دردشة حوامل أهل الرياض - دردشة بنات الرياض - تجمع حوامل الرياض

[شموخ الكون]

يؤ ولا وحده فيكم تعرف وين ممكن القى مكان اشتري منه شنطة النفاس يكون مكان مضمون ومجرب

[ساااره]

ا[glow=6666FF]لسلام عليكم ورحمة الله وبركاته وش اخباركم بنات؟حااامــــــــــل في السابع ابغى اسألكم عن م.رعاية الرياض,أسعاره,الخياطة,افضل دكتورة للولادة أهم شىء عندي وبالنسبة للي يقولون نخلي ازواجنايشوفون مهوب من صالحكم,حتى الوحدةفي ذيك اللحظة ماودهاباحدحولها.[/glow]

[قلب حبيبي ونبضه]

مساء الخير،،، ( آهـ ماارق الرياض تالي الليل )
شموخ تدرين انا وين اطلع اروح لحديقه الروابي او اروح لغرناطه واجلس ماتحرك،،وبالنسبه لشنطه النفاس اختي لما اولدت جابت من وحده بالقصيم مره شغلها زين وانا حاليا طالبه منها ،،

والاخت اللي تسال عن قوى الامن والله ماعندي خلفيه،،،
والاخت اللي تسال عن رعايه الرياض انا ماعمري جربته بس صديقتي والده فيه وتمدحه بس التفصيل والله مدري البنات يساعدونك ان شاء الله ،،،
واذا على دخول زوجي معي للولاده انا من الناس اللي تؤيد دخوله معي وبس
دمتم

[الورده الجوريه]

هاي صبايا طبعا ماتليق علينا صبايا واشكالنا كذا
انا من الرياض والحين حامل لي شهرين ونص واراجع بمستشفى الملك فيصل التخصصي

[♥ RoRo ♥]

حياـاكم الله .’
اللي تسأل عن ورق جدران اذ1 ماخاب ظني موجود في حي الروضه طريق انكاااس فيه كم محل حلوات ’’
’’
شكراً عالتثبيت ياااعسسسسل ’’

[قلب حبيبي ونبضه]

انجل تحصلين الورق عند محلات الديكور احسن من المكتبات وايكيا الرسمات مرره حلووه ،،،،

الورده الجوريه ،،هلا وغلا نورتينا بوجودك والله يتمم عليك وبالنسبه لمستشفى الملك فيصل الي اعرفه خدماته لايعلى عليها

بنات أم دجانه وينها ؟؟؟ تتوقعون اولدت؟

[وعــــــــــد]

السلام عليكم ورحمة الله وبركاته
الحمدلله والصلاة والسلام على رسول الله وعلى آله وصحبه أجمعين

كيف حالكم إن شاء الله دائما بخير ؟
ولــــــدت
ولــــــــدت
ولـــــــــــــــدت
ولــــــــــــــــــــــــــــــدت
ولــــــــــــــــــــــــــــــــــــــدت

ولله الحمد بعد عناء طويل وتعب ماتتخيلونه

طبعا انا في التخصصي الطبي والمسافه بينه وبين بيتي بعيده شوي حسيت ببداية الم ولاده ورحت الفجر على طول خايفه الالم يزيد والمستشفى بعيد ورحت بسرعه وكشفوا وطلع الرحم لسى مفتوح واحد ونص سم مع اني مت من الالم قالوا لي روحي وتعالي بعد ثلاث ايام لو ماولدتي نعطيك طلق صناعي وانهبلت ماقدر اصبر 3 ايام وانا فيني طلق بس الرحم مانفتح
وفجئاه طلع لي دكتور الله يجزااااااه الف خير وقال لازم نعمل سونار لان الطلق شديد شوي والرحم مانفتح لاني جلست عندهم ساعتين وهم يكشفون وانا اتألم
ولما عمل السونار قال المويه قليله لانها نزلت من كثر ماامشي والرحم مانفتح الا واحد ونص
قال روحي البيت وتعالي 9 الصباح ونعملب طلق صناعي عشان يفتح الرحم بسرعه قبل لاتقل موية الجنين اكثر
وانا متشققه وطايره من الفرحه اني بولد اليوم
مو بعد 3 ايام
وجيتهم الصباح وعطوني الطلق وياليتهم ماعطوني والله ياناس اني شفت الموت قدام عيوني وكنت اقول يارب اموت ولا اتألم كل هالالام والكتوره تدخل كل ساعتين وتكشف وتدخل يدها من تحت والم فضيييييييييييييع انط من السرير من قوته
وكل ساعتين تجي وتدخل يدها وانا ابكي كأنه ميت لي ميت والدكتوره تكشف من هنا والممرضه تحط الطلق في المغذي وانا بطيرررررررر من الألم ومن 9 الصباح لما 11 الليل وانا في طلق صناااعي جوني 5 دكتورات وكل ماتدخل وحده تدخل يدها وتحط طلق ويروحون ويتركوني لما حسيت انه اغمى علي وقلبي بيوقف ناديتها قلت تعالي ابي عمليه الحين على مسؤليتي وانا اللي اقرر وكنت معصبه وودي انط على الدكتوره السوريه الله ياخذ عمرها اليوم قبل بكرا اللي اتوقع اسمها منال مدري منار
تقول اتركوها تتدلع عشان اول مره وكل ماتجي دكتوره تقول وزن الجنين كبير بنسويلك عمليه تجي وتقول لا اتركوها لسى يمكن ينفتح الرحم كل مانحط لها طلق ؟؟؟؟؟؟ << ولاحظوا انها يمكن وانا بين الحياة والموت وموية الجنين نشفت خلااااااص

