【ツ】أحلى تجمع لأحلى حوامل التوائم 【ツ】 ‏الجزء الثالث

[رضاك ربي]

تسلمين ماء المسك حبيبتي ويجزيكي ألف خير على التجمع والله يجمعنا عالخير والمحبة دوم

[هيونه]

أهلين كوفي
الله يطمنك يارب مثل ماطمنتيني كنت أحاتي رجلي وش بيطلع معي الحمد لله هي تنتفخ لا مشيت كثير الضغط الحمد لله زين
وأبرة الرئة الدكتورة أجلتها لين الشهر الثامن مدري ليش بأقول لها لو مالها داعي مابيها لو قالت لا خذيها وش أسوي بأتوكل على الله رغم أنها مشوار والله يعين بس عليه
ومشكورة حبوبة على هالمعلومات ماشاء الله عليك

[هيونه]

حواري أهلين خيتوا معنا الله يتمم لك يارب
وعلى نوع التوينز ثقي أن ربي موب ظالمك وبيكتب لك إلي فيه خير لو أولاد أو بنات إلي يجي من الله حياها الله أهم شيء العافية صدقيني تبين بنت تعبانه أو فيه مرض تجلسين وياها من مستشفى لمستشفى أو تكبر وتعقك أسئلي الله الذرية الصالحة وهو موب مضيعك والله يرزقك يارب بالذرية الصالحة ويرزقني ويرزق الجميع
وعلى السونار أيه يغلط هنا معنا كروشة كانوا قايلين لها بنت وطلع ولد أو العكس نسيت والله

[هيونه]

مسوكه ماتشوفين شر وإن شاء الله تفرحين بالتوينز عن قريب يارب وتفرحينا معك

[هيونه]

بنات يالله تصبحون على خير ماعليش إلي ماقدرت أرد عليهم نراكم في وقت لاحق ‘ن شاء الله

[رضاك ربي]

صباحووووووووو

[الياه]

يسعد مســـاكم حبايبي



أخباركم عساكم بخير، شخبار الكل الحاضرين
والغايبين والمتابعين بصمت

امس ما قدرت ادخل، أبونا "زوجي العزيز" مريض
الله يعافيه، يوم يمرض سبحان الله كأنه واحد من العيال مريض
صدق أنه الرياييل أطفال

بسير اقرأ اللي طافني ولي عودة

[الياه]

ديــــم الوفا، أوســـــكار، أم رضوى القمر، ميرة الورد

طمنونا عليكم ، إن شاءالله تكونون قمتوا بالسلامة
أنتم ويا التوينز

لاطولون علينا ، وتشغلون بالنا

أم جمانه ، وفوفو الأمورة

وينكم غبتوا فجأة ، عسى المانع خير
وإن شاءالله يكون السبب ولادة سهلة
يابنات صفي شغلتوا بالي

عني ما احس أني بربي إلا عقب اسبوعين
مع أنه الثقل تاعبني، بشكل فظيع
خدر في بطني ، واحس فيه نغزات مثل الشوك
منو عندها نفس الأحساس
وسرت هالاسبوع موعدي ونسيت اسألهم :(

[الياه]

يارب فرجك

مساء الخير كروشات
كيفكم وكيف اجنتكم
انا قبل يومين دخلت المستشفى لبدايه طلوق وانا خايفه من انفجار الرحم لان الربط مافكته عني الدكتورة لكن الحمدلله خفت الطلوق واعطوني ابرة الرئه للاجنه مع اني دخلت باول يوم بالتاسع وطلعوني من المستشفى وعندي موعد الاسبوع الجاي ويمكن يقررون فيه الولادة اذا لم يجد جديد في تلك الفترة والله يستر علينا طبعا انا ولادتي قيصريه والله يحفظنا ويحفظ اجنتنا من كل سوء يارب

الله يسر أمرج ويهون طلقج ويقومج بالسلامة
إللي أعرفة يفكون الربط في أول التاسع
الله يتمم لج على خير وتقومين بالسلامة أنت والتوينز
أكثري من الاستغفار حبيبتي
الله يسر أمرج


حواري

السلام عليكم ورحمة الله وبركاته انا اختكم في الله حواري عضوة جديدة لاكن قارئة متتبعة لكم منذ بداية حملي وانا الان دخلت الشهر السادس وحامل بتوأم صدقوني يا اخواتي اني احس براحة عندما اقرأ مشاركاتكم لاني احس وحدة شديدة فارجوا ان تقبلوني صديقة لكم ويارب يفرح كل الحوامل

ياحياج الله بينا ، وكلنا خوات نفيد ونستفيد من بعض
الحمدلله كلنا على قلب واحد

بس ممكن تقولين لي أنتي في أي اسبوع ويوم بالضبط
عشان أضيفج في جدول السبت
ويا مرحبا بج مره ثانية

أم منصور

يا هلا وغلا ببنت العاصمة، صدق الحمل مأثر علي
وما انتبهت لرمستج أنج من الأمارات
أنا من العين مب بعيد عنج
الله يسر خاطرج قريب بكل خير

رضاك ربي

أخبارج يا حلوه ، عندج موعد اليوم
طمنينا عليج وعلى العسولتين الله يحفظهم

[الياه]

مـاء الزير

الله يبارك في حياتج ، وعقبال ما تدخلين
التاسع، وتفرحين بشوفة الحلوين
وإن شاءالله التوينز ما عليهم شر
أكثري من الصدقة والاستغفار
وان شاءالله الله يحفظهم من كل شر


وصل ريلي ,,, سمحولي كنت برد على الكل
بس ريلي مريض ويباله عناية، توه واصل من المستشفى
إلى اللقاء حبايبي