دردشة حوامل مصر - دردشة بنات مصر - تجمع حوامل مصر

[MALAK2010]

فى شقق فى السعودية فيها بلكونات ولا كله شبابيك

[dr.princess]

انا عندى هنا بلكونة
بس مش كل الشقق فيها فى الشقة اللى كنت فيها قبل دى كان شبابيك بس

[MALAK2010]

وبتستعمليها
انا اعرف ان عندكم محدش بيقف فى شباك او بلكونة ولا الوضع عندك ازاى

[dr.princess]

انا بفتحها بس تهوى البيت او لو حرانة اكتر من كده لا لانى وقفت فيها مرة اول مانقلت ولقيت الناس اللى ماشية فى الشارع بتتفرج عليا

[MALAK2010]

انتى فكرتينى او ما دخلت الفندق فى المدينة فتحت الشباك ووقفت ابص وماكنتش عارفة لقيت فى ناس على بعيد بيبنوا او حاجة كدة بيتفرجوا عليا
مع انى كنت فى الدور 12 بعيدة اوى

[MALAK2010]

احنا عندنا عادى لو وقفتى فى بلكونة او شباك بس نادر لو لقيتى حد واقف بس هنا حاجة غريبة مفيش حد يعمل منشر فى بلكونة او شباك نهائى يتعرض لغرامة مفيش حاجة تكون بارزة من العمارة يعنى مثلا هدوم سجادة طبق دش
والغرامة كبيرة مش صغيرة بيحبوا يكون العمارت شكلها جمالى

[dr.princess]

الموضوع هنا مقفول خالص
انتى عارفة انا كنت اول ما اوصل الحرم اقلع النقاب وافضل طول الخروجة قالعاه دلوقتى معدتش بقلعه ابدا الا جوه وانا بصلى بس حتى جوزى يقولى لو مخنوقة اقلعيه قلتله لا الناس بتقعد تتفرج عليا حاجة صعبة اوى

[dr.princess]

انا معنديش لا مكان للنشر ولا كده لان 3/4 البلكونة متقفلة نص بناية ونص ارابيسك بس كذا مرة اقول هطلع المنشر اللى بيتنى ده فيها تنشف الهدوم اسرع بس بكسل بصراحة

[MALAK2010]

عارفة انا حاسة انى لما اروح مصر ماعتدش هعرف انشر تانى هههههههههههههههههه
اصل النشر بيبقى لة نظام معين وترتيب مش اى حاجة
وانا نسيت الكلام دة بسبب المنشر بتاعى هههههههههههه
مع انى برضة منظمة فى المنشر بس مش زى النشر اللى فى مواجهة الجماهير ههههههههههههههههههه

[dr.princess]

هههههههههههههه لالا انا بقى مش بتاعة نشر خالص ماما كانت بتفضل تعلمنى وانا تقريبا مش سامعاها مش بحبه اصلا وبعدين فى حاجات فى الترتيب ده مبتعجبنيش فكده كده هتفضح قدام جيران جوزى هههههههههههههههههههه