دردشة حوامل الأحساء- تجمع بنات الأحساء - الحسآويآآت

[الحـــــوراء]

ايه انا أتابع بالحرس
بس لما عرفت انه دكتورتي ماتقول لي الحقيقه كرهته نوعاً مّا
تعبت و انا أسألها شنو جنس الجنين و ماترضى تقول لي
تسوي نفسها قاعده تشوف و بالنهايه تقول لي مو مبين , قهرر
بينما رحت مستشفى ثاني و بسرعه قالت لي الجنس
وبقسم الأشعه بالحرس سألت الممرضه و الحمدلله قالت لي و تأكدت , بس قالت انو ممنوع يقولون شي المفروض الدكتوره اهيا اللي تعلّمنا كل شي

هذا عيب دكتورتي ماتعلمني ولا شي , بس تقول لي كل شي تمام في كل مرره
و حتى إذا اشتكيت من شي ماتتكلم و تعلمني عنه > يعني مستمعه فقط

خخخ > عبرت عن شعوري واجد

[حلمي الورددي]

والله انك نفس حالتي

كرهت المتسوصف بسبب اللي اتابع عندهاا

مثلك بعد كل ماقلت لها شنوو نووع الجنين تقولي مو واضح

زهقتني والله .. ولا تقولي عن شيء ابد يعني وزن الطفل

حتى مامره ورتني الطفل بالشاشه

كنت اكره ارووح مواعيدي والله والسبب هي ..

حتى الكالسيووم ماوصفته لي الحين اسال ناس قالوو

لي المفروض يوصفووه لك بالرابع ..

ماغير من سمعت اللي يصير بالحامل ان تالمها رجلها او ايديها او اسنانها

وانا ادعي عليهاا والله .. لان من السابع وكل اسناني وانا اول مره احمل

مدري عن حاجه ابد الله يغربلهاا ..

[الحـــــوراء]

اختي ..

انا بمستوصف الزهرا بشارع النجاح , قالت لي الدكتوره الجنس
الحقيقه انا حامل بـ توينز بنات و ماكان مبين بداية حملي
مستشفى الحرس قالوا لي كيسين و مشيمتين , بينما الزهرا قالت لي كيس واحد و مشيمه وحده
و ما أدري مين أصدق

الحمدلله انها كل مره توريني الصوره و تعلمني وين راسه و قلبه و كل شي

و صحيح المفروض تاخذي كالسيوم و حديد من الرابع > انتي طلبي منها تعطيك إذا اهيا مفهيه

انا آخذهم للحين بس مو منتظمه فيهم
الحبوب حيل مهم إذا نقص الحديد يصير دمّك ضعيف
و الكالسيوم مهم بعد , حاولي تشربين حليب و تاكلي ألبان
و وجبات صحيه , البيض حيل مفيد للحامل و الخضرا و الفواكه

> حسب كلام مامي كان بعض حريم أول
كان كل مره تحمل يطيح عندها ضرس بسبب نقص الكالسيوم .. ما أتخيل

[نورآلقمر ~]

صصبآح الخيييير حوآآمل

الحورآء انا اآراجع بمسستشفى االحررس الاحسسساء ^^

[نورآلقمر ~]

على موضوع جنس البيبي .. هذا قانون المستشفى ممنوع مايكشفون عن جنسسه
انا بدايه الحمل كنت بمستشفى الموسى وعلى الشهر الخامس نقلت للحرس
آخر موعد لي بالموسى الدكتوره قالت لي احتمآآل جنسسه كيذا

ورحت للحرس سويت السونآر بالاشعه الكبيره وسالت الممرضه قالت ممنوع
قلت مافيه منا منا وجلست تحوس وقالت لي .. وقبل لا اطلع جلست تقولي لاتقولين لـ احد << الحرمه خايفه على روحها

وبعد كم اسبوع رحت موعدي لدكتور .. سوآ لي سونار وقالي شنو ناويه تسسمين
قلت الاسماء الي ببالي وجلس يعلق ع اسسم البنت
قلت ايششش معنى البنت هاا عشان الي ببطني بنت جلس يضحك يقولي اوو تعرفين كيف خلوك تعرفين وانتي عندنا
قلت احم احم انا غييير .. وصار كل مره يسوي لي السونار يقولي نشوف اخبار العروووسه
الدكتوررر الي اراجع عنده مررره تعامله حلو واسلوبه بعد

[حلمي الورددي]

والله لو كنت ادري كان قلت لها اوصفي لي ويااه

لكن مدري عنه ابد ولا جااء ع بالي الا توها قبل كم يوووم اختي

قالت لي وصفوو لك كالسيووم قلت لها

قالت غريبه الحرس المفروض وصفووه لك قلت لها والله ماعطوني

حدها عطتني الفووليك والحديد اما غيره لا ..

