تجمع امهات التوام حياكم

[شازل]

على فكرة بنات طهرتوا أولادكم أو كلكم بنات ... أنا طهرتهم بعد 38 يوم من ولادتهم ...

[محجبه]

شازل الله يوفقك تحقيق جدا مفيدوانا بجاوب بعد شهرين مثلكم لان الحين ماعندي خبرة اتعلم منكم
ياحبيلكم وش اسوي احس بناتي ماينامون عميق يعني ساعه نوم وساعه صجه وش اسوي ووحده مانمت البارح مااغير اهزهز بها وتصيح تقطع بلعومه تتوقعون من الحليب اس 26
شورو علي

حور عين
حلبيهم بناتك اس 26 للخدج ومكتوب مدعم بالحديد او لا
احس مليتو من كثر مااسال اصبرو علي
متى يبدون ينامون زين بالليل والله احس بديت انتفض من قل النوم

[زود الغلا]

الحمدلله كما ينبغي لجلال وجهه وعظمت سلطانة .....حبيت ابشركم اني ولدت وجبت احلىىىىىىىىىىىىىىىىىىىىىىى بنوتين تاريخ 22 /12 اول يوم بالاسبوع 37 ....... وكانت ولادتي قيصرية ...واخيراااااااااااااااا انظميت معكم :)

[شازل]

أهلين محجبة ... الله يكتب لك الأجر ويصبرك
أولا رددي داخلك إنك تقدرين عليهم لين ما تبدين تحسين إن التوأم تربيته عادية وسهلة - هكي على روحك - ...
بالليل خلي أخر رضعة ينسون بالحليب يعني بدل الماء زيني مشروب اليانسون وشربيهم علشان الغازات ولا تهزهزينهم ترى يتعودون قبل النوم سوي لها مساج بزيت دافيء ولفيهن زين وشربيهن اللي قلتلك ، لا تكثيرين عليهن اللبس بس لفيهن ببطانية دافية وزينة ولبسيهن ثياب قطنيات وبربتوزات قطنية ... والله يوفقك ...

زود الغلا بشرك الله بالخير والله يبارك ببناتك ويسعدهن ويحفظهن من ولادتهم حتى يوم الدين ...يالله هاتي البطاقة الشخصية أو البطاقة التوأمية قبل ما تدخلين ...

[محجبه]

نوع الجنينين بنات
هل جلسوا في الحضانه نعم وحده يومين ووحده خمس ايام
نوع الولاده # عمليه بنج كااااامل

كم أوزانهم وقت الولادة # كيلو و700 ووحده كيلوين

عندنا بالعائله ومستخدمه اشياء طبيعيه مدري اذا منها ولا لا
وعن اعمارهم 22يوم
وكم مدة الحمل 35اسبوع باقي خمس ايام واخش التاسع
واعمارهم حاليا وطريقتها في الرضاعة متى ماجاعو لانهم يرضعون اقل من واحد على كذا تقريبا كل ساعه
وطريقة تنظيم وقت الرضاعة مافيه بس احاول انوع بين طبيعي وصناعي
وإن كانت طبيعي كيف توفقين بينهم اعطيهم صناعي وبوقت نومهم اشفط لهم لان حنوكهم ماتمسك صدري اتحسف واشفط لهم لين يكبرون شوي
وإذا الحليب بدأ يقل وينشف وش الحل اذا قل الشكوى لله فيه حليب يدرر للمرضعات وتحاول تكثر سوايل
وكيف نبدأ ننظم النوم مانتظم من يوم ولادتي ياحسرة للنوم وداعا
ومتى نحاول في تنظيم نومهم وكيف ،اتوقع اذا خلصت شهرين يبدون يكبرون شوي
،، ونوع الحليب ومميزاته ومساوئه .اس 26 لكن مابعد لكن احس وحده سسب له امساك مدري بصبر واشوف
... ونوع الحفائض ،بيبي جوي سوى لهن حرق وغيرته لبامبرز
،، وش أكثر شي متضايقه منه ويعانون ومنه ،صياحهم المزعج وعدم انتظام نومهم
،،، والادوية اللي يأخذونها ،،اعطيهم ماء غريب للمغص ونقوعه واحيانا حبتين رشاد تخفف لهم الغازات
،، مين يعاونك ويساعدك عليهم وعلى اخوانهم اللي من قبل وعلى شغل البيت وإذا كانوا شغالة كم واحدة وكيف تنظيمك معها ،،،مابعد رحت لبيتي واتوقع اني احتاج لمساعده احد
واللي يدرسون أو يشتغلون وش بيسون بعد فترة ،،،، وش تستخدمون لهم للمغص والانتفاخات والامساك ،المغص
ما غريب وينسون وحبات قليله رشاد
،، وش تعطونهم يشربون غير حليب اعطيهم احيانا شاي ينسون واحيان مغذي
ومتى بتبدون معهم أكل وراح تبدون بإيش ،،مابعد فكرت،،،، طريقة استحمامهم وكل كم ؟؟
امسح لهم لان الجو بررررررد؟؟؟ وغيرها من أسئلة ؟؟

