تجمـــع للـي يجهزون للبيبي

[om feesal]

كروشات أنا بكرية (يعني ما عندي ثياب لمولود سابق)
قرأت قائمة تجهيز المولود من المنتدى، كان فيها: ملابس للنوم و بيجامات اللي تجي مغطاة القدم + ملابس الخارجية.
أحسهم نفس الشيء!!
لأن الطفل قبل 3 أشهر دائماً ملفوف بالقماط و ملابسه دائماً مريحة للنوم و تكون خارجية أيضاً.
يعني ما راح ألبسه جينز وهو دائماً مقمط.

المهم.....إشتريت الملابس المغطاة القدم، العدد 6 فقط، المقاس: من 0_3 أشهر ، يعني شوي كبيرة.
و إشتريت new baby العدد 4 فقط.
لأنهم يقولوا النونو يكبر بسرعة.
إشتريت من الملابس الداخلية (شبك أسميه): 3 new baby
9 من 0-3 أشهر


إيش رأيكم؟ كافي؟ أو أحتاج أكثر؟
و إشتريت 6 جوارب + 3 غطاء لليد + 5 قبعات عادية (مابين قطنية و صوفية).
و سراويل لوحدهم العدد 4 مقاس من 0-3 ، والعدد 2 new baby
بطانية واحدة
لحاف صوف واحد
4 لحافات مخملية قطنية جميلة ذات رسومات
قماطين قطنيين أبيضين داخليين.....أختي المتزوجة قالت لي تحتاجي 5 لأنه ممكن يتقيأ عليهم، أو يتبول فيهم، و ينام فيهم، ويستخدمهم أكثر شيء.

إيش رأيكم؟
كافي؟ خصوصاً إني راح \اولد في عز البرد و الشتاء، بعد 3 أشهر راح يصيف الجو و يكبر البيبي.





_______________


أحس تحتاجين بطانيتين
وفوطتين استحمام
وفوطتين او ثلاث فوط صغيره لما تجين تغيرين للبيبي
وبرضو المشمع يجيك زي المفرش ومبطن ببلاستك لما تجين تغيرين للنونو وهذا عملي ويستمر معك فترة طويله
والمهاد صحيح من تجربة خواتي يستهلك كثير يعني أربع مارح تكفيك لأن ممكن يوصخهم كلهم في نفس اليوم

فخذي أربع بيضا عادية وثنين شوي حلوه ملونه يعني لين حبيتي تشخصينه بالبيت لو عندكم ضيفه معتادة

وبرضو يبيلك طقم كشخه لو جاك ضيوف للنونو يصير اللبس مع المهاد والمدس والمفرش وأشياء كثيرة

أنا أخذت طقم مره حلو من سنتر بوينت وسعره مره ممتاز

اممـ
هذي الاشياء بتكفيك فترة النفاس بس يعني بتحتاجين تقضين اخر نفاسك لان احتمال كل اللي لبسهم في هالشهر تصير قصيره عليه خصوصا البربتوزات الكامله يصير مايقدر يمد رجله
ولازم كم طقم كشخه شوي لما تروحين تزورين اهل زوجك واهلك بعد النفاس


ان شالله أفدتك

[Natsomi_chan]

المشاركة الأصلية كتبت بواسطة om feesal

أحس تحتاجين بطانيتين
وفوطتين استحمام
إشتريت 4 فوط للإستحمام بغطاء للرأس، واحدة خضراء مع أصفر و الباقي طقم بيج.
وفوطتين او ثلاث فوط صغيره لما تجين تغيرين للبيبي
إشتريت 10 فوط صغبرة جداً تجي مع بعض في كيس
وبرضو المشمع يجيك زي المفرش ومبطن ببلاستك لما تجين تغيرين للنونو وهذا عملي ويستمر معك فترة طويله
إشتريت مشمع
والمهاد صحيح من تجربة خواتي يستهلك كثير يعني أربع مارح تكفيك لأن ممكن يوصخهم كلهم في نفس اليوم
الله يعيني!!
فخذي أربع بيضا عادية وثنين شوي حلوه ملونه يعني لين حبيتي تشخصينه بالبيت لو عندكم ضيفه معتادة
إن شاء الله
وبرضو يبيلك طقم كشخه لو جاك ضيوف للنونو يصير اللبس مع المهاد والمدس والمفرش وأشياء كثيرة
كيف يعني الطقم الكشخة؟
أنا عمري ماشفته....غير هذا اللي يفصلوه و يخيطوه للنفاس
أنا أخذت طقم مره حلو من سنتر بوينت وسعره مره ممتاز
إن شاء الله بروح أشوف
رغم إني صرفت للآن 3000 ريال، على الأشياء اللي كتبتها و أغراض الصيدلية، و أحس زوجي تنرفز
لسا ما إشتريت سرير (بأشتري صغيييير)، ولا إشتريت دولاب (بأشتري دروج)
ولا إشتريت توزيعات المولود و طقم نفاس ولا راح أشتري
ولا إشتريت مشد للبطن
محتاجة بجامتين شتوية مفتوحة من لاسينزا للرضاعة، و حمالات صدر للرضاعة (غاليييين الله يعين)
اممـ
هذي الاشياء بتكفيك فترة النفاس بس يعني بتحتاجين تقضين اخر نفاسك لان احتمال كل اللي لبسهم في هالشهر تصير قصيره عليه خصوصا البربتوزات الكامله يصير مايقدر يمد رجله
ولازم كم طقم كشخه شوي لما تروحين تزورين اهل زوجك واهلك بعد النفاس
كل ملابسه كشخة لأنها من مذركير و أوبيبي
والله شايله هم كبييير

