تجمع الولاده القيصريه

[sweet mom]

الف الحمدلله على سلامة لللي ولدوا والله يبارك لكن بمواليدكن ويجعلهم الله ذخراً لكن ومن مواليد السعادة يارب
وننتظر قصص ولادتكن :)

[شازل]

الأخت سويت مام ... يسر الله أمرك
بشري عنك وش صار معك ؟؟؟؟؟؟؟؟؟؟؟؟؟؟

[sweet mom]

المشاركة الأصلية كتبت بواسطة شازل

الأخت سويت مام ... يسر الله أمرك
بشري عنك وش صار معك ؟؟؟؟؟؟؟؟؟؟؟؟؟؟

مشكورة حبيبتي شازل على السؤال
رحت المستشفى كذا مرة وكان الضغط مو مرتفع بس السكر شوي وطلبوا مني تنويم
بس انا رفضت وقلت ليهم بتابع بالجهاز وحمية بالبيت وخرجت على مسؤليتي على اني ارجع ليهم اذا ارتفع
والحمدلله انا حالياً اتابع بالبيت هو مرتفع شوي بس مو لدرجة اني اتنوم
وسهل الله علينا وعليكم وابعدنا عن كل مكروه

[ملكة المشاعر]

السلام عليكم ورحمة الله وبركاتو

كيفكم

انا ولدت قبل سنه وتلاشهور قيصري ولان حاااامل في بدايت الشهر التالت

بس احس محل العمليه مررررره يعورني مرررره


ودكتورتي قالتلي ان شاء الله هامره اولد طبيعي

لانو المره الاولي تعسرت ولالدتي بسبب التفاف الحب السري

[ام يزيد ورسيل]

انا والدة مرتين قيصري الأول ماجاني طلق ولا نفع الطلق الصناعي والثانية قالو لازم عملية مراح يتحمل الجرح والثالثة ثابتة الله يعين والله ولادتي بشهر 10ومن الحين شايلة هم دخلة غرفة العمليات وانا صاحية وهم القسطرة الله يعين بس
حبيت اسألكم كيف تتعاملون مع البلغم اللي يتجمع بالصدر وانتم بكرامة بعد العملية والكحة والله شايلة همهم

[روعه**]

مرحبا كروشات انا اول مرره ادخل تجمعكم
انا البيبي وضعو مقعدي والدكتوره قالتلي انو لازم اولد قيصري مع اني والده مرتين قبل طبيعي
طمنوني كيف الولاده القيصريه والله شايله هم الله يعنني وخلاص دحين بخلص التاسع ولافي بوادر ولاده وهذا اللي مخوفني

[فديت خلودي]

بنات مين والاده مرتين عمليه والثالثه حددوا لها عمليه
ويوم حددوا لك متي بتاسع يولدونك
لاني انا قالت لي خلاص الثالث عمليه بس يوم دخلت التاسع مارحت الموعد مو عارفه متي المفروض انهم يولدوني يعني كم من التاسع يعطيكم العافيه

[أرنوبة]

ملكة المشاعر الله يهون عليك يا قلبي
ويكتب لك اللي فيه الخير
اكثري السجود وادعي ان الله يسهل ولادتك ويسلم جنينك يارب


أم يزيد ورسيل الظاهر انك تولدين بنج كامل
انا اولد نصفي الحمد لله لا كحة ولا شيء
بس اذا بنج كامل لازم الكحة اشربي اشياء دافية بعد الولادة
وحطي مخدة على بطنك عشان لا تحسين بالم كثير الله يهون عليك وعلينا يارب


رووعة اكثري السجود ياعمري
واحبي على ركبك واكثري الدعاء يتعدل ان شاء الله
يارب يهون عليك وتولدين طبيعي ان شاء الله
واذا قرروا لك قيصري عاد امر الله بس اهتمي بنفسك بعد العملية
ولازم تمشين عشان لا تجي جلطة لا قدر الله واهم شيء لا يجيك امساك
الله يختار لك اللي فيه الخير يارب
وطمنينا عليك يا قلبي


فديت خلوي يا قلبي كان رحتي على الموعد اللي عطوك
انا هذي العملية الثالثة وقال لي الدكتور في الاسبوع ال 37
لازم تروحين لا تجيك طلوق لا قدر الله ويأثر على الجرح يا قلبي
طمنينا عليك تكفين الله يكتب لك اللي فيه الخير

[شازل]

أهلين معشر القيصريات ... كتب الله آلامنا في ميزان حسناتنا ...
وين بنات التجمع ليش غايبين؟؟؟ تعالوا نسولف ونفضفض وناخذ ونعطي نصائح سوى إنتهينا وولدنا أو لسى راح نولد ...

مررررررررررررررررحبا بالقيصريات الجديدات والله يسهل أمركم وييسره ، عاد لا تغيبون عنا ...

أنا يوم السبت رحت أراجع وسألت الدكتورة عن الجنس قالت ما بين علشان وضعيته ، وقالت أرجع يوم السبت الجاي وإن شاء الله ربي يكتب لي اللي فيه خير ...

[ملكة المشاعر]

ام يزيد واسيل ليش كم كان الفرق بين الحمله الاولى وتانيه

ارنوبه الف شكر

ربنا يسهل علينا كلنا ياااااااااااااارب