[نـــــــارا]

هلا حبيباتي أمهات التوائم منزمان ودي أسولف معاكم هني
طبعاً أنا ولدت منزمان تاريخ 10/10/2010

وجبت أحلى بنوتتين

زود الغلا... ألف ألف الحمد لله على السلامة فرحتيني .. وربي يخلي لك بناتك
الأولى نور والثانية شنو سميتيها؟


---------------
نوع الجنينين
بنات

هل جلسوا في الحضانه
لا

نوع الولاده #
قيصرية بنج نصفي

كم أوزانهم وقت الولادة #
كيلوين و200 / وكيلوين و100

حمل طبيعي من الله وما عندنا بالعائلة

وكم مدة الحمل
36 أسبوع ويوم

واعمارهم حاليا وطريقتها في الرضاعة
شهرين ونص.. ورضاعتهم طبيعي

وطريقة تنظيم وقت الرضاعة
كل ساعتين رضعة

وإن كانت طبيعي كيف توفقين بينهم
أحياناً أرضعهم ثنتينهم في مرة باستخدام الوسادة الخاصة وأحياناً أرضع وحدة وأخلص وأبدأ بالثانية.. وأشفط لهم إذا مشغولة أو بطلع

وإذا الحليب بدأ يقل وينشف وش الحل
الحليب ما يقل كل ما شربوا در الحليب والتغذية العدلة والسوائل تدر الحليب

وكيف نبدأ ننظم النوم
علموني كيف

ومتى نحاول في تنظيم نومهم وكيف
المفروض من البداية كل ما كانوا أصغر كل ما كان احسن

... ونوع الحفائض ،
بامبرز.. جربت هجيز وما ارتحت له يسرب.. وجربت بامبي كان وايد زين..

،، وش أكثر شي متضايقه منه
نومهم الغير منتظم وبنتي وحدة منهم فيها فتق في السرة

،،، والادوية اللي يأخذونها
فيتامينات وصفها الدكتور + قطرات للمغص وماء غريب وأحياناً ماء الحلوة أو الينسون

،، مين يعاونك ويساعدك عليهم وعلى اخوانهم اللي من قبل وعلى شغل البيت وإذا كانوا شغالة كم واحدة وكيف تنظيمك معها ،،،
أمي ولساتني في بيت أهلي

واللي يدرسون أو يشتغلون وش بيسون بعد فترة
إن شاء الله ربي يرزقني خدامة وبوديهم مع الخدامة لأمي

،، وش تعطونهم يشربون غير حليب
ولا شي

ومتى بتبدون معهم أكل وراح تبدون بإيش ،،
6 أشهر إن شاء الله وراح أبدأ بالأشياء الماصخة وبعدين ببدأ بالفواكه عشان لا يتعودوا ياكلوا الحلو بس ويتركو المالح

طريقة استحمامهم وكل كم ؟؟
الوالدة تحممهم يومياً

[زود الغلا]

هلا نارا الله يبارك فيك انت وشازل ماقصرتوا . سميتهم نور وحلا

[زود الغلا]

