تجمّع امهات المستقبل2 للمقدمآت ومنتظرآت نَتِيجَة أطْفآل الأنابيب والحقن المجهَري •.•°

[Orchid109]

المشاركة الأصلية كتبت بواسطة المياسه بوظبي

شوفي اللي اعرفه لازم الرحم يكون زين يعني كم سمك الرحم ونظافته لانه كيف تلزق الاجنه فالرحم اذا مب سميك ومب نظيف الشي الثاني الاجنه درجات وفي بنات حملو من اجنه من الدرجه الثانيه والاولى يعني مهم كم تم انقسامهم والحركه بس اللي اعرفه اول 3 ايام تكونين مرتاحه وكل الدكاتره يقولون عقبها الحركه تكون بسيه وتعيشين حياتج بس احنا لوظعنا شوي يختلف فكري فيها البويضات مانزلت من داخل الرحم بروحها يعني انحطت الاجنه فيه فالوحده شوي تحافظ ومثل ما تعبتي فالاجرائات والتحاليل ولالادويه مايضر شوي ترتاحين لمده اسبوعين والله اخر شي هو اللي يكتب اذا لج نصيب فيهم ولا لا


انا اليوم رحت لدكتور فقيه وبصراحه طلعت وانا ابكي وقلبي محروق انا عندي الانابيب متسكره وسويت منظار مرتين اشيل كيس على المبيض لانه تبويضي اوك ومن يصير التبويض تكبر البويضه وماتقدر تنزل لانه الانابيب مسكره الاثنين فأما انها تنفجر مكانها وتسبب التصاقات زياده على الموجود او انها تختفي واليوم قلت له اني سويت عمليه اطفال انابيب وراويته كل اوراقي قالي شوفي تبين نصيحتي ولا تبين تعبين نفسج ؟؟
قلت له مابي اتعب نفسي وابي احمل قالي الانابيب عند مسكره ومامنهم فايده وبالفحص قالي الانابيب عندج تنزل ماي على الرحم لانها ملتهبه او لانها مسكره واحد من الاثنين
فلازم تسكرين الانابيب عشان تنجح عمليه اطفال الانابيب قالي لو بتسوينها 60 مره مابتنجح لانه الانابيب تنزل ماي تقتل الاجنه فالرحم

يعني لازم اسوي عمليه والله تعبت بطني مخرم من كل صوب مادري ليش يستوي بي جي كل شي مسكر فويهي الحمدالله على كل حال

شو تنصحوني بنات انا تعبت من التفكير

هلا حبيبتي المياسة
والله ياقلبي توكلي على الله ولا تبكي اعتبريها زي الابتلاء من ربي واحمدي ربي عليها
لكن الغلط من الطبيب اللي تابعتي معاه من البداية واللي سوالك الحقن المجهري ليش ماقالك هالكلام من البداية ~

اخ بس من ذا الاطباء قلوبهم ميته وبي ~

إنتي روقي أعصابك وأحمدي الله اوصيك بسهام الليل صلي وادعي ربك بالليل الله يستحي يرد عبده خايب اذا رفع يدينه له

أنا حاسة فيكي

طيب غيري الطبيب استشيري كذا طبيب
لو تسافرين لاي مدينة قريبة منكي وتشوفي طبيب إستشاري يفيدك

نصيحيتي ريحي نفسك ثلاثة أشهر
وسوي سيرج وأسالي وإستشيري كذا طبيب وإن شاء الله ربي يكرمك بفضله وتحملي من غير عمليات يارب

[أم الحلوات80]

المشاركة الأصلية كتبت بواسطة المياسه بوظبي

الله يوفقج يارب تعرفين خواتي يقولون لي اروح برجيل عند دكتور فاطمي وانا ماعرف ليش سويت موعد عند مايكل فقيه اليوم بروح له وجهزت كل اوراقي وبشوف شو بيقول

المشاركة الأصلية كتبت بواسطة المياسه بوظبي

شوفي اللي اعرفه لازم الرحم يكون زين يعني كم سمك الرحم ونظافته لانه كيف تلزق الاجنه فالرحم اذا مب سميك ومب نظيف الشي الثاني الاجنه درجات وفي بنات حملو من اجنه من الدرجه الثانيه والاولى يعني مهم كم تم انقسامهم والحركه بس اللي اعرفه اول 3 ايام تكونين مرتاحه وكل الدكاتره يقولون عقبها الحركه تكون بسيه وتعيشين حياتج بس احنا لوظعنا شوي يختلف فكري فيها البويضات مانزلت من داخل الرحم بروحها يعني انحطت الاجنه فيه فالوحده شوي تحافظ ومثل ما تعبتي فالاجرائات والتحاليل ولالادويه مايضر شوي ترتاحين لمده اسبوعين والله اخر شي هو اللي يكتب اذا لج نصيب فيهم ولا لا


