تجمع امهااات ذو الحجه

[مشاعل الدوسري]

صباح النوورهلا

[قلبيــ مدينهــ]

صباح الخير يا حلوييييين :

أنا زيك يا عسله انام 3 ساعات من 9-12 في النهار وبقية اليوم دايخه نعسانه بس ما اقدر انام .... يالله كلو بأجرو ...

[ام المسك]

صبااااااااااااااااح الفل
حبيت اشارككم بالنسبه للنوم صار عندي حلم وامنيه حياتي وانا حامل كان حلمي انى انبطح الحين حللللمي اناااااااااااااام بدون ارق بس يلا كلو بأجرووو
وفعلا الممنوع مرغوووووووووووووب

[قلبيــ مدينهــ]

اتخيلو يا بنات عبودي مو راضي يكبر كل من شافو قال نتفه صغيرووون مره علما بأنو عمره شهر و10 أيام كل شي صغير فيه ....
وبعدين تطعيمة الدرن اللي اخذها اول ما ولد سبحان الله اليوم حسيتو يتألم فلقيتها وارمه وفيها صديد بعد شهر من اخذها ...
اما البكا والمغص والترجيع فحدث ولا حرج لدرجة اني ابكي معاااااه ...

[قلبيــ مدينهــ]

أم المسك ياهلا فيكي كم عمر نونتك

[عسله]

قلبي مدينه

الف سلامه ع عبودي
شوفي انا ولدي كان ماينام من المغص وع قولتك تبكي معاه
بس سرت بعد كل رضعه موية غريب بدات لاحسيت انو حيتمغص
ونعناع بدون سكر نبات مرااا يريحو

اما حكاية الابره ماعندي خلفيه عنها

[زهرة الموسم]

سلام مامات كيفكم حبايب قلبي
حبيت ادخل واسلم عليكم
وابغا منكم تدعولي بولادة سهله وسريعه وميسرة
لاتنسو عشان اجي وادخل معاكم التجمع لمن اولد :)

[اجوان]

عسله..
والله جد النوم دا صار امنيه اتمنى بس انام اربع ساعات متواصله خلاص احس مخي والله اتعطل ماعاد اقدر افكر ،،

قلبي مدينه..
ودي عند دكتور احسن عشانالتطعيمه بس المغص جربي معاه زي ماقالت عسله نعناع وكمان يانسون وانشالله يخف كمان دلكي بطنو بشي دافي يمكن دخلو برد وانشالله قدامو العافيه طمنينا عليه ..

زهرة الموسم..
الله يسهل عليكي يارب ويرزقك بولاده سهله وميسره وطفل معافى ياكريييم..

[اجوان]

مامات،،
ايش نظامكم بالاكل؟؟
انا اكل اكل اهلي العادي بس زياده عليه كوبين حليب واقل شي اربع كاسات مويه وتمر والعصريه كوب فيه يانسون وكمون وقرفه بس..
تتوقعوا كدا يكفي ؟؟ ولا لازم دا نظام النفاس ؟؟

فجاه بديت اوسوس هههههههه

انتوا ايش تاكلو ؟؟

[GhoOosha]

سلام ياحلوين
اخباركم؟

اجوان...ترا في مامات حليبهم خفيف ما يشبع مهما اكلو .زفاذا لاحظتي انو بنتك ما تشبع وطول الوقت بس تزن وتبكي حرام اعطيها الصناعي واخر الليل عشان تنامو يامامات اعطوهم منقوع التمر ..وبالنسبه للسره طبيعي ينزل دم لما تقرب تطيح وبعد ما تطيح شويه خليكي على المسحه واهم شي لا تخليها رطبه

مامات ..ليش كلكم تشتكو من قله النوم؟ يعني طبيعي النونو يصحى كل ساعتين انا عن نفسي اتاقلمت انو اصحى ..بس دحين زودت كميه الحليب صار يصحي كل ساعتين ونص ولا 3 ساعات مرره افرح ههههههههه بس الساعه 9 الصباح اعطيه الشغاله تغيرله وانام لين 11 واصحى خلاص بس من الساعه 12 بالليل اصير زي الخروووف بس ادور الفراش...حتى نونتي اتعود 12 ينام ...قاتوقع انو لخبطه النوم تجي من قله الرضعات او كثره الغيارت..يعني كل رضعه بعدها غيار دا طبيعي بس لا تغيرو حفاظ بالليل الا اذ اتبرز الله يكرمكم غير كده خلو لين 6 الصباح معا رضعه الصباح عشان يعرف يميز بين الليل والنهار ومايصحى بعد الرضعه بالليل يصير يرضع وينام فهمتو عليا ؟
قلبي مدينه..جربي الطريقه دي..ولازم تعرفي ايش يريحه عشان ما يبكي كتير وانتي تحسبيه مغص..يعني انا ولدي يحب يتلف بالكافوله لما ينام..في النهار الفه لفه خفيفه وبالليل لفه مزبووطه عشان ينام اكتر ومشي الحال..اعطيه ماء غريب بين الرضعات لما تحسي بكاءه زايد ونظفيه ودفيه لو هدي تعرفي السبب ولا لا سمح الله لا معناته في شي مضايقه

عسله..السهر مره راح يضرك لما تصيري لوحدك وراح يتعلم يسهر معاكي ويتقلب نظام النوم..زبطي ساعات رضعاته وخليه يلعب قبل الساعه 12 وشطفيه ولفيه را ح ينام من التعب ويطول في النوم شويه

بنات سمعتو عن الخزامى؟ يقولو مره تنضف الرحم من الافرازات تشربيها قبل الاربعين بكم يوم انا انضف يومين وتنزل عليا افرازات هبله مره باليوم ..ماني عارفه كيف اوقفها بجرب الخزامى واشوف

ياعسلات اللي قربو يخلصو الاربعين في عندكم افكار غير النيو لوك وملابس وعطور ؟واللي تعرف صالون تجميل مرتب بالرياض يااريت تدلني