دردشة بنات الجنوب الحبوبات

[ام طروق]

اقولكم يابنات انا باقي لي خمس ايام وادخل السابع النونو يرفس بقوه
عادي والله اوقات يالمني ومايخليني انام
اخاف من الولاده المبكره على هالرفس والحركه
كيف حركة نونواتكم؟

[يمكـ دروبي]

هلا وغلا بسوم

[بسوم]

ام طروق لاعادي جدا
انا في التاسع وبعض الحيان احسه بيطلع مع جنبي

[ام طروق]

الله يعين عليهم شقاوه من الحين
يابنات وش مسوين بشغل البيت والعياال مع الحمل انا خلالالاص بديت اتعب احس ماعاد اسوى
رجولي هي اللي تعبتني حتى تطقطق تطلع صوت من عند الركبه والاقدام ماقدر ادوووس عليها والشغل ماينتهي

[عشق الطفولة]

ام طروق

اهلين صبايا كيفكم اليووووووووووووم
وش رايكم بغيت اسالكم لو احد عرض عليك يعطيك ملابس للنونو تاخذينها ؟؟
يعني احد تمونين عليه وعنده اشياء جديده وغير مستهلكه؟؟

بالنسبه لي و الله اذا وحده امون عليها و ادري انها بتعطيني بنفس راضيه اكيد باخذها ما فيها شيء بدال ما تتكدس الملابس عندك و عندها تستفيدون منها و اكيد باشتري جديد كمان فما فيها شيء من وجهة نظري

بنات قولو لي وش مجهزين للنفاس؟؟
انا مفكره اني ماستقبل احد بعد الولاده مباشره
اخليهم كلهم يجون بالحفاااد في عزيمه كبيره
يعني ماسوي سرير ومفرش وكذا وش رايكــــــــــــــ م؟
واخاف مااعمل حسابي ويجون الناس

اكيد بيجونك ناس بعد الولاده ما بينتظروا لازم تاخذي احتياطك حتى اريح لك ما تتورطين بعدين صدقيني
بالنسبه لتجهيزي انا و الله ما جهزت شيء ما ابغى اجهز الا اذا دخلت السابع على خير باقي لي اسبوعين يا رب تعدي على خير دعواتكم حبيباتي

[عشق الطفولة]

ام رنيم و سديم
الله يسلم عمرك و الله يا اسامي البنات انها شغله الله يحفظهم بس و يجون بالسلامه يااا رب اذا اخترتي اسم قولي لي يمكن اسرقه منك هههههههههههههههه


šĥmǾ5ł yҝŠŕķ
و الله اذا تقصدين اللي في ابها كثير يمدحونه و يقولون الدكتوره اللي فيه كويسه اسمها منال و الله يتمم لك على خير و ييسر لك

[عشق الطفولة]

بسوم
هلا بك الله يتمم لك حملك و ييسر لك ولادتك و يخلي لك ولدك يا رب
نورتينا يا قلبي

ام طروق
حلو انك قررتي تجهزي المعذره رديت ردي الاول قبل ما اشوف كلامك
الله يعينا يعني فوق التعب هم التجهيز و استقبال الضيوف

[عشق الطفولة]

بالنسبه لي يا حلوات رحت لاهلي قبل امس بالليل و جلست عندهم الين امس بالليل و انبسطت و غيرت جو الحمد لله
اما البيبي الاحظ ان حركتها خفييييييفه يا دوب احس فيها عادي انا بنص السادس الحين ؟؟؟

[ام طروق]

اهلين عشق الطفوله كيفك
بالنسبه لحركة البيبي انا كل يوم تتغير اوقات يرافس بشكل مو طبيعي واوقات خمووول يادوب احس فيها اهم شي راقبي الحركه تكون مستمره طول اليوم حتى لو بينها فترات اهم شي تحسي بالحركه وبيقولو حركه الولد تختلف عن البنت انا فعلن في حملي ببنتي كانت حركاتها هاديه شوي
اما االحين احسه بيطلع باي وقت يرافس بس تجي اوقات افقد حركته بيكون نايم ممكن ولامسترخي
والله انا اول كنت اراقب بالمره وسوست فقررت اودع به ربي واراقب ماغفل
الله يحفظهم

[ام طروق]

السلام عليكم ورحمة الله وبركاته
اخواتي العزيزات لايخفاكم ماحصل من خسوف للقمر اسال الله العلي القدير ان يرحمنا ويتجاوز عنا ويغفر لنا ذنوبنا واسرافنا على انفسنا
قرأت عن الاسباب وحبيت انقل لكم القليل للفائده والتذكير
وعن أبي بكرة قال : قال رسول الله صلى الله عليه وسلم : [ إن الشمس والقمر آيتان من آيات الله لا ينكسفان لموت أحد ، ولكن الله تعالى يخوف بها عباده ]

( البخاري مع الفتح 3/235 ) . إذاً السبب الشرعي في حدوث الكسوف والخسوف هو تخويف الله للعباد ، ليتركوا ما وقعوا فيه من الذنوب والمعاصي والآثام الجسام ، وتوالى حدوث تلك الآيات في هذا الوقت بالذات لكثرة المغريات الحياتية ، والانفتاحية والإباحية التي تعيشها معظم المجتمعات ، فانجرف الناس في تيار الحضارة الزائفة ، فضلوا أنفسهم وأضلوا غيرهم ، فأرسل الله تبارك وتعالى تلك

الآيات تخويفاً وإنذاراً لعباده كيلا يحل بهم ما بحل بمن سبقهم من الأمم الغابرة ، فعليهم أن يرجعوا إلى ربهم ويعودوا إلى دينهم حتى لا يقع بهم سخط
الله وغضبه ، قال تعالى : { ظهر الفساد في البر والبحر بما كسبت أيدي الناس ليذيقهم بعض الذي عملوا لعلهم يرجعون } ( الروم41 ) .

فالواجب على المسلم إذا رأى تلك الآيات العظام والعلامات الجسام أن يبادل إلى طاعة ربه ومولاه ، وأن يفزع إلى الصلاة خوفاً من ربه سبحانه ، ويترك ماسوى ذلك من ملاه وملاعب ومغريات
اللهم اغفر لي ولوالدي ولجميع المسلمين والمسلمات الاحياء منهم والامواااات