دردشة بنات العراق, دردشة حوامل العراق , تجمع بنات العراق

رونزا · 07-17-2012, 02:25 PM

قمورة حياتي مشكورة اني اراجع يم ايمان ابراهيم هم نصحوني بيها..

فوفو العراقية · 07-17-2012, 04:54 PM

مساء الخيررررررررررر
شلونكم حبايب
نورا يووووووووووووووووووووه
بعدج مجبتي
ولج اشبيج متتلحلحين شوية مو خلص صبري
ياااااااااااااااارب الليلة تسويها ونشوف النونو قريب..

قمورة هههههههههههههههههه تحصل في احسن العوائل
اني مرة وحده صار وياي هالفلم
وكمت ارفض كل الدعوات والصداقات الماعرفها
ههههههههههههههه

ام نورهان
ولج لا اجي اكفشج من شعرج
عصبيتج هاي طلعيها على رجلج
مو على نورهانة
ترى ازعل هاه!!!!!!!!!!

خطية حبيبتي من هسة هيج انتي وياهة ورة الولادة شلون؟؟؟؟؟؟؟؟؟؟؟؟؟

زنوووبه
سفرة سعيده والخطار الله وياهم
ديري بالج على نفسج يمعودة لاتجهدين روحج.

باقي البنات شلونكم حبايب؟

فروحة اشو ماكو؟؟؟

فوفو العراقية · 07-17-2012, 04:57 PM

قمورة
ليش جدول الحمل مالتج متوقف
رجعي سوي من جديد هههههههههههههه

فوفو العراقية · 07-17-2012, 09:22 PM

مساء الخير
هاي وينكم؟
اشوف ولا وحده
يلا تعالو راح انزل صورتين
بيهن صورة لزوجي من جان زغير هوة و اخوه التوئم
كولولي منو زوجي ومنو اخو هههههههههههههههههههههه
اريد احيركم
لان اعرف ماراح تعرفون لاني اني ماعرفت
ولا زوجي عرف روحة ههههههههههههه
اخته الجبيرة كالت النة بعدما حيرتنه ههههههههههههه
يلا هذني الصور...

قمر بغداد · 07-17-2012, 10:59 PM

خخخخخخخخخخخخخخخخخ فوفو هاي شنو همزين متخربطين بيناتهم
يجوز ابو الابيض السادة
مادري هاي ليش ميمشي الشريط يلة خلي يبقى هههههههههههههههه

فوفو العراقية · 07-17-2012, 11:41 PM

ههههههههههه قمورة اني ممتاكدة يمكن الصورة الاولى اعرف انه عاليسار بس الثانية ماعرف
يمكن هم هوة عاليسار خخخخخخخخخخخخخخخخ
خو هسة همة بعد اكثر مينعرفون وخايفه من اروح يمهم اشتبه بينهم
بس لازم اركز عالعيون
لان اخو عيونة بيهن زراك وزوجي خضر على رصاصي
ف لازم اخذ بصمت العين حتى اكدر اميز ههههههههههههه

قمر بغداد · 07-18-2012, 11:43 AM

اكلكم شبيكم مختفين ولاوحدة بس لاصايرين تضوجون تدخلون تسولفون
كلما ادخل ما الكة احد

فوفو العراقية · 07-18-2012, 02:46 PM

مساء الخير
شلونكم

حبايبي ليش ماكو تواجد صار فترة؟
عسى المانع خير

اي والله قمورة
كلهم ماكو
حتى ضوجة
بس اني ونتي نتواجد اشكد نشيطات هههههههههه
بس الله اعلم من نولد بالسلامة ندخل بعد لو لا!
ههههههههههههه
شلونج قموور؟.؟

nada ali · 07-18-2012, 05:33 PM

best idea in world

ام نورهانه · 07-18-2012, 05:50 PM

هلو بنااااااات شلونكم هاي شنو عبالي بس اني كسلانه وماادخل طلعتوا كلكم هيج شلونكم اخباركم

طبعا اخباري مو كلش لان احس بدت عندي تشاليع الولادة بس على الخفيف والله اليستر اليوم ظهري كله تشنج بحيث اختنكت ومتحملت من الالم ضليت ابجي وهسة عيوني مورمه

ونورهان يوميه مهبطتني عبالك منفوسه من البارحة طبعا كنا كاعدين اني وابوها بالسيارة ووكفنه بالازدحام مال سيطرة حي الجامعة وطبعا هي متعودة تكعد وره بس هلكد مضلينه واكفين بالازدحام اجتي ونبصت بحظني وضلت تلعب بالشباك تنزل وتصعد المهم اني دااحجي ويا ابوها وملتهين وكان تخلي راسها وتسد عليها الشباك وظلت لازمة الدكمه مال شباك وصار العياط وبس نريد انطلع راسها بالكوة واختنكت وهسه سودة عليه الحز مال شباك على ركبتها الله ستر ولطف واليوم الصبح كاعدة امسح الاستقبال بل ماسحة ومشغوله بالمسح وهي اني مأمنه عليها بالغرفة تباوع براعم ليش مو الماسحة عصت جوه القنفه دا اجرها حيل ومااحس الا نورهان ورايه كان توكع وتظل تعيط طلعت ضاربتها بالحافه مال ماسحة على حاجبها وانشك حاجبها والدمايه تكت واسكتوا وخلوها واكلت هبطة معدله بحيث شلتها وركضت على عيالي بس اخذتها مني حماتي وكان اوكع بالكاع تخربطت وطلع ضغطي فد مره هابط ومن الصبح لسه ظهري مشنج وعصوصي ديموتني وتقلصات رهيبه ورجليه ديونن شفتوا شلون حظي بس الحمد لله ودوها عيالي للطبيب مابيها شي بس جرح عادي حتى محتاجت خياط بس عقمها

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
كردستان العراق 2013 ‎ - مناظر طبيعية فى كردستان العراق ‎ 2012 - السياحة فى كردستان ا	خليجية وافتخر	المـنـتـدى الـعـام	6	12-24-2012 02:13 PM
دردشة بنات العراق, دردشة حوامل العراق , تجمع بنات العراق	سماسم	إستفسارات حوامل من الشهر السابع إلى الشهر التاسع	16513	06-07-2012 02:12 AM
دردشة بنات مصر , دردشة حوامل مصر , تجمع بنات مصر	سماسم	إستفسارات حوامل من الشهر السابع إلى الشهر التاسع	32704	01-02-2012 10:16 PM
تجمع حوامل العراق واتمنى اكو احد موجود	توتايه	إستفسارات حوامل من الشهر السابع إلى الشهر التاسع	18233	01-02-2012 10:09 PM