دردشة حوامل أهل القصيم - دردشة بنات القصيم - تجمع حوامل القصيم

[محجبه]

لكل البنااااات اللي انظمو الله يحييكم بدون عد وياهلا بجميع كروشاااات القصيم
ومفارش النفاس على قولة بطه بيضاء ماافكر بها بس خسارة فلوس اذا صار مايجيونك النااااس الا بعد العشرين ياختي اجلسي على حيلك وسلمي عليهم واتركي السرير كله منها انك تخففين نفسيتك شوي تحسين انك طبتي
والله كانت دكتوره تقولي قبل عشر سنين يابنتي انتم مرضتو انفسكم بالسرير واللي عند زوجها تولد تصير اطيب من الحصااااان

[لينا2011]

سلااام
محجبه الله يحييك
بطه بيضاء ماعندي علم مراجعاتي بالمستقبل
بنات فيه احد منكم قد راجع او ولد عند الدكتورة اليمنيه بالفريح ؟؟؟
او هويدا بالقصيم الوطني؟

[بطة بيضاء]

المشاركة الأصلية كتبت بواسطة لينا2011

سلااام
محجبه الله يحييك
بطه بيضاء ماعندي علم مراجعاتي بالمستقبل
بنات فيه احد منكم قد راجع او ولد عند الدكتورة اليمنيه بالفريح ؟؟؟
او هويدا بالقصيم الوطني؟

بنت خالي ولدت فيه العام تذمه مرررررررررررررررره

[ام احلى اثنين]

مراجعه صديقتي تراجع عند هويدا وتمدحها

بس الولادة 3 من صديقاتي ولدوا عندهم ويمدحووونه بس ماولدتهم هويدا


بنات مدري وين اولد ان شاء الله مره متردده

ودي بالقصيم الوطني

لانه مستشفى الولاده ولدت فيه مرتين المره الاولى شينييين والثانية حلويين

وخلاص انا ابي خااص ومسكن وكمامة تعبت من الطلووق وطلعة الراس مااااااااتحمل

[بطة بيضاء]

والله انا مثلكم محتاسه ماادري وين اولد

مره اقول الحكومي لاقريت وسمعت عن معاملتهم خفت خصوصا بكرية تحت الف خط
ومره اقول الحبيب بس يقولون خياطتهم كبس والكبس موزين
ومره اقول الوفاء بس مابدي طفلي يكون من مواليد الابريده ديرتي

محتااااااااااااااااره

[لينا2011]

شوفي بطه انا جربت الولاده بالفريح مرتين صراااحه روعه وتعاامل حلو بس مشكلته المبني موب ذاك الزود وانا ولاداتي عند الدكتورة فوزيه ومحتاره هالمرة يقالي بغير عن الفريح بس شكل مالي الا هو والله يسهل علينا
ام احلى اثنين انا مثلك مرة محتاره بين الفريح والوطني

[بطة بيضاء]

طيب بنات سؤال محيرني الحين الكبس اللي يسوونه يخيط زين ويضوق ولالا اخاف........

ومن احسن وحده بالوطني وكم الولاده؟

[كتكوتتي]

السلام عليكم
انا جديده بالمنتدى وسعدت كثيرا بوجود تجمع لحوامل القصيم

اشكركم على المعلومات الحلوه والله ييسر للجميع .......آميــــــــــــــــــــــن

[ام احلا بنوته]

هلاوالله فيك اختي كتكوتتي
تشرفنا فيك اختي انك تكوني معنا ان شاءالله تفيدي وتستفيدي
ونبغى يتحرك شوي التجمع

[ام احلى اثنين]

محمود سوداني طبعا مراجعاته فقط للباطنيه يعني اللي عندهم مشاكل بالحمل سكر غدة وهلم جرا

احمد حلو ويسمعلك بكل شي بس كنت مسقطه قبل واقوله ابي مثبت وكذا

وكان يرفض ويقولي تسقيطك قبل من حينه تعبان النونو لانه كان ينزل من بني من اول الحمل

لكن حملي اللي بعد التسقييط لا الحمد الله وكان يقولي سافري وسوي كل شي

انتي طيبه وبذيك الايام كنت انقهر منه اقول مو هامته انا وبعدين اللحين اقول لا ماشاء الله عليه

عارف ان حملي هالمره يختلف عن حملي اللي قبل وماعرضني لمثبتات وحوووسه

والحمد الله يارب

وبحملي الثاني ليلى عامر حلووه مره بس عيبها السرعة سريعه بكل شي بس حريصه على الواحد

كان عندي سكر كانت حريصه مره علي من ناحيته وودها تولدني من دخلت التاسع خايفه على النونو بس كان وزن النونو صغييير يالله صار كيلويين بالاسبوع 38
وجتني التهابات شديده من اول حملي ماخليت دكتورة ببريدة مارحت لها
لين دخلت عليها وماشاء الله وعطتني علاجات صح ماشفت الالتهاب من بعده

لدرجة كراتين العلاجات لما اللحين عندي حافظتهم لو جاني مره ثانيه او جاء احد اعرفه اعطيهم اسمائهم
واللحين اذا ترتب سكري بحول لها لان دكتوري ذا ماعنده سونار ولا شي