نوع الجنينين
بنات

هل جلسوا في الحضانه
لا

نوع الولاده #
قيصرية بنج نصفي

كم أوزانهم وقت الولادة #
كيلوين مية / وكيلوين الا مية

حمل طبيعي من الله ووراثة بااعايلة من الطرفين
وكم مدة الحمل
37أسبوع

واعمارهم حاليا وطريقتها في الرضاعة
اسبوع :)
وطريقة تنظيم وقت الرضاعة
كل ثلاث ساعات
وإن كانت طبيعي كيف توفقين بينهم
للاسف ايبون صدري فاضطر اني اشفط الحليب واعطيهم .
وإذا الحليب بدأ يقل وينشف وش الحل
مالنا الا الصناعي لانه حليب حيل قليل ,
وكيف نبدأ ننظم النوم
الله يعين ماعني فكرة
ومتى نحاول في تنظيم نومهم وكيف
اتوقع بعد شهرين يتنظم النوم لوحدة
... ونوع الحفائض ،
بامبرز..
،، وش أكثر شي متضايقه منه
الوضع الحالي كلة
،،، والادوية اللي يأخذونها
ماي غريب
،، مين يعاونك ويساعدك عليهم وعلى اخوانهم اللي من قبل وعلى شغل البيت وإذا كانوا شغالة كم واحدة وكيف تنظيمك معها ،،،
امي واختي وعندي خدامة وزوجي احيانا يشوف عيالي الكبار
واللي يدرسون أو يشتغلون وش بيسون بعد فترة
على ما اداوم الا عمرهم 9 شهور لاني باخذ اجازة امومة الا تكون عندي خدامة

،، وش تعطونهم يشربون غير حليب
ولا شي

ومتى بتبدون معهم أكل وراح تبدون بإيش ،،
من 5 شهور رز بطاط جزر كوسا
طريقة استحمامهم وكل كم ؟؟
لحد الان بس مرة حممتهم بس مراح احممهم على طول مرة بالاسبوع كافي .

[لينا 3]

مساء الخير على الجميع ومبروك لكم الولاده والحمد لله على سلامتكم حبيباتي كلكم دون استثناء والله اني اشتقت لكم في تجمع التوائم ولاصرت اخش لاني بصراحه احس اني الوحيده في التجمع الي في الشهور الاخيره والجدد كلهم ماعندهم خبره زيكم دخلت بينكم لاني بصراحه اتمنى اغمض وافتح والاقي نفسي بينكم بصحه وسلامه يارب وتعبت من الثقل والتفكير قسم بلله انصدمت يوم الاربعاء رحت لموعدي بعد ثلاثه اسابيع وقالي الدكتور توك 34اسبوع واربعه ايام وقالي مستحيل اسوي لك عمليه بستناك تولدي طبيعي وانا ماكنت ابغى اولد طبيعي وجلست ساعه اناقشه وقالي تعاليني بعد اسبوعين وشيلي فكره العمليه من راسك .... بنات تكفون ايش اسوي ابي اولد وابي عمليه عشان مااطول انتضر الولاده الطبيعيه خصوصا ان امي جات عندي على بالها قربت وانا لسى بنتضر الطبيعي وهيه على اعصابها ماتبي تطول عندي وموعدي عند الدكتور النشبه بعد اسبوعين وش تنصحوني فيه اخواتي الغاليات هل اصر على العمليه لاني تعبت ومليت وهو يقول انتي وضعك طبيعي مارايح اسوي لك عمليه """ بنات مين سوت عمليه وكان وضعها طبيعي وهل العمليه حسب طلب الام لانه مره معاند الدكتور الله يعيني على الثقل طولت لاكن تحملوني والله يخلي لكم عيالكم يارب .

[حور العين]

اهلين محجبه انا الحليب تبعهم اس26العادي مو حق الخدج وفعلا وحده من البنات سبب لها امساك بس مااحاول اكثر منه بس وقت النوم اولما ماكون موجوده معاهم والنوم على الشهرين ونص يبدا يتنظم ..
زود الغلا الحمدلله على سلامتك ومبروك العراااااااايس ويتربو في عزك وعز ابوهم ان شاءالله

ياأمهات ياحلوين ..ابغى اسالكم بخصوص الحليب الصناعي انا ابوهم هذي المره جاب علبه كبيره حق الحليب والمفروض تستهلك الكميه خلال 4اسابيع لكن لسى مليانه باقي نصهاهل ارمي العلبه ولا احطها في الفريزر زي ماكتبت وحده في منتدى ثاني ولا اش اسوي بلييييييييييز شورو علي