مواليد<<شهر ربيع الثاني♂ ♀ فبراير (1435,2014)

ام احلى بنوتين · 08-20-2013, 05:25 AM

الله يسمع منك احساس طفوله
متشوقه لموعدي يوم الخميس ومتشوقه اشوف وجه الدكتور لما اقوله اني حامل
لانه قالي في شهر رجب ان البويضه صغيره وماراح يصير حمل واعطاني كلوميد اكله اذا اجت الدوره
وسبحان الله ما اجت الدوره وطلعت حامل الحمدلله كل شي بيدالله اذا قاله له كن فيكون
ولاني كنت مسافره ماقد راجعت ويوم الخميس بتكون اول مراجعه لي..

احساس طفوله · 08-20-2013, 06:37 AM

يغار الحلا بس ع قد مو مزعجين الا انهم اذا نامو تحسين البيت طفش من دونهم الله يخليهم لنا يارب ؛؛؛؛؛؛؛؛؛؛؛؛؛ عشرينيه وينك بعد مارجعتي بيتك ماعاد شفناك ان شالله خير

عشرينية · 08-20-2013, 08:19 AM

اهلين احساس الطفولة
انا متواجدة دائما
بس اتابع احيانا بصمت
والله النوم مبهذلني
اول 3 شهور كان نومي طبيعي
الحين بس انام معد اصحى
نومي 12 ساعة
ووالباقي غفوات
وشغل البيت اجر نفسي له جر الله لايوريك
ياربي مدري هو الجزء الثاني من الوحم

احساس طفوله · 08-20-2013, 10:54 AM

هلا عشرينيه ياحياتي كلنا وضعنا كذا كل يوم احاول اخلص شي من البيت خموووول وكسل بس فتره وتعدي هذا الحمل يوم تحسين نفسك نشيطه واسبوع مكسله الله يعين ويعدي ااشهور ع خير

امنيه 28 · 08-20-2013, 02:18 PM

مرحبا ياكروشات
من رمضان تابعتكم ع الصامت بس اليوم سجلت عشان انضم للتجمع الله يهون علينا جميعا
اعرفكم بنفسي
انا ام لطفله عمرها 3سنوات وتسع شهور تقريبا
وحامل بالثاني بعد علاج بس الحمد لله كنت ادعي ربي وحملت اثناء العلاج
وهذا من فضل ربي
موعد ولادتي 2 فبراير باذن الله

مارحت للدكتوره الا اول ماحملت لاني تعقدت من المستشفيات
وللحين مااخذت موعد انتظر نهاية الشهر عشان اعرف جنس البيبي واتقضى قبل الثقل
الله يرزقنا مانتمنى قولو اميييييييييين
ويجعلهم اطفال سليمين معافيين

اختكم امنيه

*mimi* · 08-20-2013, 03:18 PM

مرحبا بنات.. انا جديدة بالمنتدى بس من بداية حملي وانا متابعه معاكم .. من اهل الشرقية