انا اليوم رحت لدكتور فقيه وبصراحه طلعت وانا ابكي وقلبي محروق انا عندي الانابيب متسكره وسويت منظار مرتين اشيل كيس على المبيض لانه تبويضي اوك ومن يصير التبويض تكبر البويضه وماتقدر تنزل لانه الانابيب مسكره الاثنين فأما انها تنفجر مكانها وتسبب التصاقات زياده على الموجود او انها تختفي واليوم قلت له اني سويت عمليه اطفال انابيب وراويته كل اوراقي قالي شوفي تبين نصيحتي ولا تبين تعبين نفسج ؟؟
قلت له مابي اتعب نفسي وابي احمل قالي الانابيب عند مسكره ومامنهم فايده وبالفحص قالي الانابيب عندج تنزل ماي على الرحم لانها ملتهبه او لانها مسكره واحد من الاثنين
فلازم تسكرين الانابيب عشان تنجح عمليه اطفال الانابيب قالي لو بتسوينها 60 مره مابتنجح لانه الانابيب تنزل ماي تقتل الاجنه فالرحم

يعني لازم اسوي عمليه والله تعبت بطني مخرم من كل صوب مادري ليش يستوي بي جي كل شي مسكر فويهي الحمدالله على كل حال

شو تنصحوني بنات انا تعبت من التفكير

انا رأيي انج تستخيرين اول وثاني شي شوفي دكتور وليد أو دكتور فاطمي مثل ما قلتي وإذا قالولج نفس الكلام اتوكلي على الله وسويها وان شا الله تكون آخر عمليه ومن عقبها تفرحين بالتوأم

[غاليه عليهم]

اوركيد اذا بيتك بالدور الثالث انتبهي ع حالك روحي عند اهلك هذي الفتره
او حاولي تشرحين وضعك للمسؤل عنك بالدوام لان بيتك درج ودوامك درج احس صعبه
وان شاء الله ربي يسخرهم لك ويسمحولك بإجازه

[*عسل*]

بنات بسئلكم كم لازم تكون بطانة الرحم حتى تكون مناسبة للحمل ؟؟
انا اعرف الطبيعي١٢.بس بعرف لو كانت اقل كم تكون ؟؟

[سماااااح]

السلام عليكم


انا سويت ترجيع اجنة مجمده والحمدلله صار حمل
المشكلة استعجلت بالاشعة وسويتها بعد الترجيع ب 28 يوم وبان كيس بدون جنين

هل فعلا ممكن يصير كيس بدون جنين في اطفال الانابيب ولالا


مرة شايلة هم ياريت تفيديوني وتطمنوني

[ام ثابت]

بدري حبيتي استني أسبوعين يمكن يبين

[ام ثابت]

أنا بعد ودي أعرف كم بطأ نت الرحم لأن في ناس يقول من 5ل10وفي الناس قولو من 8ل12وعاد هي تختلف من شهر لشهر

[محرومه11]

انا عشت هالتجربه تجربه اطفال الانابيب اكثر من مره وكل مره كنت اتوتر بطريق لدرجه انو لما تنزل الدوره انهار واجلس ببيتي اسبوع ماكلم احد
الحمدالله مايئست سويتها عده مرات ماني قايل العدد عشان لا تخترعون انا انحرمت كثييييير وكبر سني واخر مره تكللت بالنجاح يارب لك الحمد
بس ايش كنت عايشه حاله مثل الزفت ونزل دم وقلت دوره وانهرت اسبوع
لاكن الدوره كانت غريبه وشويه وجاني الم بالبطن وغثيان ولما رحت للدكتور وطلب تحليل حمل لقيت نفسي حامل قسم بالله لما بشرني الدكتور نقزت لدرجه ان جزمتي الله يعزكم طارت وصيااااااح لما بشرت امي ماردت علي من كثر الصياح
يارب انك تتمم علي وترزق كل بنت

[صمتي عالم]

محرومه ربي يتمم لك على خير ويرزقك اكث واكثر


سبحان الله وبحمده

[*عسل*]

يا حياتي يا محرومة ربي يتمملك على خير ويفرحك بشوفت جنينك