يعني لو ادري قلت لها .. الحين حولتني ع المستشفى

ولا جابت لي طاري

قلت لها شنو نوع الجنين قالت لي احتمال بنت قالت انتي شوفي

فيها شعر صح قلت لها شدراني انا هههه

جيت قلت حق اهلي قالو يعني الولد مافييه شعر الا هي غبيه ههههههه

قلت لهم يمكن كلامها صحيح بنت مايدريكم ..والا الحين مدري والله ..

ولا رحت مستشفى ثاني .. حليب البارد ما احبه طعمه مو حلوو اكلي كل خرابيط احس

المفروض يكون اكلي صحي لكن خليها ع الله بس ..هذني خايفه اللي بجيب يكونو اسنانها دماار

هذا اللي مخوفني والله .. لان ما اخذت كالسيووم واسبوع الجاي معي موعد قلت بشوف اقول لها

مع ان ناس يقولو ان يوقفووه بالثامن ولا ادري وانا كلها اسبوع الجاي ادخل التاسع اتوقع ..

[حلمي الورددي]

الحوراء يعني فيك تؤام او شنوو ..

لان كيسيين هذا يدل انه تؤام والمفرووض يبان لو تؤام وانتي بالسابع الحين ..

[نورآلقمر ~]

حلمي الوردي
في بعض الدكاتره مفهيييين بدرجه قويه
لدرجه انتي تطلبين منهم يعطونك ادوويه تقولين الي عندي خلصوووآ
انا كل مرره يسسآلني عن الكآلسسيوم وحبوب فقر الدم الشديد
واذا بيصررف لي يعطووني اكثر من علبه

مثلك الكالسيوم وقفته من دخلت الثاآمنن وصرت اعتمد ع الحلييب بس

[حلمي الورددي]

Ms.HoOr

اي انا ما اقولك يصفوو لي اكثر من علبه صحيح

ومثل ماقلتي ان هالدكاترره والله مفهيين .. يعني بالذات البكر

المفرووض يقولو لها عن كل حاجه لان الوحده ماتدري عن شيء ابد

وانا ما اتكلم صراحه ولا اقول شيء حدها اللي تقولي كل شيء تمام

وضع الطفل بعد تمام واذا الاشعه سويتها بالمستشفى طبعا يحولوها الا ملفي بالمستوصف

تقولي سويتي الاشعه اقول لها اي وتشووف الجهاز وتقولي الاشعه كويسه

اللي سوويتيهاا .. بس هذا اللي تقولي اما غيره ابد ماتتكلم فييييييييييه ..

كانت تقرهرني حتى اي شهر ماتقولي وضع الجنين كييف هم ماتقولي وزنه بعد

وانا ما اشتهي اتكلم معهاا ماعمري دخلت لها وشفتها مبتسمه كل مكشرره ههفففف منهاا

الحين حولتني ع المستشفى اللي بالحرس لان الولاده راح تكوون هنااك وهم قالو بالشهر

الثامن ينقولني فييه .. وانا دخلت الثامن رحت تاريخ 6 عربي واسبوع الجاي تاريخ 27 عندي بعد موعد..

حتى موعد الولاده ماقالو لي .. اهلي يسألنوني متى موعد ولادتك قلت لهم شدراني ماقالوو لي

وانا صراحه ماسالهم ولا يجي ع بالي اصلا .. قالوو المفرووض هم يقولوو لك قلت لهم ذيلي يزهقوو

متى اولد وافتك منهم ..

[حلمي الورددي]

Ms.HoOr

انتي متى حددو لك موعد ولادتك ..؟؟

هو اكييد رمضان مثلي بس نهايته او بدايته ..؟؟