دردشة حوامل أهل جدة - دردشة بنات جدة - تجمع حوامل مدينة جدة

[سوزان666]

بنات جده بليززززززززز
وين مستشفى طبيباته كويسات ومافي زحمه ..؟؟

[~LaDy~]

ام يوسف..

بالنسبه لتحليل السكر ..

لازم تكوني صايمه 8 ساعات ..

يسحبو دم ..ويعطوكي محلول تشربيه اول ماتخلصي تحسبي الوقت ..ساعه كامله ..بعدها يسحبو دم ثاني..

خلال الساعه ياتتفرجي عالرايح والجاي .. ياتتطلعي مشوار قريب..

مواصفات المحلول .. شيره سكررررررررررررر .. يكون بنكهة البرتقال الله يجزاهم خير.. كانه فانتا برتقال مو ميرندا برتقال لاااااااا

فانتا وزيدي سكر شوي .. وانتي تشربي ابتسمي للحياة ..

انا سويتو هو تركيزو 50 وبعدها شكو بارتفاع السكر وعملت الي تركيزو 100 وانتظر 4 ساعات وان شاء الله ماحد يحتاجو ..

وياقلب لاتحزن سويت حفله بالمستشفى ههههههههه

والحمدلله طلعت النتايج سليمه ..

بالعافيه مقدما .. وطمنينا عليكي ..

[خلوني على صبري]

السلام عليكم يابنات جدة الحلوه ذكرتوني بلعصير حق سكر هو اصلا بنفسه يجيب السكر من حلاه يذكرني يعصير كراش بلبرتقال قديم الله يعينا عليه بس هوا مهم لا وفي جميع النكهات اتحملوه شويا

[الشموع المضيئة]

حامل شيك يعطيكي الف عافيه يارب

Lady اجل شكلي بروح لفواز مافيني انتظر دكتوره وبعدها التراساونت هيه كلها الاجازه 3اسابيع وراجعه

[حامل شيك]

مشروب السكر ذا عمرو ماصادفني الحمدلله
بس أسمع عنه
اعمل تحليل وأنا صايمه ويقولولي روحي كلي
وبعد ساعتين بالضبط ارجع << والله كذا ارحم
مستحيل اشرب شي مايعجبني

[صبر الليالي]

صباح الخير صبايا
سؤال او استفسار عالطاير
ابغا اسما محلات مفارش النفاس عندكم بجده

[um yuseef]

صباح الخير

انستكم الرحمه على اني ما شفت المطره بس الجو عليل ماشاءالله

باركولي أخيرا اشتريت المفرش حقي ( انجاز عظيم ) اخدتو من اورانج

حينزلو مع بداية السنه بضاعه جديده لو يعجبني الجديد ممكن ابدل

سوزان

للأسف كل مكان زحمه أنتي وحظك

نينو

تسلمي يا عسل

ليدي

ههههه اش الوصف المذهل دا بس كويس قلتي صيام لاني كنت رايحه على عمايا


صبر الليالي

عندك بيتي الصغير و االعروسه دول في محمود سعيد

كمان فيه الكرستال في شارع البترجي دا المحل بحبحي جيبك لانو ميزانيه

و المفتي في شارع فلسطين

المفتي لوبانشبه شارع الاندلس عن نفسي ما عجبني و اسعارو مبالغ فيها

و لو فيه محلات تانيه البنات يفيدوكي

[المهـ ـرة]

جده اليوم غير
امطار وجو ولا احلا من كذا

غيوم غيمت ع سماء جده فامطرت فرحا لقلوبنا
اللهم اغسل قلب كل مهموم واجب دعوة كل داعي
رفع يديه طمعاً بكرمك ورحمتك فلاتردنا خائبين ولامن رحمتك مطرديين
اللهم ارزقني وارزق جميع الاخوات الذرية الصالحة
وامنن علينا بفضلك واحسانك
اللهم امين

[دلوعـ زوجي ـة]

صباح الخير حبايبي جعل الله مطر خير ع الجميع ات شاءالله


حبيباتي ابي اشترى طقم النونو كامل حق الاستقبال اللي هوا السكري او السماوي مو قطن لا اللي يجيكي فيه شرايط وحركات يعني دلع اهم شي الشال واللبس والطاقيه والشراب بالتل يعني حلو ومناسب من وين احيبه تكفوووووون ساعدوني عجزت وانا ادوررررر

[~LaDy~]

صباحكمممممممممممممم ريحة مطر وغيم ونسمات بارد..

يالله كيف الجوووووووووووو يحسسك بالانتعاش..

يارب ييسرلنا واجعل ايامنا كلها سعاده ونفسيات جميله..

*********

العيطبول ..

اللهم امين..

كلامك وردودك وادعيتك جميله ماشاء الله تبارك الرحمن ..

اتمنى اكتب مثلك ههههههههه

********

ام يوسف

كلولولولولوليش..

ايش الاخبار الحلوه على هالصبحيات..

واخيرا انجزتي انجاز دسم الحمدلله ..

اصلا اورنج صديقي الصدوق ودايم يفك ازمه ..بس مافكرت امره ..

يالله عقبال ماتبشرينا بالباقي يارب..

********

دلوعة زوجي..

مافهمت قصدك ولا مر عليا بالسوق مثل الي قلتي..

نفسي اساعدك .. بس اذا شفت راح اقولك ولو تنزلي صوره ..عشان توضح المعلومه افضل..

وان شاء الله الكروشات يفيدونك..