انشالله ولادتي بتكون في فبراير ..
حبيت احكيلكم قصتي مع الحمل .. متزوجة لي 8 شهور تقريبا .. بعد 5 شهور من الزواج جاني التهاب شديد بالمسالك البولية ( اعزكم الله )
رحت مستشفى الرعاية بروكير بالخبر وصرفولي نوعين مضاد واستمريت عليهم لمدة 5 ايام
..
باليوم الخامس جاني المم شدييييد جدا بالبطن وانتفخ بطني من الجانب الايسر بشكل مخيف..
رحت طوارئ بروكير وقالوا لي وقفي المضاد وراح نعطيك مغذي ومسكن عشان يخف الالم عليك .. بعد ساعه بالظبط الالم لسى قاعد يزيييد وانا ابكي .. رجعت البيت ونمت بس 4 ساعات وصحيت مره ثانيه من الالم ورحت الصباح لطوارئ المستشفى التخصصي بالدمام..
وانا اصيح ماني قادره امشي من الالم متواااصل .. كشفوا علي وسولي سونار في الرحم كل شي سليم .. قالوا لي لازم نسويلك اشعه مقطعية عشان نشوف ايش السبب !!
قالوا انتي حامل قلت لهم لا وسوولي تحليل حمل وطلع مافي حمل ... سويت الاشعة المقطعية قالوا عندك التهاب بالمبيض وافرازات جوا البطن هي اللي سببت لك هذا الانتفاخ ..
بعد كل هذا والالم لسى ماراح عطوني ابرتين مسكن ورحت البيت ارتحت .. بعد 5 سااعات تقريبا رجع الالم ورحت لطوارئ مستشفى الولادة والاطفال .. اتعب وانا اقوول افشششل مستشفى قابلته بحياااتي .. الطوارئ معدووم لو يشوفونك ميته ما تحركوا .. قالوا لازم تنويم ومعرف ايش طبعا رفضت لان معاملتهم كانت ززفت ... وطلعت على مسؤوليتي ووقعت على اوراق انو لو صار شي هم ماراح يتحاسبون ..
طبعا كل مستشفى يقوولي كلام من عنده .. على الساعه 4 الفجر طلعت من الولادة والاطفال ورحت التعليمي الطوارئ بالخبر ونفس الكلام عطوني مسكن بس ومضاد طبعا ما خذيته لان بطني وقتها كان يتقطع ومو ناقصه آلاام ..
بعد 10 ايام بدى الالم يخف بشكل تدريجي .. وكنت استنى موعد الدورة .. وتأخرت علي .. ولا طرالي ابدا انه راح يكون فيه حمل كنت شايله الفكره من بالي ..
شريت تست الحمل المنزلي وقلت دامني فاضيه خليني اسويه .. حللت وطلع فييه حمممممل !!!!
انا انصدممت ورجع لي شريط المستشفيات والحووسه اللي صارت لي والمضادات اللي اخذتتها والاشعه المقطعيه .. وقمت اوسوس بما انه اول حمل لي ..رحت المستشفى عشان اتاكد وسويت تحليل دم وطلع فعلا فيه حمل ..
بعدها اكتشفت انو كل الزحمه والالم اللي جاني كان بسبب تلقيح البويضة !!!
سبب لي الالام بالمعده وانتفاخ بالبطن والتهاب بالمسالك البولية ...
الحمدالله على كل حال .. الحين انا باخر الششهر الرابع الحمدالله .. الله يتمم علي يارب ويسهل لي ولادتي .. وكل حامل يارب

ادري طولت عليكم بس حبيت اشارككم معاي اول تجربة لي مع الحمل ههههه

تقبلوا مروري

عشرينية · 08-20-2013, 04:35 PM

ميمي حبيبتي الله يسهل لك باقي الشهور يارب
امنية حياك الله في تجمعنا الجميل

ام احلى بنوتين · 08-20-2013, 06:27 PM

الله يحييكم امنية وميمي معانا
من جد يا ميمي تجربتك مع الحمل معاناة الله يسهل عليك وتولدي بالسلامة
ويسهل علينا كلنا يارب..
شكلي اخر وحده فيكم بولد اتوقع ولاتي 26 فبراير

احساس طفوله · 08-20-2013, 09:52 PM

اهلين امنيه وميمي نووووووورتو الله يتمم لكم ع خير يارب ميمي تفاعلت كثير مع قصتك الله يقومكي بالسلامه وتشوفين طفلك بصحه وسلامه

ندووش · 08-20-2013, 11:09 PM

مساء الخير يا حوامل

هلا و غلا بامنيه و ميمي

نور التجمع بوجودكم و بوجود الكل

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
•●تجمع حوامل ينااير2014&ربيع الاول 1435•●	آهات	إستفسارات مرحلة الولادة	395	02-24-2014 03:53 AM
تجمع اللي بيولدوا في شهر ربيع الثاني 1434	ام رتيل	إستفسارات مرحلة الولادة	9124	03-16-2013 04:08 AM
تجمع للي ميعاد دورتها من 1 فبراير ل 10 فبراير 2013	Fa6ema	منتدى أعراض الحمل والوحام	30	02-08-2013 03:00 AM
تجمع منتظرات الحمل شهر ربيع الثاني(بأذن الله)	TOomy	منتدى علاج العقم و تأخر الحمل	473	04-05-2011 03:08 AM
تجمع الراحة و النقاهة لشهر ربيع الاول و ربيع التاني	هادية	منتدى علاج العقم و تأخر الحمل	230	03-22-2011 04:07 PM