ان شالله أفدتك

جزاك الله خير أختي

[ام دحومي]

انا بالنسبة لي ماكثرت مره لاني برجع اغيرها بعد شهر ان شاء الله بعرف مقاسه وايش الي يناسبه فأخدت
4كوفلات قطن
2 كوفلات صوف مره مرتبه
3 اطقم للمواليد كامله من شبرا مره نايس اشكالها والوانها
1 منشفه للاستحمام
3 بدلات الي تجي مغط فيها الارجل
بطانيه صوف واكتشفت انها كبيره بس احسن عشان تكفيه فتره ولو حسيته بردان اقدر اطويها
لباس رضاعه
علبه للحليب الي تجي مقسمه لثلاث ادوار
طقم يجي فيه مستلزمات الاستحمام ( ليفه - مقياس حراره للماء - ومنشفه ناعمه) برضوه من شبرا مره سعره نايس
6 بربتوزان مقاس 0-3 جات طقم في محل اسمه برافوا وسهره مره حلو قطنها 100% وسعرها حدود 30 الى 40 ماني فاكره
2 بجامات نوم
5صدريات عشان اذا نزل شي من فمه مايوسخ ملابسه
باقي لي الطقم الي يجي مفرش مع مخده مع شنطه للنونو وشنطه ملابس هذا باخذه بعدين ان شا ءالله
ومستلزمات الصيدليه من كريمات وشامبو وغيرها قلت اسأل دكتورته افضل من اني اخبص لاني كثير اسمع عن اشياء تنباع في الصيدليات بس يطلع لها ضرر زي شامبو لادموع بعد اليوم شمعت انو مضر بس ماني فاكره اشلون
يعني الحمدلله باقي تجهيزاتي انا
الي هي ملابس رضاعه
استراتشات طويله عشان البرد
مع جوارب
صدريات رضاعه
بجامات قطن
طرح على الملابس
وماني فاكره ايش كمان
آسفه على الإطاله واذا ناسيه شي فكروني


ويارب يقر عيون كل الحوامل بشوفه اجنتهم سالمين معافيه

[زيتونه]

الف شكر ماقصرتوا

[حلا القصيميه]

تشريع غرف النفاس سايره موضه بس اعتمدي علي نفسك وجيبي تول +ورد+حلويات+وشرعي الغرفه والسرير ولهدايا والورد بلون واحد اواثنين وصدقيني راح تطلع مره روعه

[معين]

السلام عليكم ورحمة الله وبركاته
اول شيء مشكورييييييييييييين على التفاعل وعلى المعلومات المفيدة بصراحة استفدت كثير
يمكن انا بدأت اجهز بدري بس قلت احسن لأني مرررررة اتعب وحاسة بثقل من الآن
وبصراحة كمان مررة متحمسة والحمدلله اشتريت شغلات كثيرة تقريبا ماعاد باقيلي كثيروراح اكتبلكم ايش اشتريت ان شاء الله وايش كمان كلفتني عشان غيري يستفيد
الله يقومنا بالسلامة جميع يارب ويفرحنا ويتمم علينا هالنعمة الكبيرة ويجعلنا من الشاكرين

[سبحان الله]

السلام عليكم,,,,,,,,,,,,شخبار الجميع
روعه التجمع وراح يفيدنا كثيييير ان شاء الله
انا توني دخلت السابع وافكر ابدأ اجهز بس فبالي
اشتري ملابس حمل لي وكم غرض للبيبي لاحقه عليه ههههه
بس حابه اسئل ياكروووشات في نوعيه غير بيبي جونسن
من شامبو ومرطب وبودره ابغى اغير الي تعرف تقولي
الله يرضى عليها دنيا واخره ويسهل حملها ويقومها بالسلامه

[Almasah]

......
سبحان الله ايوه فيه
من مذركير

[سبحان الله]

مشكوره الماسه الله يسهلك ويقومك بالسلامه
طيب مضمونه منتجات مذركير الله يعطيك
العافيه

[Almasah]

..
انا ماجربتها لسه بكريه
بس يمدحونها البنات

وخذي جونسون وش المشكله حلوه وريحتها تجنن
احب انا ريحة الجونسون