دردشة حوامل أهل جدة - دردشة بنات جدة - تجمع حوامل مدينة جدة

[دانتلا]

سلام عليكم كيفكم اليوم..بنات انا امس رحت لدكتورتي وخوفتني شوي قالت انو البيبي نازل تحت وانا ببدايه الشهر الرابع وقالت تعالي بعد عشره ايام ونكشف احتمال نربط الرحم وانا مرررره كنت قلقانه ماقدرت اصبر الين المراجعه ورحت لدكتوره تانيه وقالتلي انو وضعه طبيعي ومافي اي خوف واتطمنت الحمدلله

[•.ღ˚نور˚ღ.*•]

الحمد لله دانتلا

ربك كريم ,, هالدكاتره الظاهر من الفضاوة ماعندهم شغله الا تفجيع العالم, تأكدي حبيبتي

ان النونو بحفظ الرحمن ,, والحمد لله انك تطمنت ولا صرتي تهوجسين..

[دانتلا]

الحمدلله ع كل حال ..كيفك انتي يانور
ماتعرفي محلات تبيع ملابس حمل نااعمه وحلوه عشان العيد..

[•.ღ˚نور˚ღ.*•]

الحمد لله حبيبتي اسال عنك

للاسف دانتلا ,, انا بس لي سنة بجدة واول حمل

بس انا اخذت كم شغلة حلوة وناعمة من سنتر بوينت وسيتي ماكس

انتي لو عرفتي خبريني

[دانتلا]

انا اشتريت ليا واحد من سنتر بيونت واتنين من مس سلفيردج اعتقد كدا اسمو اذا مو غلطانه

[•.ღ˚نور˚ღ.*•]

انا اخذت من سنتر بوينت عندهم فساتين ناعمة

ووين مكانه مس سيلفردج بجدة دانتلا ,, انا اعرفه بالشرقية بس

[دانتلا]

موجود بسوق عزيز مول بالدور الارضي اعتقد

[•.ღ˚نور˚ღ.*•]

اها مدري من قال لي برضو ان بعزيز مول الدور الثاني فيه كثير محلات تبيع ملابس حمل

[دانتلا]

نور اعلنو انو بكرا رمضان ولا لسا؟؟؟؟؟؟؟؟؟؟؟

[•.ღ˚نور˚ღ.*•]

لسى انا من اول حاطه ع السعودية الاولى