وصغارك طولك اعرفي انك خلاص انتقلتي لمرحلة تانية من الزواج <<<هذا حسب رائي الغريب ههههه

[جوهرة ليبيا]

اين ذهبتم يارفاق وتركتموني لوحدي آآآآآآهآآآآآآآآآآآه

[sosolibya]

جنودة نسخت الدعاء وحطيته عالفيش

بارك الله فيك

[أم أجنادين 80]

العشية بيجوني سوسو بس مش عارفة يقعدوا للعشاء او لا بس بناخد احتياطي
تقصدي اندير كسكسي بالبصلة
بروحه من غير امبطن ولا حاجة معاه
هيا هيا التعبة ممكن كسكسي ومعاه حاجات حارة يتعب اكثر من الرز

[sosolibya]

لا ياجيجى انا حتى بعد 15 بنقعد عروسة إن شاء الله

[جوهرة ليبيا]

سوسو حبيبتي اتعاونوا علي هالشي انتي وزوجك


انا احيانا نتكاسل فحتي هو يرقد ايقولي التنقريز امتاعك الوحيد المفيد في هالوقت ههههههههه

ومرات الحق اينوض فيا خصوصا فترة وحمي تعبت ونرقد


وحاولي تسمعي لمحاضرات علي صلاة الفجر وخصوصا قربنا لرمضان

تصدقوا هالايام كل منقول كلمة رمضان جاي

نبكي نبكي نبكي

اولا اشتياقا للايام رمضان واجوائة الاسلامية الكبيرة<<<راحت فيها اللغة العربية منك

وتانيا نبكي علي كل ام فقدة ابن او بنت ليها نبكي علي كل بنت وولد فقدوا بوهم او امهم ونبكي علي وعلي وعلي وعلي آآآآآآه ياااااارب انزل الصبر علي كل المسلمين

[sosolibya]

جنودة اصلا لو كسكسى مفروض ماديرى معاه شىء

ولو هما عشية خليها حاجات حارة بس

وانت ماشاء الله فالحة ديرى نوعين بيتزا والبطاطا مكسدة ديرى مبطن

وتقدرى طبيخة مثلا

وهذا الل حتى يعنى لو ماقعدوش للعشاء

وبعدين هى الجية شنو نوعها كل مرة تتلاقو عند واحد

ولاشديهم للعشاء وديرو لحسة مقطع

[sosolibya]

والله ياجيجى راجلى ينوض ويقولى نعيا انوض فيك وماتنوضيش لدرجة مانصدقش

كله تعب هذا

[جوهرة ليبيا]

ان شاء الله دوم عروسة ياسوسو

بس بعد 15 لازم ايكون هذفك الوحيد بعد طاعة الله اطفالك والسن الحرجة اللي حيمروا بيها

وحتحاولي اتكوني اكثر من ام صديقة واخت ومعلمة ووووو

عارفة ان هالاشياء من توة انديروا فيها لكن بعد15 محتاجة جهد اكبر

اصلا الحياة الزوجية كل سنة المسؤولية تكبر علية ومهما اتقولي بنبسط حياتي تلقي نفسك مشغولة بالكل
والله ادري واعلم

وربي يحفظ لنا صغارنا ويحفظنا ليهم يااااااارب

ورزق كل وحدة الذرية الصالحة يارب العالمين

[أم أجنادين 80]

بيني وبين نفسي عروسة طول عمري
بس الناس حتي لو ليك شهر متزوجة لازم من القصقصة