وزوجي جالس يبكي من صراخي والعذاب اللي مريت فيه وفجئاه داخ وصار يستفرغ وقلت اتصل على اهلي خفت يصيرر له شي واحنا لحالنا وبسرعه جت امي واختي مع اني ناويه اسويها مفاجئه ومااقولهم لما اولد بس الظروووف اقوى مني
وراحت الدكتوره السوريه الحقيره الساعه 11 بالليل وجت وحده مصريه الله يدخلها الجنه بدون حساب
وبغت تنجن من الحاله اللي انا فيها الطلق قوووووووووووي والرحم ماانفتح من الصباح لليل وبالطلق الصناعي
وقالت الجنين انقلب راسه لفوق والمويه نشفت
على طول على العمليات واتصلت بدكتور سوري عشان يعطيني الابره حقت الظهر وجاء بسرعه وخلال 5 دقايق عطوني الابره وحطوا بيني وبينهم شرشف وسويت العمليه وسمعت صوت وليدي الله يخليه لي ولا يحرمني منه والسستر تحطه على صدري وتقول ولد وطالعت فيه لقيته صغييييييييير مره كانه ماكمل التاسع بس يزنن ويشبه ابوه كثير
وطلعت من غرفة العمليات وحطوني بغرفه صغيره جنبها وجسمي من تحت مااحس فيه وثقيييييييييل وتحط الابره بفخذي وتقول فيه الم وانا مااحس بشي وسوولي مساج وتدليك خفيف لما قدرت احرك اصبع رجلي الصغير بعد ساعه ونص من المحاولات والحمدلله بعد ساعتين حر كت رجليني شوي وجاء زوجي ونقلوني على غرفتي ولقيت امي واختي واخوي ومو مصدقين اني خلصت لانها ماخذت شي العمليه بسرعه سووها لي عشان البيبي مويته ناشفه
والحمدلله جلست 5 ايام وطلعت بس العمليه عذاااااااااب ابكي من المغص والامساك ولااقدر امششششششششي وظهري منحني وبطني مشدوووووووود وااحاول امشي عشان الدم مايتجلط
والحين انا عند امي الله يخليها لي بس ضايق صدري على البيبي لانه صغير مع انهم قالوا لي وزنه كبير كل ماتدخل دكتوره تقول كبير ولما ولدت لقيته كتكووووت صغنون مره
ومااقدر على الرضاعه الطبيعيه بسبب الم العمليه
وعطوني حليب رونالاك تعرفون عنه شي ؟؟
وودي مااطلع من النفاس الا صحته كويسه ووزنه حلو افيدوني ياامهات وش اعطيه ؟؟
والله يسهل على كل حااامل ترى هذا كله لحظه وتنسينه بس حبيت انقل لكم تجربتي في ولادتي الاولى
والله يديم علينا السعاده يارب

[ميمي الاموره]

ام ليان ليته والله بس بالغرف انا ماتفرق معي اصلا ابي اولد واتطمن عالنونو واطلع ماحب المستشفيات


وليمون حامض الله اللي يسهل بس
من جد جتني ام الركب من كلامك عاد انا على طريف خوااافه مررره


واذا تبون شنط نفاس انا الصراحه مااانصح فيها ماتدرين وش حاطين فيها خذي نظام فيافي بالنت تلاقينه
وروحي للعطار بنفسك واشتري اللي تحتاجينه
وسويه انتي غسليه واطحنيه ورتبي اغراضك بعلب صغيره
وواكتبي كل شي عليها ووقت اكلها
اختي الكبيره مسويته وتمدحه مرررررررررررره مسويته بعيالها كلهم
واختي الثانيه شرت من هالشنط بحملها الاول وجاها خوى
وماتابت جابت من وحده ثانيه واستشمت ياحياتي
ماله داعي تحطين شي ماتدرين وش مكوناته
انا يوم رحت شريت الاغراض وطحنتها وضبطتها ماكلفتني الـ 200 ريال
وبعد كنت مكثره منه يعني شريت ضعف الكميه

وبالنسبه لزوجي لو بيدخلونه بدخله خله يشوف العذاب اللي بتعذبه

وبس

[أم دجانة]

سلامز يا أحلى كروووووووووشات بالرياض......\\

أنا ولدت يوم السبت في الليل يعني صباااااااااااح اأحد الساعة 3 قبل الفجر..

وجبت صبي مو متل الأمر .. احلللللللللللللى من القمر.. ولساني بمشفى هلأ وبس ارع علبيت بكتبلكم قصة ولادتي كلللللللللها...

وهلأ سلام

[يارب عفوك]

الحمدالله ع السلااااااااااااااااااااااااااااااامه

مبروووووووووك ماجاكم يالغلا

والله كنت حاسه إنك سويتها لإنك اختفيتي فجأه يلا ارتحتي

وعقبالنااااااااا يارب