دردشة بنات فلسطين, دردشة حوامل فلسطين, تجمع بنات فلسطين

[إنبثاقة أمل]

اه صحيح عسوله وبينك شو أخبارهم

ما الهم حس هاليومين

ان شاء الله يكونو بخير

[فوفو89]

يسعد صباحكم

كيف اصبحتو اليوم

انا خلصت شغل عند حماتي ووهس خلصت شغل ببيتنا جد تعبت

وهس بدي ابلش احفر كوسا للغدا بدي اعمل مخشي كوسا

[لولو الفلسطينية]

صباحو صبايا
كيفكم اليوم ؟
بينها كانت في مشكلة الصبح في المنتدى ما كان راضي يفتح ؟؟
عسولة شو اخبارها ليش ما بتدخل هاي الايام يا رب يكون خير ؟؟
بينك و حواء ويييينكم انتو كمان يللا تعو طمنونا عنكم
فوفو
الف سلامة عليكي
بالنسبة لنسبة الدم انا برضو من اول ما حملت و هي اعلى شي وصلته 10.9 اخر شي قبل يومين عملته كانت 9.9 مع اني باخد حبتين حديد مش وحدة و اكلي عادي ماشي حاله
بس الدكتور غيرلي حبوب الحديد لنوع تاني لانو دمي ما بيرتفع عليها
بس انتي كلي رمان و بندورة و بنجر و سانخ و هاي القصص ههه هاي الشغلات بسمع انو فيها حديد و بترفع الدم
ربن يتمم للجميع بخير و يرزق كل الي بدهم يحملو ان شاء الله
كلللل الصبايا ربنا يسعدكم و يجعل ايامكم حلوة

[جارة القمر]

يسعد صباحكمــ،

حيفاااا:

لاااا ابدا حبيبتي والله فهمتيني غلط بالعكس انتي مش مصدر نكد بنووووووووووب يا هبوله ........
بس لانك غالية علي ومتل اختي ....تأثرت فيكي ..........وربنااا يكتبلك ويكتبلي كل شي حلوووو بهالدنياااا

-----
يااااا بنااااات اليوم 11 للدورة بسبب اللولب ......مع انه دورتي 5 اياااام و اللولب عجب علي.....
مع اني حاطه نوع خفيف ....ياربي زهئت وتعبت ،،،،وفوء كل هاد دمي ضعيف ........

[احساس أنثى]

شو اخباركم صبايا
بنات اليوم نزلت ع الحلو فاااااارم اشتري شنته عامل قسم لكل شي
ماشريت شنته دخلت قسم الاطفااالاااااااال وماطلعت الا وانا شاريه
شغلاتو رهيبه وماركات بجد بجنن رجعالو يوم الاربعا ما اكتفيت بدي ارجعلو كمان لما ينزل الصيفي لسى مانزل

بس عندو عطر اطفال 150 شيكل شكلو بجنن :)
سرير بيبي ع الكهربا حكيت لجوزي البطن الجاي بدي واحد متلو هاد يلي عندي مش سرير هاد هبل ههههههههههه

[احساس أنثى]

جاره راحعي دكتورتك اذا شي طبيعي لا تدايقي عادي
انا وانا بنت كانت دورتي ل7 يوم لما تجوزت سارت 4 ايام

[جارة القمر]

احساس:

يااا بنت شهيتي قلبي على الشوبنج ............والله فتحتي نفسي..........
بدي روح لف على كم محل معناهااااا

بدي اشتري لماما هديه ......واشتريلي كم غرض .........

بس المشكلة الوقت ,........ممممممممـ

صحيح تتهني بالمشترياااات

[احساس أنثى]

تسلميلي حبيبتي جاره انا بملابس وشغلات الاطفال بنسى حالي وعقلي هههههههههه
كانت مشترياتي لالي وخاصه الحلوقه اكتر شي بحبهم بالاكسسوارات والبيجامات
هلا اجاني زوزو وسار كل التسوق لالو :) روحت احكي لجوزي قلي ولا يهمك الك عندي مبلغ :)

صحيح جاره انتي شو شريتي لحماتك ؟؟ مش حكيتي حتعطيها فلوس ؟؟
باني انا لحتى الان مش عارفه شو اجيبلها!!

[جارة القمر]

احساس:

شريت لحماتي استاند اللي بيتقدم فيه الحلويات منقوش عليه نفس لون صالونهم لما اهديتها ياااا حتطو بالصالون

بيجي الفكره متل هاي:



بالاضفة لمبلغ

[em3omar]

مرحبا صبايا كيفكم
انا بخير الحمد لله وبدي سلامتكم
يعني لو حابين تعرفوا اخباري
حيفا حبيبتي الله يعوض صبرك خير وهالشهر اهدي وارتاحي خدي فترة نقاهة وما تقهري حالك بتحملي ما تخافي بس اصبري واتركي الامور تصير على مهلها وان شالله سنة الجاي بتلاقي بيبي زغير بين ايديكي
دارين اهلين وسهلين فيكي اموت بالقدس انا
انا كمان من القدس بس متزوجة عالناصرة مش من زمان يعني بس من 3 سنين
حلا مبروك البيلفون كتير حلو انا جوزي اهداني قبل سنتين ايفون 4 وطار عقلي فيه لحد اليوم طاير
لولو حبيبتي سالت عنك العافية منيح انو حدا سال عني بكيف لما حدا يتزكرني
انا يا صبايا لحد هلأ ما طبخت مش عارفة شو اطبخ وجوزي كمان شوي بيجي راح يزعل مني لو ما لقي طبيخ
مطلعة كفتة بس مش طالع عبالي اعمل فيها اشي لا صينية بطحينة ولا اي شي تاني
بركي بعملها كباب وبقليها مع سلطة وبطاطا ومكابيس على راي جوزي
هو بحب هدا الاكل
شوفو انا عم بفكر وبكتب ههههههههه معلش اثر عدم النوم الجيد مرة بنام بالليل ومرة بالنهار ونومي متقطع كتير
يلا بعين الله